關於6月2號節目,我想講幾樣野~~~

關於6月2號節目,我想講幾樣野~~~

本帖最後由 NicSo 於 2-6-2012 15:14 編輯

第一,條女係我通過Model公司請返黎既,當接個工作而已,同佢開既條件係一個鐘頭工作,幾多錢~~~(主要工作係幫助主持倒下酒,因成人節目關係,Dress Code係比較性感,因節目方向出位,所以可能會響言語上輕薄下你,但保證唔會有身體接觸既,放心)~~~呢個係我同佢開出黎既條件,所以點玩都得,一郁手郁腳就唔得,呢個係我既宗旨,唔係咩道德撚~~~而我已經講過不只一次,唔好郁手郁腳既,Model響節目唔出聲,只係人家夠專業。另外,如果我不能做到我同人保證既野,我諗以後都唔會再請到人上黎~~~(我唔知自己係真小人定偽君子,我只係知道講得出要做得到!)
第二,我心入面,大家想睇既"互動"我誤會為言語上出位既“互動”,原來有啲聽眾係想睇肉體上既“互動”,呢方面真係好對唔住,如果讓大家失望,請移玉步到各大鹹Site睇四仔~~~
第三,我覺得冇理由成個節目都唔知做緊咩既,而我不停睇住個電話係想睇住大家聽眾既反應,琴晚我相信好多人都覺得我地不知所謂,我既失控,都有呢個成份向度既,係我唔夠專業,不過我從來都唔係專業,如果大家真係覺得我有問題既,Sorry~~~(BTW,其實我唔明點解用電話睇chatroom就有問題,用電腦睇chatroom大家就唔覺有問題。)
第四,好多人覺得,請得佢上黎就預咗佢係咁。但係響我立場,再過份都要有個底綫,而響我眼中,佢唔係精神病人,精神病人失常,我能理解同諒解,而扮失常既,再影響節目進度,再要廣大聽眾睇佢既類似什麼儀式,再要差不多用成個節目黎唔知講啲咩,我不能接受。(而事實我爆發完之後,佢所講既野,可聽性高好多。)但如果閣下係堅想睇呢啲咁既儀式同同佢扮癡埋一份既,大可入佢既Flight Club~~~
第五,我關閉Facebook既原因,係因為高登Post我女朋友既相,我唔想影響到我女朋友既正常生活,所謂禍不及家人,要搞就親自黎搞我,唔好搞到我身邊既人,唔該~~~而我一向明人不做暗事,我既衰野,我自己都響節目中都講曬出黎,Facebook同微博所登出既野,都係正常野,想知我唔正常既野,可以直接問我,我從來都唔介意公開我既過去~~~
17

評分次數

1# NicSo
絕對同意歷穌講法!!!條友真係.....

小弟只有一個要求....你爆鳩個冚家剷係喺 Part 2第幾分鐘???我真係頂唔順成個節目俾個粉腸咁玩,冇聽晒。更加快速地想聽到下你點爆佢!!!!!
睇到傻佬搵手抹咀果下,我已覺佢比人郁左
我都對龍心講既野都有興趣,但今次撐歷蘇,今朝我齋聽重温都覺得唔好再比佢亂黎,個女仔唔係比佢咁玩法,癲唔癲都要阻佢啦
哈哈,做得好撐你!
>(BTW,其實我唔明點解用電話睇chatroom就有問題,用電腦睇chatroom大家就唔覺有問題。)

呢樣嘢我可以試吓解釋
我老細都叫我地做正經嘢嘅時候唔好用手機
例如開會嘅時候
就算你係用手機查閱資料
但係手機嘅基本功能(或者話係佢以前嘅功能)係聽電話
所以人地會以為你成日等電話,唔專心
我諗二三十歲以上嘅人都有呢啲感覺
不過以後應該無呢個問題
因為啲後生已經無咗呢隻 "手機主要用嚟聽電話" 嘅 DNA

其他你提到各點我都同意
雖然我未聽 archieve
但都估到發生咩事

須知 "過火" 唔係萬能嘅開脫藉口
你小人老母都只不過係口舌之爭
你有身體接觸就可以釀成刑事罪
所謂 "索油索著火水"
唔少人以為食得唔好徙
結果輕則成為醜聞主角
重則惹上官非
其實琴晚真係比龍心騎劫左個節目,我諗亦只有佢先做得到,下次如果再上黎,都要諗下點樣控制返,或者唔好有下一次(條友唔係真傻)

電話睇CHATROOM無問題,NICSO只係出手得太遲,比人覺得你唔知係度做乜

仙樂都真係幾專業!!+LIKE
1

評分次數

  • isomer

差之毫釐 謬以千里
莫講話個女仔只係 Model
就算擺明係性工作者
如果呢個 job 無講明係摸身摸勢
(而唔係講明唔會摸身摸勢)
就應該以普通女性待之

不過有啲友會俾個藉口自己
話佢出得嚟做都唔會介意俾人摸吓

我相信(亦希望)呢啲人遲早會 hi 嘢
我唔係確認會員 , 不能在chatroom留言 . 我認為歷蘇初時唔同條友癲 (跪地), 做得好 , 後來發火窒佢亦盡了責任 .
平心而論 , 主持們原本想請條友上節目講下點樣溝鬼妹係新綽頭 , 因為講返大陸溝北妹已經無新意 , 奈何遇人不淑 , 萬眾期待嘅節目被條癲佬攪壞 . 希望主持們不要氣餒 , 繼續做好個節目
1

評分次數

  • Beckham

幾時有視像重溫呀???