筲簊灣東x動物醫院醫術高明我只狗肚瀉住院兩日就死係醫院

筲簊灣東x動物醫院醫術高明我只狗肚瀉住院兩日就死係醫院

奇奇係我地心愛嘅狗狗,奇奇係2012年1月12日出殯了,現在我地仲好掛住佢,奇奇係2012年1月7日,係筲簊灣東x動物醫院離世的.
奇奇好健康,係屋企行得食得走得,因為肚瀉所以帶佢到筲簊灣東x動物醫院診斷,住院兩日就死係醫院.我地怀疑奇奇死因有可疑,
1.一疑點另我地費解:
       1月7日早上,醫院話奇奇己死去,我地趕到醫院,醫院門口職員允許我地進入睇奇奇(奇奇係二樓),可我地在進入到走廊時,突然被一名男
職員阻攔,不準我地進入,男職員并無說任何理由,我地問其原因,點解不準我地進入,可男職員都無回答任何理由,就係阻攔不準我地進入,我
地問佢我地只狗死左點解唔俾我地入去睇睇,當我地想強行進入時,男職員就轉身無說任何說話就极速跑上二樓,係极速"跑"果著,男職員嘅
行為實在另人費解?點解係醫院入面要跑,男職員嘅行為另我地猜想,不知道二樓係咪發生咩野不可告人嘅事?事隔1日,我地要求見主診醫生
,當晚主診醫生同女老板見我地,我地再次問點解男職員無講任何理由,阻攔我地進入.女老板就回復得好動听,話佢地尊重寵物屍體,男職員先
上去給寵物屍體清潔一下,可我地同佢講番.奇奇死果日,我地見到奇奇屍體時,奇奇身上仲有屎尿,滿嘴都係嘔吐物,你地咁樣就話尊重寵物屍
體?佢地就無話可說.記得當晚同主診醫生及女老板談話時,我屋企人傷心到流淚,可主診醫生同女老板談話過程中居然能咧嘴笑過兩回,西方
人對生死的確睇得開.

2.另一疑點就係:
       1月5日送奇奇到筲簊灣東x動物醫院診斷,Dr.Richard 主診醫生只係講奇奇急性腸胃炎,需留院3日,無提過其它咩野,住院兩日,1月7日
早上8點半,醫院就話奇奇己死去,我地好愕然,點解肚瀉都會死左,即刻趕到醫院,我地企係奇奇身邊望住奇奇好耐,醫院有其他醫生同好幾個
職員,居然無一個醫生或職員理過我地,或過來同我地講講奇奇嘅死因,好似唔關佢地事咁,直到我地要求見主診醫生,佢地至話醫生今日唔番
黎.我地睇到奇奇死状有异,怀疑奇奇死因有可疑,要求睇閉路電視,職員就話無安裝閉路電視,但係我地睇到閉路電視鏡頭燈係亮著燈,我地要
求一定要睇,職員就話閉路電視唔知有無安裝,最後我地無辦法睇到,就报左警,但係仲係睇唔到閉路電視,因為差佬辦事太神速了,差佬只係企
係一樓大堂問左職員幾句,連入去睇睇都無,就同我地講番,人地話無安裝閉路電視啊,我听到都怒爆,同番個差佬講,你地差人咁查案架,D犯同
你講話無殺人你就話佢無殺人.差佬之後就咁樣就叫辦完佢地D事走人.係奇奇死前1日,1月6日醫院職員反而打電話通知我地,話奇奇情況
開始好轉,無肚瀉咁多啦,我地听到都好高興,於是當晚(1月6日),晚上8點幾就帶左食物去醫院喂奇奇,當晚奇奇吃得飲得水,情況唔錯,可1月7
日早上8點半,醫院就話奇奇己死去.奇奇能吃,能渴水,情況唔錯下,肚瀉而已,而且情況好轉點解反而係八九個鍾後死亡?

3.另有一疑點就係:
       之後我地問過其他醫院醫生D意見都話一般寵物死後半小時至1小時就會身體變涼僵硬,詢問過東x動物醫院職員也回復同一意見半小
時會變涼僵硬,但由醫院職員早上8點左右打電話通知我地奇奇係醫院職員8點上班就發現奇奇已死,醫院職員發現時已經係8點,如果奇奇
係死於自然,死亡時間有可能會更早,再到我地快到10點才趕到醫院,死亡時間己超過兩個小時以上,或是更長的時間以上,而且1月7日果日
天氣极為寒冷,10度左右,但係我地到後摸過奇奇身體仲溫暖及身體無變僵硬,點解事隔兩個小時以上,有可能更長的時間以上,天氣极為寒冷
,10度左右,奇奇身體仲溫暖及身體沒變僵硬?
      
        我地怀疑奇奇死因有可疑,詢問過其他醫院醫生嘅意見,想幫奇奇解剖查個究竟,但係諗到對奇奇解剖好凄涼,就打消念頭,讓奇奇安安樂
樂離開吧.奇奇住院兩日,只係食d肚瀉藥同打盐水吊針,就要3700港幣,奇奇死果日,我地係佢身邊都無人過來理下,試問我地唔係到,奇奇住
院兩日又有幾多人理過佢呢?大家帶寵物去醫院睇病,記得要睇清果間醫院人員嘅素質,我地好內疚,係佢死前兩日無好好照顧佢,反而將佢送
去鬼地方.

善惡到頭必有报
人為善,褔雖未至,禍已遠離;
人為惡,禍雖未至,褔已遠離.
充心祝褔全心害小動物D人沒有好結果!!!!!!
奇奇
樓主遭過令人同情.
卻令我想起強国及港府對待人民正如獸医待奇奇.
公務員覇權蠶食香港比任何覇權更嚴重
得到應得的高薪---港官名符其實貪官
貪官後更有貪議員
Don't argue you know I am right