鄭威濤「股」中 速賺5成

鄭威濤「股」中 速賺5成

高妹:Ricky San,近期日圓貶值,你的日式飲食王國着數哂啦!
Ricky:日圓貶值,當然對旗下生意有利,買貨成本下降,惟日本食材加價,拉上補下後,利潤不如外界想像般豐厚!但我預料圓匯可下跌至每美元兌120日圓呀!
暫收手 Tips醒你高妹:日股氣勢如虹,但依家入市似在高追喎!
Ricky:股市一向走得快過經濟實體,今年日股升逾四成,但企業盈利可否同樣升四成?另我們買股仲會蝕匯價,計落未必划算!不過,日企盈利確實有改善潛力,部分股價升得又多又快,可cover匯價跌幅!我早前買下Crooz(東證:2138),三個月前見價好就沽售獲利,扣埋匯價都有近50%回報!不過,近日日股確有高追風險,暫不打算再入市喇!
高妹:日本不乏潛力股,但如何尋寶?
Ricky:當旺的有出口股,可率先受惠日本政府的圓匯政策.如索尼的盈利潛力甚佳,惟近日升勢過猛,如可回調兩成,便會考慮增持。另現時日本人對核電反感,正積極主張環保能源,有利電力股的走勢。
高妹:        嘩,今年東京電力(東證:9501)升逾兩倍,相當誇張!
日本通:本土股民輸到怕彩兒:陳生,你喺日本做生意,數十年來都是港、日兩地跑,仲娶咗個日本老婆,話唔埋講「Konichiwa」(你好)仲多過講廣東話!
陳生:係呀,近期個個戀日,話題總圍繞着日股!日股由八九年高位近40,000點瀉下來,近日終升至目前逾15,000點水平,但也未及高位的一半,起碼可升至20,000點!
彩兒:你有冇入場沾金呀?
陳生:咁又冇喎!講真,目前炒日股以外資為多,日本人反而冇咁活躍,經歷多次小陽春,佢哋已輸到怕怕,暫時仍審慎觀望!我諗個市起碼升到16,000點,他們先會積極起來!我太太的炒股基金曾由160萬港元跌到得番5萬港元,家陣已經沽得七七八八,僅持有DoCoMo(東證:9437),曾於二○○○年升至每股91.2萬日圓,上周五只收報164,300日圓,但今年亦已上漲逾三成!
彩兒:不少日股更升逾倍,堅呀!
陳生:長線而言,我看好日本高端科技股。雖然日本經濟迷失多年,但其科技水平仍較領先,加上企業營運漸見改善,甚有升值空間!
高妹 彩兒
Buy when there's blood in the streets, even if the blood is your own