啲嘢食cheap咗,將就吓無可避免

啲嘢食cheap咗,將就吓無可避免

以前科技落後,人類被逼食天然嘅嘢
當然係健康啲,不過天然資源有限
如果今日個個人都食天然嘅嘢
恐怕香港有一半人食唔飽。

食好嘢,人人都想,但係無錢,如之奈何!
如果話,你想慳錢定想死?我覺得就有啲上綱上綫。
犧牲些少健康,以求溫飽舒適,無可厚非。
EE懷疑,當場抽查會唔會有收錢做手腳嘅機會?
其實如果係做手腳,拎番去嘅時候都可以偷龍轉鳳
以今時今天香港嘅情況,行賄受賄好容易,問題係唔俾人踢爆先難
猶如dum人係好容易嘅事,請問有幾多人出街有保鑣?
我要dum你,跟喺你後面dum你,幾咁容易
只不過我之後好易俾人拉到(如蕭生分析)
有本小說名叫:殺人不難

愛x力喺廁所過水,都俾人影到啦。
至於做檢驗要幾個月嘅問題,我從表面資訊估計
高永文嘅意思可能係政府化驗所已經有好多jobs排緊隊
現有嘅job都排緊幾個月。

要用GC-MS(唔駛讀中間嘅hypene)
當然係可以好快,事先定好程序同參數,一兩個鐘就搞掂
以我所知,有啲大學,GC-MS係一個下晝就做完嘅本科生實驗。
上一兩次,EE又提到,有啲外國嘅科研人員
想同政府化驗所合作做科研實驗
其實政府化驗所本意係做route常規嘅分析
外國嘅科研人員,應該係搵大學嘅教授合作
大學嘅分析儀器,有啲仲先進過政府化驗所
而大學教授本身都要交功課,應該都會落力去做。

如果係常規嘅分析,英美歐國家本身都應該做到。
黑煙問題:意思係咪白煙?
我無煮過餸,唔知係咪真係可以熱到出黑煙。

咩係地溝油嘅問題:
我第一次聽到呢個名詞,係話啲油喺地下溝渠撈出嚟嘅油。
我諗 "溝" 係指 "溝渠" 而唔係 "溝埋"。
林姨姨對地溝油的資料錯誤,呢個名稱原自大陸,確是地底溝渠撈出嚟嘅油,而當中也與其它用過既不明來歷的雜油溝埋一齊提鍊而成,所以才叫地溝油。
補充下!其實只要原料是來自內地,根本就避免唔到牠們溝進雜油,情況就同奶粉一樣,除非檢驗頻密兼嚴格,如果唔係,以上面的人既道德價值來講,信得過嗎?信得過港貨就唔會被水客買到斷市啦!而康講狗症苦唔嚴格兼頻密地檢驗大陸原料,完全是失責囉!
果個大學教授話咩炸一兩次單嘢:
我無睇過,不過可以估到,其實都係點綴吓
(好似乎有撞車意外就搵盧覺強一樣)
係咪番炸根本唔係問題,如果話炸一次無問題
炸兩次先有問題,咁唔通第一次嘅過程中
一啲致癌物質都無,然後第二次嘅時候,
啲致癌物質先突然標出嚟?其實致癌物質嘅產生
你每炸得耐啲,就會出多啲,同樣都係第一次,
唔通炸一個鐘同炸五個鐘都會無致癌物質咩?
根本一開始炸就已經有
個教授嘅意思,其實簡單啲講,就係越少番炸就越好
如果佢話炸完一次就丟咗佢,可能又驚有人話佢浪費
咁咪話兩次囉。