71人網不如搞場「反解放軍登陸」戰

71人網不如搞場「反解放軍登陸」戰

【明報專訊】每年嘅7月1日,建制派都會同泛民分庭抗禮,泛民呼籲市民上街,建制派就繼續歌舞昇平賀回歸。香港各界慶典委員會主席鄭耀棠話,今年會一連3日,大搞多場嘉年華會同大匯演慶祝回歸15周年,但就取消過去喺七一都會搞嘅大巡遊。莫非佢哋知道搞巡遊要大量警力,生怕一搞會唔夠人保護即將訪港嘅國家領導人?
今年嘅回歸騷6月29日喺伊館揭幕,30日就喺灣仔修頓球場、中環遮打花園、添馬公園、文化中心同屯門大會堂舉辦多場嘉年華會同文藝晚會,再喺七一早上喺香港大球場舉行大匯演。今年大匯演就再邀請到解放軍八一跳傘隊表演多項高難度跳傘花式。
跳傘隊再臨 先維園演一場
呢一系列慶回歸活動大約耗資300萬蚊,但個大匯演就唔係人人有得睇,事關門票唔會公開派發,市民只可透過一啲「團體」攞,講白啲,即係民建聯、工聯會同一眾左派社團嘅朋友先有得去。棠哥話,解放軍會喺6月30日喺維園先行表演一次跳傘先,等啲無票嘅市民都有機會觀賞。

----------------------
71人網不如搞場「反解放軍登陸」戰
包圍維園,以小學雞射馬紙(像筋+馬紙=低成本高殺傷),甚至飛走小圈子等阻礙八一跳傘隊
cccccccccccccccccccc