煲呔承諾唔掟蕉唔食蕉「19.DEC.2009.」

煲呔承諾唔掟蕉唔食蕉「19.DEC.2009.」

煲呔承諾唔掟蕉唔食蕉「19.12.2009.」

社民連議員上年喺立法會向特首曾蔭權「掟蕉」,雖然掟唔中,但已令社會關心議會暴力問題。

Emily記得後來訪港嘅前港督彭定康,喺傳媒訪問話自己一定可以接到條蕉,仲會拎返屋企當晚餐。

煲呔噚日接受有線節目周梁有請訪問時,就話自己可以承諾,一定唔會將條蕉掟返去議員嗰度,亦一定唔會食咗條蕉。


周梁有請

想用德蘭修女對付長毛
煲呔又話,「長毛」梁國雄經常一開聲就鬧到七彩,笑言試過見到長毛衝到自己面前時,自己想喺口袋中拎出經常跟身嘅德蘭修女像紙牌,試吓「隊」向長毛,睇吓靈唔靈。


煲呔

周梁淑怡問到煲呔次次見領導人,都會拎本簿仔出嚟抄低領導人嘅一字一句,煲呔就話咁樣做冇問題,仲即場爆出「機密」,話自己喺會面中講口野時,領導人都會拎本簿仔寫字,只係冇喺鏡頭面前啫,領導人亦唔會因此而覺得冇面。

提到慳電膽事件,煲呔仍然耿耿於懷,話佢嘅親家好無辜,為咗呢件事好痛苦,因為親家成世人都好低調,自己做生意,默默耕耘,估唔到會捲入呢個風波。


資料轉自:星島新聞網絡


------------ 謝謝觀賞------------