龍心條友係易請難送,有冇人可以體諒下?

龍心條友係易請難送,有冇人可以體諒下?

我就係唔明點解龍心上節目搞亂檔之後,有咁多人熱衷搞分化,做乜好似撐歷蘇就要其餘三位主持收皮咁?有人睇左龍心做完節目自拍條片之後,就話鱷魚、Noel佢兩個反骨幫住晒龍心講嘢,仲話佢地同個咁嘅人稱兄道弟反骨,唔好能玩啦好唔好呀?龍心本來就係神經病架啦,唔係睇唔出佢地兩個加埋阿東都係焗住附和佢吓嘛?條友有咩前科、行事又係點樣癡法,大家上youtube睇下片都知啦,如果即場企硬同佢反面,搞僵左個局就仆硬街都得啦,條友三唔識七都可以周街搞鳩人,你同佢不歡而散嘅話手尾唔能長呀?佢地賣乖哄著龍心都係顧全大局咋。

講埋歷蘇,無論大家對佢嘅性格或者缺點有咩意見,個人認為歷蘇係人網其中一位最用心最賣力做好節目嘅主持,而且佢做出了成績。人網節目唔俾機會佢仲俾邊個?

總結這次最令人困惑嘅係點解要請龍心上節目呢?上一次請左兩位靚女上嚟,就已經亂鳩晒冇得整啦。四位主持friend底,之前十幾集吹水吹得好過癮係堅嘅,仲幾有默契,但這份默契基本上就只限於四個人之間,我地可以期望的亦只限於此。當有第五、第六個人加入嘅時候,會產生咩chemistry根本就冇能得估。嘉賓上到嚟,配合到嘅話係佢合作,但係好唔好聽都係睇技巧。請個冇信心控制得住又預計唔到佢會搞咩嘅人上節目,玩咩?
比另外觀點你

如果當時4位主持一致阻止個神經病龍心,請佢出直播室
呢D就係4位兄弟同心嘅証明
(再唔係嘅,其中1個都出聲叫龍心停 2比2咁樣表達番意見都總比宜家個結果好)
但事實係意見分歧,一個出口,另外3個完全唔理.
再係龍心自拍片度講歷蘇不是,
附和唔洗自己都講埋觀點出嚟嘅,一味係係,哦哦,係囉就得架啦
再唔係嘅,叫埋歷蘇入嚟,三口六面講好佢
4個支持,3個繼續陪個有問題嘅癲,係兄弟朋友 就至少都派個去同歷蘇傾傾計啦(不論覺得對與錯)
兄弟朋友,你有4個就最易話為,2個不和另外嘅補鑊,咁先長久

某程度都好,龍心上節目/上存自拍片,
將主持個性盡顯,比咗個認識主持機會,都比佢地認識下自己的朋友
呆了, you got the point! I am totally agree