浩氣長存 食蒲團

浩氣長存 食蒲團

浩氣長存 食蒲團

當大家睇到呢段留言嘅時候, 除左悼念緊永遠嘅巨星張國榮離開我地十年之外, 《食蒲團》其中一個合作伙伴「香港人網」已經榮休, 退下火線。有朋友擔心, 食蒲團由食極唔完, 會否變成就此玩完?

... 當年食蒲團響人網出世, 喺呢間「名校」慢慢成長, 慶幸有過呢段日子, 畀到食蒲團一個成長嘅地方。不過無左呢個有力平台, 有人會替食蒲團擔心, 但其實食蒲團運作完全獨立, 除左會喺人網出現外, 亦喺新浪微視頻、土豆、優酷、YOUTUBE、Facebook、仲有建構緊嘅網站中繼續見到我地!而我地亦會努力發掘唔同渠道, 分享食極唔完嘅精神(病)。

Gohsan身為食蒲團奶媽, 含辛茹苦將佢湊到歲幾, 如果佢係一個人, 已由食人奶, 到轉食米糊, 再食固體食物, 甚至開始識行, 牙牙學語。

當然, 只係憑Gohsan 嘅微量奶水, 只會將佢養到變大頭BB, 慶幸仲有幾位有心有力嘅媬母合力將佢帶大, 在此多謝威廉、肥蘇、雲妮、Kavi(排名不分先後, 只論食量排輩)附出嘅努力, 亦順道感謝出過力嘅人同餐廳。正所謂:「豬朋狗友身邊過,乾坤正氣在心中。」

Gohsan今後在食蒲團中, 會繼續以「豪哥」身份努力, 加上幾位好伙伴支持, 為大家分享不同味道。雖然唔知食蒲團最後可以走得幾遠, 但希望只要有Gohsan同呢班好拍檔一日, 呢個網上節目, 可以在做到大家「浩氣長存」之後, 繼續「豪氣長存」、食極唔完,讓大家世世代代「鮮福永享、壽魚天齊」!

(Gohsan / 豪哥)
請多多支持食蒲團,可到以下地方讚好及關注,謝謝!!

Facebook專頁:
www.facebook.com/Weeatnplay

新浪微博專頁:
http://weibo.com/weeatnplay