[港事] 港隊運動員應否識講粵語?

一句講晒,樓主多鳩餘!
自由,民主萬歲!!!
香港係一個國際城市,華洋雜處,我哋有5%居民並非華裔,唔應該要求人人都識講廣東話!!!!
http://lousysalesman.blogspot.com/
本帖最後由 擒墙过嚟嘅 於 1-8-2012 00:33 編輯
樓主嘅帖顯然有針對大陸來嘅運動員之嫌,
但咁樣就可以連其他國籍人種嘅人一併否定!

非洲球員成為香港永久居民,咪都唔可以有資格踢港隊?
有部分洋人只識英文,係咪又唔可以歸化代表香港?
正如有網友所言,唔好 ...
zwhuang1023 發表於 31-7-2012 13:15
呢個問題本人之所以攞出嚟講,就正正係因為好多人覺得香港有唔少運動員係外籍人士,外籍人士識英文就可以;譬如話,五嶺以北嘅華人落到香港就要識粵語,外籍人士識英文嘅就唔使學粵語,呢個就正正係香港嘅語言狀況。

我之所以會攞運動員出嚟講,就正正因為運動員唔係靠把口搵食,如果係藝人,相信香港人就好難接受一個唔識粵語嘅藝員,無論係外省籍嘅賈曉晨、陳法拉,抑話係外國籍嘅河國榮、布偉傑。但大家不妨試惗下,講英語嘅碧咸加盟皇馬,佢係咪點都要學番啲西班牙語;又試問日本嘅體育界有邊個外援係唔識日語嘅;又譬如話法國一啲前殖民地嘅運動員要入法國籍,佢哋就一定要識講法語,仲要唔係殖民地式嘅海外法語,係要識講標準嘅本土法語。

最後,我係發起一個投票,你哋如果覺得選項有偏頗嘅不妨提出,但係投票本身并唔存在擺運動員上枱,而且我從你哋嘅回覆,亦不過係想總結出一個事實,粵語喺香港,相比起廣東,就算相對上係強勢好多,但都不過係其他語言嘅附屬。
嶺南乃中原的老牌殖民地——胡適
樓主就係有偏頗,用藝人做例子實在係搞錯喇。
台灣藝人打開香港市場,駛唔駛學國語呢請問?
學一兩句問候之外就係唔識講,乜香港人唔接受咩?
香港人唔係用語言決定喜唔喜某些藝人嘅,
日本韓國好多藝人都唔識中文,來到香港一樣大把人鍾意!

好嘞講返英文,英文係香港法定語言之一!
你話香港人媚外都好,如果該運動員只識英文唔識粵語,
而在運動方面能夠帶來貢獻,我敢講,香港人係唔會care佢唔識粵語!

閣下果然係遙距評估香港狀況,對香港唔了解。
(如果係指港隊變中國 B 隊,香港人抗拒呢類運動員唔識粵語,
 果個係涉及另一問題 - 對現中國的印象問題!)
Vincent
香港係一個國際城市,華洋雜處,我哋有5%居民並非華裔,唔應該要求人人都識講廣東話!!!!
ultranox 發表於 31-7-2012 13:26
真係好笑,呢個只不過係投票,既無觀點亦無立論,請問係邊個人“要求人人都識廣東話”?

第二,你係咪覺得非華裔就唔可以要求佢哋學識粵語?噉外省人咧?請問你係以母語非粵語嘅族群嚟劃界定抑話係以國族嚟劃界?

第三,外來人學識當地語言係當地人對外來人再正常不過嘅期望,事關外來人融入當地就正正係當地人包容外來人嘅基礎,如果外來人唔識當地語言,其必然後果就係當地語言嘅萎縮(除非完全唔畀人嚟);

最後,如果係討論粵語問題就應該以粵語族群同非粵語族群嚟睇問題,如果非粵語族群又要分開華裔同非華裔,就只會顯得雙重標準。
嶺南乃中原的老牌殖民地——胡適
香港人係講廣東話架嘛

講國語死返大陸啦

港隊運動員講國語算咩代表香港呀
樓主就係有偏頗,用藝人做例子實在係搞錯喇。
台灣藝人打開香港市場,駛唔駛學國語呢請問?
學一兩句問候之外就係唔識講,乜香港人唔接受咩?
香港人唔係用語言決定喜唔喜某些藝人嘅,
日本韓國好多藝人都唔識中文, ...
zwhuang1023 發表於 1-8-2012 00:49
第一、我惗你搞錯晒,我一直都唔係討論緊香港狀況,我係喺度討論緊粵語嘅狀況;

第二、睇嚟你係睇唔明我舉嘅例,你講嗰啲嚟香港出show,嚟打個白鴿轉嘅藝人根本就冇意思,請問句,嚟咗香港長期發展嘅藝人有幾多係完全唔識粵語?50、60年代嘅國語片明星就頂多係講唔正,70、80年代打後嘅藝人,恕細佬唔知,我就真係未見過唔識粵語嘅;

第三、我都話我舉運動員做例就係因為運動員唔係靠把口搵食,有其特殊性,你係要話我擺運動員上枱我冇嘢好講;

第四、以細佬淺薄嘅知識,好似香港嘅法定語文就係中英文,而中文就冇講明係咪粵語;而比較清楚噉提及到語言呢個範疇嘅都好似係立法會使用語言,其中中文嘅要求就係中文嘅各個方言,換然之,原理上立法會開會係可以講普通話。

呢啲嘢從來都係講比例,你可以唔care運動員講英文,但係如果唔止一個範疇,係多個範疇咧?如果粵語嘅使用比例係偏低咧?當然,希望你都係可以做到唔care。
嶺南乃中原的老牌殖民地——胡適