轉載:維港百斤花尾躉+多一條廿斤花尾躉=無憾。

轉載:維港百斤花尾躉+多一條廿斤花尾躉=無憾。

轉載

六月廿九日80磅斷半小時後100磅再斷。
六月三十日120磅斷一小時後120磅再斷
七月十八日黃昏被一眾釣魚客譏笑我餌大線粗絞巨,問我係唔係傻架。我苦笑,唔通我斷到㕷㕷聲你地又明咩!別人笑我太瘋癲、我説他們看不穿。
我和哥哥一口三點蟹、一口黃立倉,等了六個鐘,張家輝幾十人在拍戲,突然竿頭叮叮兩聲,出絲!我一手執竿、大鑊、粗野!情況同上次一樣、條魚要回寨,113Penn,追擊手200磅主,100磅防咬,知道要先扯佢出洞、唯有持竿繼續跑了廿米左右、嘩!花尾躉!上碼頭起魚。廿斤!但呢條力水並唔係上次果種強橫霸道!
圍觀,拍照,嘻嘻哈哈,終於釣到花尾躉喇,同場幾十人也瘋狂拍照。因為張家輝在拍戲,要清塲。只剩下一支竿在釣,想放生後便走,隻手仲震梗,無奈拍攝進行中,不便走去執拾。叮。整支竿陷了下海、不銹鋼石鯛架彎了,penn114㕷㕷㕷出絲!從四十米外大叫"仆街啦!食黃立倉呀"不理拍攝與否,兩兄弟9秒9跑到竿前一舉!輸了!心想。很覇道的力量呀!我只能爆粗死頂!魚一直標!好大力游!好彩不是回寨!標出海去!114penn唔出絲才收兩手,後面幾十人吶喊助威。我自問雙臂好力也被拖前幾步!我哥回來幫手,一手一手拉回來,別人來幫也拒絕了,因為竿拉盡了、如再有外力即斷!終於見魚!我哥大叫「小心!過百」。兩兄弟自從十多年前血拼越南仔之後、從未如此合拍!見魚了、血口如盤,魚吸了口氣、定局了。合兩人之力,用多一條kelvar 鈎魚咀,一呎一呎拖魚回廿米外上岸!成功了!終於有條代表作。當時有人出高價買魚。但錢買唔到我們的代表作!做善事不用假手於人,而且呢條魚可以令我們回味到老。影完相便瀟瀟灑灑放生了兩條花尾躉。感覺很好。全塲百人歡呼!一晚兩條花尾龍膽石斑!作為底物守候者、無憾!!抱歉害了劇組人員因衝了來幫手被罵、亦希望camera man把我搏魚時的片段email比我。
兩人力竭、望住個海、抽口煙、感覺平和。心底裡吐出一句"我愛釣魚!"
一眾底物釣師也許是傻、是笨、是愚、堅守相信的理念呆等了咁多年~但係~你吹咩!?
好。。。俾個GOOD佢地兩兄弟。
愛家愛國愛毓民,防賊防盜防狗官。
確強................勁
人生如夢
老人與海的海明威也不及你,志在釣的過程,不志在收獲。
天上人
讚....讚....讚....讚....讚....讚....讚....讚....讚....讚....
勁勁。。。。。。。。正正