支持向西!就要睇一路向西!!(嚴重劇透)

支持向西!就要睇一路向西!!(嚴重劇透)

一直支持向西村上春樹
以全球都嚴重萎縮既出版界黎講
睇新聞都要睇動新聞、玩Blog都要玩微博
音樂漫畫電影小說報章雜誌乜能都應份免費既大趨勢下
仲要係老翻多過正版既華文市場裡面”lin”頭咁細既香港市場
一個新人,第一本著作【一路向西】可以熱賣超過三萬本
完全係香港文壇既奇蹟

文壇普遍流傳既分析係:
以高深的哲理詮釋低俗的故事
粗俗的文字寫出耐人尋味的詩意
北上尋歡獵艷卻帶出意想不到的文化反思和社會批判
強烈的反差和矛盾擊出非比尋常的幽默與反諷
嘩!咁能深,即係嗡乜能野啊?

博大精深既高登文化係咁形容:「超強力抽濕機」!
向西兄既強,就係好吹!又好抽!
冰火,可以吹到中國傳統文化、陰陽概念、天人合一既哲學思想
完美既性愛體驗,可以比喻為巴塞隆拿聖家大教堂既黃金比例加上帝曲線
金魚缸式技師晒冷既「百花齊放」都乘機入到毛澤東五十年代既思想主張
華盛頓桑拿個名,又可以吹到帶給客人一種有美國自由意識流既symbolic meaning
仲要補多一句「你們的branding strategy真係太令人拍案叫絕了!!」
邪骨技師既唔同價錢,都可以小到為何中國不能與國際人權法接軌
「我才記起不可以拿偉大的共產黨來開玩笑」,抽到爆9!
除左抽中共,亦抽港女特質
因為MSN跟她說 “Bye Bye” 忘記打那些代表好撚開心的表情符號而分手
「這是我頭一次聽見女生主動要求更換體位,我覺得罕有程度跟不會遲到的女生一樣」
更抽埋香港社會現象
「小思簡單既一句「先生你好」,比起香港板前元氣味千那些機械式員工呼喝出”irassyaimase”好出百倍」
「原來她已經濕透,像長實新樓的牆身一樣會滲水」
除左【東莞的森林】,其後【Henry的地牢】以及【我們死也要到香港生寶寶】
更係為抽而出既神作
三套作品累計點擊人次超過一億!

而呢齣【一路向西】電影,絕對忠於原著,100%保留原著既味道!
經典金句重溫:
1.有人話,北上去桑拿中心玩,會令到一個人係打一兩次冷震之間,將建立左廿幾年既價值觀全面崩潰
2.我地要建立一個,一小時既性生活圈
3.Margaret同我都係阿仙奴球迷,但冇諗過佢連自慰都咁有阿仙奴既味道,鐘意係禁區外圍同角球旗附近搓來搓去
4.我每個月都交成$2000強積金架啦,與其俾D基金佬強姦,不如每個月俾$2000強姦返人,起碼可以係心靈上對沖返嘛
5.唔好晒埋D無謂時間溝女,正正經經同我地一齊叫隻雞
6.「估唔到邪骨都有D咁清麗脫俗既女,你睇下佢個樣,簡直係完全唔食人間煙火果隻」
「佢唔食人間煙火,唔通食你條蕉咩?On 9!」
7.「我叫小思」「十年生死兩茫茫,不思量,自難忘,果個思?」
8.做愛係一種好奇怪既運動,你越唔專心做,表現往往越好

非常佩服自編自導自演既Mark哥胡耀輝
完全拍出向西兄既精髓
保留小說內心讀白既自述式拍法
港式粗口crossover學術理論貫注抽水風格
亦無為左大陸市場而淆底9縮自我審查
照寸大陸、照寸中共
內容取捨上恰到好處,保留原著最精要既部份
而且比原著純文字既描寫,更加活靈活現
完全唔拖,唔造作,整體節奏控制好順
而且更因應向西兄既風格創作多三場爆笑戲
第一次打飛機、第一次開波、第一次叫雞
當中Jeana打假波果場
配合情節氣氛以CG拆開間房再跑出街、冷雨夜加霓虹燈再含淚跪地問天
「我明白中國好多野都係假!我接受到假煙、假酒、假名牌,狗肉係假、人民幣係假、劉翔跑假我都唔介意,點解我第一次叫雞隻雞就打假波?點解?!」
係心思位,係有heart既製作

樓上有個打手post話
>> 色情場面非必要
我睇到真係笑佢老x無牙
【東莞的森林】根本係甜故,【一路向西】根本係三級片
三級片無床戲,唔通睇人體爆炸!?
正如向西兄話齋
「沒有什麼甜東西看,你地班高登仔唔會讓我好過」

呢套【一路向西】,床戲肉搏絕對拍出日本AV感覺
要睇甜野既巴打絕對唔會失望
頭場口爆,真心爆
真心搵AV女星希崎潔西嘉破格而出露點登場
之後露營果場床戲更加係全場最扯旗的一幕
港星莫綺雯樣貌清純,近睇直頭係陳妍希果隻feel不過係18歲卜卜脆版本
估唔到咁嫩咁脆口既新人,竟然可以去到咁盡
露足兩點之餘,又錫又摷又揸仲體位多多
表情叫床聲更加交足功課
同【喜愛夜浦】果類借位床戲完全係另一個層次
而且鏡頭剪接打燈等等抄足日本AV拍法
淨睇呢場已經值回票價

至於最驚喜既
莫過於結局小思既肉搏戲
當然睇開原著既會問王李丹妮邊一忽似楊采妮
但無可否認佢對波大過你個頭
個樣係北姑左D,但又真係肯搏肯做又肯露
按摩、口爆、毒龍鑽、冰火、扑野五味做足
而且真係打晒燈除晒衫埋牙堅砌
對波實在太大太盪
加上3D效果
成場床戲真係好有立體感
總算完左巴打睇一場真正3D床戲既心願
奉勸各位唔好慳果幾草走去睇2D

樓上個打手post又話套戲冇卡士
小你老X搵成龍做好唔好?
向西兄堅持起用新人,証明眼光獨到
新人肯搏肯露又有新鮮感
而Mark哥亦搵到非常合適既演員
最值得讚除左莫綺雯外
仲有主角張建聲
如果伊藤淳史演活電車男
咁張建聲今次真正演活一個叫雞男
演活一個失意於港女愛情而迷失在東莞骨場既80後
身型演技不錯,樣貌亦相當討好,相信上位有望
另外原創角色,chok過林峰既王靜
王宗堯絕對另人刮目相看,非常搶戲

三級片老手寧王超哥當然冇令大家失望
冇床戲,交返幕背影俾你
結局明顯向彭浩翔致敬
一場round track 打車輪再配合許美靜既【傾城】一絕

結局,其實有點耐人尋味
向西兄一貫既中心思想
「原來幸福的感覺,快感的滿足,某程度上可以用金錢換來,一買一賣公平交易,比起某些爾虞我詐的愛情遊戲,其實可能更好」
「沒有那些什麼海枯石爛,天長地久,致死不渝的謊言,結識不夠兩小時的女人,也能痛快投入地跟我轟然地做起來,而且過程的質素更可稱為完美。」
「活了二十幾年人才察覺某些愛情,像過往發生於我身上那些,比召妓更加不值得沉淪」
最後主角竟然一返香港即刻執空姐一劑
有人詮釋為港女繼【春嬌與志明】後的第二次勝利
究竟係導演Mark哥既意思
想表達如何用叫雞去維繫一段港式愛情
抑或向西兄經歷多左,個人變左?
終歸領悟到真正完美既性愛係要有愛情呢?
希望本文出街後
向西兄會有所回應

我係行內人,有幸之前係書展見過向西兄真人
以我寫輪眼既功力
我非常有理由相信向西真人其實有係【一路向西】粉墨登場
大家想見向西兄既真身
要金晴火眼搵下

經典場面:
(車廂裡)「先生,你不舒服嗎?需要幫忙嗎?」「可以了,謝謝,只是,有點傷感」
香港其實係文化沙漠,好多人連點解會有呢段對話都唔知?
係你地死都唔肯睇【低俗喜劇】
但又排住隊入場睇【變種食人魚倉2】【生化危機5】呢D垃圾
你笑9人低俗時
我笑9你低質素

總之
支持向西!想見向西!
就要睇一路向西!!

Youtube:港產不打 www.youtube.com/cheungsecond
Facebook:港產 www.facebook.com/cheungsecond
**********************
港產不打
全職非牟利網絡打手
100%支持本地製作
乜戲都打,淨係唔打港產
**********************
1

評分次數

Youtube:港產不打 www.youtube.com/cheungsecond
Facebook:港產 www.facebook.com/cheungsecond
weibo.com/cheungsecond