港將 (黎家朗) 唔打保齡打白鴿

港將 (黎家朗) 唔打保齡打白鴿

http://orientaldaily.on.cc/cnt/news/20110829/00176_084.html

香港政壇暮氣沉沉,市民早已有求變嘅聲音。以狙擊民主黨為己任嘅選民力量,最近招攬咗同香港首席保齡球手胡兆康做過隊友嘅黎家朗(Carlos)加入,相信好大機會參加嚟緊十一月區議會選舉,狙擊屯門友愛南選區嘅白鴿黨蔣月蘭。


本身居住喺友愛邨嘅Carlos話,佢喺中三加入港隊,同胡兆康前後做咗八年隊友,對方全無架子,而且好照顧新人,但由於要落手落腳做地區工作,所以兩星期前就正式退出港隊,轉做保齡球教練,傳授個人心得畀小朋友。

Carlos現年只有二十三歲,一心一意想做好地區工作幫人,全因為佢眼見警權過大,香港嘅公義愈來愈得唔到彰顯。Carlos話,好似今年七一遊行,市民只係想表達反對替補機制嘅聲音,但警方就如臨大敵布防,最後仲拉咗好多留守到最後嘅後生仔,當時佢喺現場目睹一切後好感慨,矢言爭取公義絕非十惡不赦,所以一定會繼續為民請命,為公義兩個字努力打拚到底喎。
難得....難得....
努力!
等待真正民主....等到頸都長埋....唉!!
青年人的典範,有家教,可喜可賀.
Support, hope more young guys to follow and come out to voice for the unjustice.
全力支持!!!!!!!!!!!!11