Amazing Touch (20分鐘修復刮痕)

Amazing Touch (20分鐘修復刮痕)

本帖最後由 ahmou 於 17-10-2009 23:33 編輯

歐美已經有 30年歷史嘅 Dr.Vinyl殺到香港開旗艦店,可以用極短時間修補汽車,連真皮內櫳都搞得掂,呢一 Touch真係舖如其名,十分 Amazing。

記者:許維雅
攝影:譚盈傑

即場刮花測試後的修補結果:真皮修復後花痕消失,但要跟附近已經折舊嘅皮面 100%相同就有一點難度。                                    
                                                   
    車身表面無印無痕,效果十分理想,亦唔會出現唔對色嘅情況。


    修復膠面嘅時間最快, 15分鐘左右已經毫不留痕。
      
                                                  
    真皮椅一樣有得補   
                                                                                      

■ Chrissie起初都唔敢大力刮花,始終覺得汽車刮花之後好難搞。

車主平日最肉赤嘅一定係架心愛靚驅有任何刮花損傷,要花錢整已經係其次,慘在有時想補都無得補,下下成塊整,失去原裝味。喺歐美有 30年歷史嘅Amazing Touch剛剛喺香港開設全亞洲第一間旗艦店,高科技嘅修補技術可以逐部份修復,好似以往刮花一條痕都要成道門噴過, AmazingTouch就只會針對花咗嘅部份填補,就連膠面、布面、玻璃同皮面都可以搞得掂。起初都有啲唔相信,尤其係真皮椅刮花辣燶,通常要成張椅換過塊皮先得。今日有 Chrissie做破壞王即場為我哋測試,刮花車身表面、膠面同皮椅,再由工作人員即刻修補,結果真係 20至45分鐘內完成,膠面最快,真皮面所花工夫最多,需要 45分鐘以上,但最後三條花痕都不留痕迹復原,連Chrissie亦大讚效果神奇,最重要係車主唔使留低架車喺車房過夜,同愛驅分離。
                                                                                                                                
得到法拉利肯定                                                                                         
    ■ Adam話即使到架車舊到要賣,修補過嘅位置都唔會出現任何問題。

AmazingTouch先進嘅高科技技術係透過電腦分析車身物料及顏色,再用過千種顏料混合對色,而填補花痕物料亦係透過納米技術研發,所有技術人員之前更去奧地利進行三星期訓練,修復過程無論喺各方面都咁有信心保證,難怪成為法拉利博物館唯一御用修補館內汽車嘅公司。雖然修補效果好、時間快,但價錢一啲都唔貴,三項修復都係各$780起,總裁Adam:「高科技令我哋可以節省時間、人工,價錢當然比起一般車房平,我哋每年更會檢討技術改良,緊貼汽車發展同防止其他人抄襲。」Adam更表示會陸續開分店,以香港為亞洲訓練中心再進軍亞洲其他國家,誓要將呢項修復汽車革命遍佈全世界。 

復程序不離四大步驟:                                       
1.磨平:先用砂紙磨平刮花所造成嘅凸起花痕。
2.填補:因應唔同刮花位置填補適當物料。
3.打磨:之後再需要打磨填補物料表面至平滑。
4.噴油:最後對色噴上面油,而真皮表面更會壓上原有皮紋令效果更接近。
                                                                                                                                                                                                                                                                                                                放大圖片                                                                                                                                                                                                                                                
                                                                                                                                                                                                               
Amazing Touch
查詢: 2389 0058(觀塘偉業街 157-159號南華工業大廈地下)
ahmou<0_0>uomha
                                       
ahmou<0_0>uomha
  • 我想問下..我比人整爛左架車...你地有無得整...
    同埋可唔可以做張証明出黎....我架車...無問題.
    ..因為我借左比朋友用...佢撞爛左我架車唔肯賠!!

    我想重想問....點解我租左部CAM 比你地用...
    你地用爛左.....點解又唔肯賠???咁大間公司..
    ..都唔肯認數??
    試問,,,我地哩D 顧客...點敢放架貴車係到整????




SANdpoppop