摺咗人網邊個最開心?

摺咗人網邊個最開心?

本帖最後由 人民攻寫 於 24-3-2013 12:15 編輯

蕭生吹雞請大家幫手出嚟幫手打小人爭取回水一萬,D人就要睇過點,搞到講到盡都係得幾千人去,向市民都交待唔出要求回水一萬係主流意見。做人民公社生意請大家幫襯,D人又係要睇過點,搞到蕭生期期蝕,做人網九年,臨老都蝕一千五百萬。而家蕭生摺人網退出政壇唔再支持任何政黨,最開心係邊個?係民建聯、民主黨、共產黨,因為人網今次又係咁,將件事變成激進民主派之間嘅內鬥。

今次淨得一個拜禮,人網講嚟講嚟去,都係鼓吹仇恨互鬥D帖子最多。其中的熱忱同惡毒,民建聯、民主黨、共產黨同佢哋旗下D爪牙駛幾多錢,點叫阿陳淨心旺角金毛之流去交戲,一千份之一都追唔上人網D帖。

做人平時舒舒服服,做出嚟D都只係虛偽嘢。人嘅本質,要到關鍵時刻,一急起嚟至知係咩料。你睇陳淨心同馬恩國,俾長毛問幾句就失儀爆粗,俾人見到平時咁多裝飾都係流嘅,咁人網今次面對香港激進民主派嘅大變,而家表現到D乜?真係冇眼睇。

而加係人網嘈,人網好多巨頭都可以叫停這些批鬥帖子的。不過從來都冇,宣布停辨前冇,而家更加冇。講咁耐話為民主,其實係為民主定係為人工,睇三月尾喱一個禮拜,人網會唔會有人出嚟穩住陣腳箍住人網支持者就知啦。

人網怪毓民冇叫停黃洋達,人網巨頭又何嘗有叫停過人網上D激進民主派之間互相批鬥帖子!咁上面唔叫你停,你係咪就真係鬥到最後一分鐘呢?

今年七一遊行實會變成激進民主派之間互鬥,今次共產黨同建制派唔駛派錢,坐埋一邊睇群眾鬥群眾,陰陰笑睇嘢都得啦。此後,香港民主路更艱難了。

蕭生宣布摺人網個節目最後有個觀眾(唔係我),提供個結語其實好值得三思。佢希望香港的政治可以跟世界齊齊進步,唔好再止於邊個領導邊個來騎劫嘅古老概念,可以做到和而不同,為香港民主的目標放下成見,一齊努力。

自稱係蕭生Dfan屎,會唔會做得到?定係講就話爭取民主,其實係為自己個大佬?
明顯有破綻的謊話也有市場,不僅因為人的愚昧,更反映了有人對飾詞的渴求
点解block 佢 分析得非常合理
石井四郎
**** 作者被禁止或刪除 內容自動屏蔽 ****
人民攻寫 發表於 24-3-2013 11:19
actually I agree with u~
I dont know why u are blocked......
"If nobody hates you,
You're doing something wrong."
House
非常認同樓主嘅見解
事已至此,我倒想問各位人網支持者
1,係咪開個批鬥大會就可以令人網返生?
2,係咪黃毓民肯認錯繼而支持蕭生佔中路線,人網就唔會執粒吖?
3,呢點我諗極都唔明,人網咁多支持者,蕭生冇理由唔知,點解咁兒戲話執就執,完全唔諗下我地跟隨咗呢個台嘅感情,我仲不停介紹朋友聽人網同love.hk,蕭生由當初攪人網到而家嘅理念係乜呢?為咗黃毓民?乜唔係為咗香港嘅民主,而佢想教育人民咩?
非常認同樓主嘅見解
the only reasonable explanation   樓主 is blocked coz there are 五毛係版主
石井四郎