風水師:方亮瑜

風水師:方亮瑜

各路政黨近排都積極「收o靚」,廣招青年軍補允新血,自由黨亦唔例外,田二少做開young line時裝生意,自然深知個黨要「老少咸宜」,必須大力吸納新生代。不過,呢個世界乜人都有,叩門申請入黨者各有盤算,自由黨個招牌分分鐘被人利用,唔可以唔小心揀擇。
最近就有單嘢令自由黨高層驚驚哋。話說早前自由黨地區人馬拉隊參加聲討包致金姪女案判決的遊行,隊中有一位索女化晒妝亮相,更高舉出位標語牌,大大個字寫上「窮人含X」,十分之搶鏡。呢位小姐聲稱自己係自由黨的人,在場記者都以為該黨多了個養眼「黨花」。

方亮瑜跟自由黨人馬去示威,標語牌上寫「窮人含X」,十分出位。九九年港姐候選佳麗方家敏(下圖左二),與她的樣貌及背景都極相似,很可能是同一人。


八卦網民向來對這類政圈靚女有興趣,立即有人在網上搜索,進入她的facebook找到一批生活相,並知道她叫方亮瑜,洋名阿Jade,乃芳齡三十一的熟女,報稱職業是風水師。這批相片在網上流傳,並載於「東周網」(eastweek.com.hk),迅即成為熱話。
線人回報,原來阿Jade的確申請緊入黨,有高層曾經面試過她,初步話會考慮,根據程序,即使過了這關,最後仍要中常委審批,故她仍未算正式黨員。
據知阿Jade向自由黨報稱自己畢業於港大文學院,老父是玄學家,十二歲就開始學命理、紫微斗數同風水,現時以風水師為業,近年仲攞埋中醫資格。
黨內八卦友進一步搜查阿Jade背景,發現她曾經參加過香港小姐選舉,不過入唔到決賽。本刊記者翻查近十年港姐資料,搵到九九年度一位佳麗叫方家敏,英文名Carman,樣貌及學歷與阿Jade甚似,而據線人講,阿Jade曾經改過名,以此推論,家敏與亮瑜很可能是同一人。

自由黨高層驚驚哋那位方小姐當年選港姐時曾爆選美黑幕,又試過即場暈低,搞出唔少新聞,顯示她甚懂出位。可惜當年港姐冠軍由郭羡妮奪得,與她無緣,否則又是另一個故事。
由於阿Jade背景有啲複雜,表現亦好似出位咗啲,令自由黨高層有少少怕怕,要再考慮是否批准她入黨。線人話,如果阿Jade最後被拒門外,的確有啲可惜,因為現時各政黨都陰衰陽盛,男女失衡,好希望招攬多些女黨員,特別是年輕靚女,對阿Jade這類「黨花」本來求之不得,但又怕她忽然出位,影響自由黨形象,利弊各半,真係好矛盾。
社民連去年出了一位索女「波波」,成為宅男偶像,她早前更晉身行政委員會,成為丐幫核心成員,顯然獲毓民重點栽培。最近她忽然絕迹江湖,有消息說她已退黨,但線人打聽得知,她只不過去了新加坡出差,不單止冇退黨,講唔定將來會以美少女面貌角逐區選。
早前包致金姪女摑警案遊行隊伍中,有一位舉著「窮人XX」標語的斯文女子,相當突出,原來她名叫方亮瑜(Jade),是候選自由黨的黨花。
Jade言論大膽程度不遜於周澄,加上眼大大臉尖尖,即時被網友關注和紛紛起她底,Jade於港大文學院畢業,兼且有中醫資格,不過最特別的都是她原來出身於玄學世家,12歲就開始學八字命理、紫微斗數同堪輿地理。
Jade's Profile中文名:方亮瑜
年齡:31歲
職業:風水師

Jade為人友善,於她的facebook上,就見她和不少型男貼頭合照。


Jade和一般美少女無異,同樣愛自拍。


由於Jade於包致金姪女摑警案遊行隊伍中表現突出,故不少網友對她關注,即時起她底。


比周澄更辣的Jade,都有可愛的一面。


Jade樣靚身材正,相信正式加入自由黨後,定必成為傳媒的焦點。


Jade雖然外表斯文,但其實開朗活潑。


因為家人關係,Jade自小便精通八字命理、紫微斗數同堪輿地理,現自設網站幫人睇風水。


嘩,越來越多女玄學家喇。唔知除左9宮飛星之外,仲識D乜呢?