終於睇完《3D 肉蒲團》3D Blu-ray

終於睇完《3D 肉蒲團》3D Blu-ray

本帖最後由 lamkiuwai 於 22-8-2011 01:52 編輯

星期六響香港唱片買咗,$259 ,其實德發DVD Pro 賣得平少少。不過一早畀人訂晒,遲 d 至有貨,所以去了海港城買。由於套戲響戲院一早睇左,所以選擇了導演講評,參與的包括有簫若元、孫立基導演、阿Mark,睇完先知原來電影 cut 左咁多,亦了解到第一次睇的時候,發覺幾個位唔連戲的原因(因為 cut 左冇出街,而且加長版都未必會出現)。

講到 3D 效果,如果與戲院版本比較(我去 MCL 德福 6 院欣賞《 3D 肉蒲團》,用 MasterImage 3D),可能距離/設備(Samsung UA46C8000XM iDTV + PS3)唔同左,第一幕的 3D 水墨畫的 3D 效果冇戲院睇時咁誇張,而且 UA46C8000XM 睇 3D ,好多戲都會出現重影問題,但睇《 3D 肉蒲團》時竟然完全唔覺有重影,唔知做 Authoring 時做左甚麼手腳。最後一點,係 3D Blu-ray 做得好光,部分光位其實有少少爆光,不過用來試機絕對可以睇器材光位表現。至於隻碟,做暗位就比較差喇,呢隻碟係我睇咁多隻 3D Blu-ray 之中,應該係最光那隻,以試機角度來說,第一幕絕對可作測試之用。

簡短測試報告完畢。
4

評分次數

本帖最後由 孫立基 於 23-8-2011 17:32 編輯

首先須感謝這位網友支持本片,並對初版3D肉蒲光碟產品所發表的評價。

以下一段是發自個人的資料補充:

1.) 作為敗家影音發燒友,在下沒機會為光碟母盤Mastering及Authoring監修實屬遺憾,但我相信兩位蕭監製所聘用的製碟公司能達致一定水平。

2.) 本電影在處理調光及color-grading作業的首要考慮是必須解決一般3D電影輝度偏低、色相飄移及暗位缺失細緻感的死穴,具體解決方法及執行過程涉及商秘故不在此表述*(懇諒),然而這過程涉及增加後期開銷以及倍計的微調時間*(感謝監製的支援),具有「一定眼力」者必能在電影院內感受到後期製作班子的誠意。統合戲院放映拷貝的期間,我們一共製作了多個不同輝度、對比度及色彩飽和度的高清數碼放映拷貝,並多次到各電影院進行實地測試;其用意,是賴之以配合全港各不同影院的投影機光源及不同透聲投影幕的光束反射特性。

3.) 以下為推論及猜測:樓主所說的光碟產品輝度過高,其主因可能是送往附刻印光碟的數碼拷貝是以我們所調的那個數個版本中輝度最高的一個,而目前市販的3D電視/電腦顯示屏,不管其價值及官方數據如何,其「實際動態顯示對比度」並不能夠完美播演。若在觀看本片軟件時遇上這等情況,在下希望諸位先利用顯示屏的用家介面將輝度(Brightness)稍稍調低,應可解決眩目及過光狀況。又,若所看的是3D版本,則更建議用家先行將房間內的環境光調暗、最理想的甚至應低於1 fL(Foot Lambert)幾近黑房或類似電影院關燈時的放映環境 。而因為3D電視/電腦顯示屏所發出至眼睛的是直射光線、觀賞座位與3D電視/顯示屏接近又再不受環境光所干擾,於是用家便能夠在這黯黑的房間內將3D電視/顯示屏的畫面動態補償功能關掉,同時將電視機的色彩管理系統調至正常或關掉(Color調至Normal或OFF,總之別開什麼Cinema/Vivid之類的插件,那些全是色準失調的"味精"),最後將輝度及對比度(Contrast)更往下調一些。這一手段,將可讓樓主及其他使用電腦顯示屏的家庭觀眾看到更細膩的色彩細節。

**上述所說的調控手段純粹各花入各眼,不是硬性或必須的,3D肉蒲是齣娛樂片,諸位看得開心才最重要。

謝謝注意,再次多謝大家的支持!
Mr. Sun,
Long time no see!
Can't wait for you "on-air" again!!!!
首先須感謝這位網友支持本片,並對初版3D肉蒲光碟產品所發表的評價。
以下一段是發自個人的資料補充:
1.) 作為敗家影音發燒友,在下沒機會為光碟母盤Mastering及Authoring監修實屬遺憾,但我相信兩位蕭監製所聘用 ...
孫立基 發表於 22-8-2011 03:01
多謝回覆。

話分兩頭,Active Shutter 3D LCD TV 睇 3D 畫面,本身已經好難校到一個正常的顏色輸出,尤其係色溫,因為用左眼鏡,光度大減,背光要推到最高,唔同光度色溫偏差好大,所以睇 3D 都唔預顏色準,因為電視本身都校唔準。

因為之前睇咁多套 3D Blu-ray ,大部分都係偏暗,所以個 setting 係調高少少光度/調低少少對比度,睇《3D 肉蒲團》,可能因為咁有少少爆光,遲 d 微調光度同對比,再睇睇效果。

不過真係要強調一點,就係用 Samsung C8000 睇唔到左/右眼疊影的 3D Blu-ray 係好難得,《3D 肉蒲團》係其中一套可以成套片冇明顯疊影的影碟。
再次感謝樓主點評!

我方在3D現場拍攝及左右眼立體影像合成的品質方面,確實耗用了非常多的時間來試驗及不斷微調。在後製成本高昂及製作時間條件的限制下,我們堅信3D電影版以及目前所發行的行貨軟件已經是目前所能達成的最高完成度。雖然未必能夠成為真正的「參考示範級軟件」但3D肉蒲不啻是一個健康的開始。在下更期待日後的港產3D電影軟件能達至更高的水平,回饋廣大觀眾。

謝謝!