Toyota Land Cruiser AX200

Toyota Land Cruiser AX200

本帖最後由 ahmou 於 1-3-2010 12:58 編輯

010 Land Cruiser 大象跳芭蕾                                                                              

LandCruiser一向巨型霸氣,不過當呢部 2010年版AX200殺到眼前,我依然被它的氣勢所震撼。極龐大車身加一對超大頭燈經已夠懾人,車行還要追加上原廠大包圍,更有一種誇張的視覺效果,然後,我讓它一展身手,卻意外地,竟然是身輕如燕!記者:許維雅攝影:陳陶鈞Model: Tiffany

輕身攀爬                                       
雖然已經影過多款歐日品牌的四驅車,但今次主角同樣為我帶來無比新鮮感,因為第一眼睇見呢部珍珠白色 Land CruiserAX200,實在不禁大叫「好型!」長闊高為 4,950mm× 1,970mm× 1,880mm,身形比Prado更巨大,充滿肌肉感的線條,在具閃爍效果的銀粉底白色襯托下,不但 Trendy,原來更會將龐大身形放大,視覺上更為矚目,2,500kg的車身重量,真的猶如一隻大笨象。不過呢隻白色大笨象一點也不笨,一路往九龍站時,為遷就拍攝影片而想盡量減慢速度,點知原來有難度。4.6公升 V8引擎所輸出的 318匹馬力實在好難慢,只要輕踩油門,大笨象的強勁力量一點都唔嘢少。去到目的地,真係按捺不住,要立刻畀佢Show Off。有中央差速器控制四輪驅動、KDSS懸掛系統等新添技術裝配,衝上兩呎高又凹凸不平的石壆,實在輕而易舉。雖然旁邊觀眾睇到驚心,但佢出色表現就如大象跳舞一樣輕鬆。
                                      

1.精心設計加埋油壓的幫助,收摺後面兩排座椅不需一分鐘時間。


2.車身夠巨型,內櫳即使坐滿 8個人都大把位剩啦。

            
3.深啡色桃木中控裝飾雖然矜貴,但後生一輩可能會略嫌老氣。

                                      
4.跟 Prado相若,同樣有中央差速控制及四驅懸掛高度等按鈕讓車主設定。

                                       
5.以速度選擇按鈕代替不同路面模式,慢速走岩石,高速走泥濘及草地等。

                                      
6.前座中間有雪櫃裝置,足以冷藏四支飲品。

         
7. V8引擎輸出 318匹馬力,只怕喺香港發揮的機會不會太多。

                                                                                                                                                                                                               
豪級配備有排試

                                      
8.粉藍色燈的錶板感覺時尚,但個人覺得啡色桃木軚環換上白色會更型。

其實呢隻大笨象如此搶眼吸引,車行亦落了不少功夫,原廠大包圍、尾翼、頂架及腳踏等都係魅力提升的要點所在,仲有新設計的頭燈又大又夠立體亦應記一功。係時候細嚐一下 LandCruiser必備的豪裝,前座有雪櫃、獨立冷氣、多角度調校冷暖椅、桃木裝飾等屬例牌菜,估唔到連中排座椅都有暖椅設備。另外,油壓後排的設計,騰出尾廂空間的步驟十分簡易,難怪成為近排不少中港車的首選。只可惜呢部 Land Cruiser係第一部到港,還未安裝HDD導航及音響系統,後泊鏡頭、自泊系統及 GPS未有得試玩,如果唔係要逐樣試,都唔知幾點先收到工。
                                                      
                                      
9.小改款的車頭燈變得更有立體感,效果更誇。

         
10.尾翼一般都係來者不拒,令外形更有睇頭之外,入彎又可以更穩定。
                                                
規格引擎: 4,608cc V8
馬力: 318ps/5,600rpm
扭力: 460Nm/3,400rpm
傳動: 6前速自動連+/-四驅
售價:$880,000
查詢:金國汽車( 2922 2933)


■ Land Cruiser AX200衝上差不多兩呎高的凹凸不平石地 Show Off!
ahmou<0_0>uomha
                                       
ahmou<0_0>uomha
買電油四驅很折墮
Land Cruiser, my dreamcar.