[簡信回 (驅邪鎮煞)] 懷疑中降!~有否師父能解答我(何種教派)???

[簡信回 (驅邪鎮煞)] 懷疑中降!~有否師父能解答我(何種教派)???

神壇有個黑色木箱掛在牆上(約2X2.5呎),箱前面有門好似可以左右打開,不過長期關上,而枱上有2枝白蠟足,中間位有個打橫棺材仔,拜者手拎佛珠口中念念有詞;呢個疑問已有多年,因為 小弟自身同家運差到無可再差,可能與上人仕有關,因由暫不作詳細描述!
想問師父意見,曽機緣巧合遇到一個自稱佛道中人,教我方法:用柚葉+3枝楿灰(即捽碎楿身D楿灰)+自己用溪錢剪出7個人形仔(要用火化左佢),用以上全部加入水中冲涼3日。第一日冲左未著衣服時,諗住吐口水見到D口水好似淺藍綠色,起初冇為意到,第二朝早咳痰時係青綠色,好奇怪唔係平時嘅青綠色,我有叫老婆一齋睇,大家哝哝聲!不過第二、三日冲就冇乜特別,之後有搵返嗰個師父,佢直接上我住嘅地方(租人公屋住),見面後佢用燒酒+柚葉+楿枝係咁擦我身,包括心口位置,嘩!非常痛!因為佢冇收我錢先比佢做,怕神棍嘛!由以上資料表面睇,想問我是否中邪?謝謝!!
其實我近幾年結婚,婚後復工一個月即工傷到而家,我媽幫我去排八字話犯「五鬼」之類,仲要頗嚴重已有多月,我計返日子就係我結婚嗰段時間,因為佢(阿姑)幫我做儀式,去到一環要著睡衣,冇半句鐘佢叫我可除低早D返去睡(自己租唐樓住),結果嗰套睡衣搵左2個星期,原來係电腦後面染晒塵,跟住好似直接感應話嗰個人做野害人,唔知點解我會肯定係「佢」,而我媽過多幾個月就腦中風,長睡謢老院,爸爸老人痴呆,而之前十年時間左右,先後走左2親人(親大哥及二哥個大女),一個50歲未夠,一個才滿18歲,家裏四分五裂,元氣大傷!簡師父這是否天意,或是被人落左降攪成,我好想知真相!!!