劉主席必需思考及反思的幾個問題

劉主席必需思考及反思的幾個問題

我首先聲明,我十分支持毓民同蕭生,亦有捐款拉票,偶有出席活動.
閒話休提,昨晚聽左隨意門,我先要就劉主席清晰講述到人力在佔中一事立場十分欣賞
你演說能力同表達理念方面好明確.我希望將來你能夠同各人力成員好好討論當中細節及立場
幾時先全力參與,有邊D地方唔可以退讓等等.
我明白當中兩難局面,太訓身參與,又被其他黨話"騎劫".
而且當中仲有民主黨呢班人,真係要花點時間觀察下佢地先.
但如果太消極參與,又會炒唔起個氣氛同動員唔到支持者.但我相信,今次人力派左你同慢必去討論.
以你地能力,可以應付今次考驗.
當中一定係要同毓民商量,無可否認,佢點都係人力中馬首是膽的人物
而我相信蕭生,或者一些支持者如我,亦會發現毓民近來比較傾向BUY陳雲一D理論
咁令我地呢D支持者好模糊,我好記得之前佢曾話過"又唔見你地歧視返你老豆老母?大把人都係果時落黎"
而最近又好似變為要以勇武對抗一D如走奶粉等等現象.仲有最近果篇"抗爭不能只談"非暴力""文章等等
到底真正立場方面係點呢?底線又在那裡都希望劉主席能夠同佢有共識.

但節目之後部份我唔能夠太苟同,所以想提出一點問題
我自問差不多都有聽哂MR,人網,熱血等節目(無辦法,個人時間多)首先你講到當日曾經收到白姐姐CALL
話黃洋達反骨曾經要求過佢幫忙但最後又鬧返阿PAUL.你話你做錯左.
當時冇當機立斷應該要知道呢個人人格方面有問題唔應該比佢選
聽到呢度我相信我明白點解攪到咁大獲又話邊一方邊一派總係造謠老屈邊個收錢等等.
劉主席,白姐姐的確係個好DJ,但佢係咩人大家心照,如果你話你當時冇因應呢個電話而去同黃洋達做了斷,我就覺得你好笨
你當中如果真係有錯,最錯O既就係唔問清楚黃洋達發生左咩事.其實佢亦交代左好幾次,選舉論壇,報紙訪問,電台節目等等
如果你連白姐姐呢類人物D說話都上哂心,我相信今時今日咁大獲,應該都係一直以來都聽左唔少呢類傳言.
而事實上你再推呢個例子黎深化"反骨契弟"呢種形象,我認為唔公道.黃洋達出事時係做緊人網節目"皇上有話兒"
唔好話老奉要人網或者人力幫佢搵律師,但如果真係如黃洋達所言,最後竟然求救冇門想起白姐姐講過可以搵佢搵律師
你又覺唔覺得呢件事都幾攪笑?而如佢所講,最後對方咩都幫唔到,亦有比錢.咁佢成日比人因為呢件事唱,其實有冇問題?

作為唔太了解你地所謂"內情"的局外人(無計,偶爾參加活動,聽節目先多)
早朝忽然摺埋係人都知有D野,蕭生作為老闆投資好大,自己亦攪到肺炎,冇啦啦又攪支熱血出黎
但如果以聽返黎的資料.劉主席你同大舊有搵過黃洋達出選,我相信你理應知道佢會出選O既時間一定比蕭生早
而如果係一早有呢個部署.黃洋達唔早一步通知蕭生,辜負左佢O既付出,呢個係黃洋達作為伙記非常壞O既地方
最後更有點一獲比你跣到仆直的感覺,作為普通支持者,聽眾我地都應該有呢種感覺,何況蕭生?
但劉主席你既然早知道,我唔明點解唔可以事先同蕭生溝通一下講返比佢知道呢件事先.當然呢方面唔係你錯
我係講人情上或者作為後輩,都可以通知一下佢先咁樣O者.

如果講到個重點,佢唱人力有D人收左共產黨錢,我就打死都唔相信選緊果時會用呢類型耳語去做?點解要咁做?
對佢有咩好處?如果話佢玩野唔係為左選只想出名,我相信好多人都知道佢地有仆心仆命踩十幾廿個鐘甚至通宵達旦去搏選票
而事實上佢地亦因為呢D傳言身受其害,天行廣告板講完又講,每一次解釋完都被民主黨屈.
不過我絕對相信佢地當中有義工或支持者在選後有講晦氣說話,唔知係咪因為呢D晦氣說話而令關係更差
但事實係,我唔知FB講過D咩驚天大秘密,聽佢地節目,從冇明示暗示任何對人力不利消息.
所以呢方面,我想劉主席你稍為客觀想下.證據,係,應該係好難提供,但,有冇人親耳聽過黃洋達親口或指示義工散播流言?
如果好似蕭生咁可以在節目中指名導聲知道某某(聽起來此人或者同黃洋達關係密切?唔係蕭生應該唔會咁刻意講出來)
一個,佢地可以話咁岩得咁橋,兩個,三個,四個,真係捉到幾個人出黎又真係知道同黃洋達有親密關係的話,就唔到佢抵賴
但你如果用返同之前白姐姐果D所謂證據,果種論點去話佢呢條友係奸仔仆街仔,我真係唔能夠認同.

我最唔同意黃洋達係,佢條仆街選完唔夠幾日,講出佢從來唔支持人力,咁樣傷透左大家曾經幫佢出過力O既義工心
站個十個鐘又好一百個鐘又好,多謝都冇句講呢D野我覺得佢係幾離譜.事後佢有冇解釋過我唔多清楚
以我所知Erica曾經講過一兩句,之後毓民叫大家收口大家都冇再提
好多人覺得毓民又攬老襯.而相信主席你亦因選完唔想攪太多,亦比面毓民而唔出聲.
或者,黃洋達的確欠左人網出過力o既人一句多謝.佢地忠實支持者角度係,因為一d佢地冇得益的,而被老屈的傳占連累
冇左果2000票.即使係真,成也人網敗也人網,冇人網佢地冇可能咁高票呢個係事實.
佢做人唔夠完滑,佢亂講野,佢老味.
但佢之後有冇做散播流言攪散人力的事呢?我唔知道
暫時你地亦毫無證據去話人,但就話左人地係咁樣做

好多事,比如年宵,攪show,我唔明如果有咁多流言滿天飛,而亦講到冰封3尺,
何解作為主席的你唔能夠同毓民溝通一下呢?

不過我認為,黃洋達同季詩傑唔同,同馬草泥唔同
季詩傑叫人戒人網毒癮,係擺明玩野
馬草泥到話毓民霸道,及後幫白姐姐,亦係擺明玩野
黃洋達話佔領中環一事上,明報蘋果民主黨,香港人網係政棍要向佢地開火
政棍一字係太亂黎,但佢講左好多點解唔做佔領中環呢回事o既論點,睇法
理由同文匯大公係唔同的.我希望劉主席可以好似蕭生咁,對返題
例如話佢地忽然本土,甚至可能演變成法西斯等等
如果有呢d分析去ko返佢,係好事
但一味就"政棍"大做文章,佢對人不敬等等
會唔會同當日毓民上頭話人老狗,長毛話人cancer上腦一樣?
最後比人轉移左視線唔講5區公投?

如果真係要分,視黃洋達為毓派劉主席你為蕭派咁膚淺的話
又可否在此一佔領中環上,同佢一較好下而唔係一d虛無縹緲
為交代而做交代,對人不對事的所謂立場?
我相信如果能在論說上贏到,就明白誰是政棍
即使咩派乜派,亦唔會有人可以隻手遮天.高下顯然而見
亦希望,唔好再有任何亂七八糟的派系之分了
本帖最後由 rogue_rogue 於 27-3-2013 18:24 編輯

睇咗咁多貼,終於有一篇係理性,多謝樓主。
至於黃洋達話唔支持人力/人力支持者/人力嘅人,在佢尋晚嘅回應,我又明點解佢當時會敢樣講,因為三老揾黃洋達傾嘅時候,黃洋達已表明立場。

p.s. 小弟昨晚已聽 天外有天,隨意門,熱血。
樓主係這裡小數清醒而又說句公道話的人,黃洋達早在1月份的早朝已說過只讃同黃毓民理念,有時間可聽聽昨晚笑死朕就請楚事情始沒。
東方日報,走狗角度
心中有万语千言, 但心已死,不欲多言。一篇係最中立,最理性,多謝樓主。
Leung
聽左蕭生節目容許我做少少補充啦
我的確係單純聽各方節目,有冇咩更深入內情我真係唔知喇,純分析啦
講到果7位人士,我就唔太認識可以話聽都未聽過.
牽涉到李偉儀呢位人物就相信大家都清楚佢係咩人同毓民有咩關係
而如果7位當中有唔止一人同黃洋達關係密切
由當日想勸退慢必,唱甄生收錢.甚至講到到左今時今日仲不停到有製造流言.
一定要檢討發生左咩事.可找慢必講返當日事情,亦檢討點解咁易比一d有禍心職員入侵到.
既然認為一直有呢條線,又咁易跟到,一搵返d人出黎對質就解決到,我唔明何解唔解決
而如果又真係證據確鑿人證物證都有,冇得抵賴的話,咁真係有問題.


至於講到cap到圖話證實佢地有唱衰人力.
我想講講darling ng呢個人,我冇記錯係當日早朝時佢欣賞黃洋達
之後成為佢最主要的義工之一.佢咁講呢d野點都係錯.不過亦想劉主席考慮返
9月10日,正正係輸左選舉第2日.請唔好忘記黃洋達只係輸左好少票
呢位搏左命幾個月o既義工有晦氣話,如我上一段說話講,搵人出下氣,唔奇
甚至我知道有人話因為天行廣告板連累唔見左票.呢種情緒係可以理解.
但如上所講,無故指罵話某某人都係錯.所以我記得唔夠一兩日山卡啦都整左首歌出黎叫大家一人少句
不過.始終證實唔到熱血公民及其團隊由選舉前後到今時今日都不停製造流言
話別人不停造謠生事意圖分化一個組織呢個指控好嚴重,唔係細路仔玩泥沙用一次咁o既對話就可以成立的
而且你講過呢個係引蛇出洞只係用間諜去扮朋友的對話.只因為咁樣就去控訴人黎咁大罪名係太兒戲.
如果用陰謀論去睇,呢班人記住呢件落選的事到今時今日,仲認為真係因為廣告板或甚麼界票事件而落選
所以一直想攪死人力想玩殘你地,係有可能,但有幾大可能請劉主席想想
話呢班人有講花名或取笑其他人,我信一定有,人網呢度都會有
但話佢地團體一直攪破壞而且係有做好實際事情出黎.好難令人相信

不過講到呢度我好想劉主席代問候erica.佢好愛人力,亦受左好多委屈,到今時今日佢都好厚道冇講太多說話
當日黃洋達講唔支持人力erica即時氣上心頭有回應.最後都覺得要比面毓民或者為左大局而刪左呢d留言
我希望erica唔好因為呢d事太唔高興,而我相信毓民亦唔係盲目支持某某厚此薄彼的人
對後輩的事佢係好上心,或者erica睇返now論壇,比主持用老屈口吻問及廣告板.
毓民係真係扯哂火回應,提及erica果段相信佢真係發自內心,亦好感人的.

蕭生同毓民同樣愛材,我係好相信o既.在節目中講到黃洋達早朝天下前因後果
到一d部份真係唔能夠容忍到呢個人,相信大家都會覺得站在蕭生立場,機會,待遇都比足哂
換來咁o既結果係好難受同好憤怒,而佢亦到呢個忍無可忍時候先講出黎亦算好厚道
但呢度就睇到蕭生同毓民的分別,好多時毓民因為愛材,到最後比人跣獲超甘先知乃左野
劉主席我希望你多點同毓民溝通,比如話支持者原來一直都彌漫住一種唔妥當o既情緒
覺得毓民同黃洋達走得太近,最後攪show攪年宵其實傷害左一班支持者,甚至參與者感情
其實大可以唔洗因為尊敬毓民而唔直接去講呢d事.安排會面,上節目
一早攪呢d野,或者唔洗攪到今時今日咁

最後我認為,普羅果度一定要嚴肅處理.即使係一時大意當初因為選舉而加左黃洋達個名入去最後忘記左呢件事又好
點都好,我相信劉主席你應該要幫忙處理好,詢問一下毓民問佢會唔會交代一下呢件事
因為好重要,係大頭蝦又好點都好,佢幾日前先話普羅同熱血無關但又攪左呢點咁野,真濕滯
最後真係希望唔好有d咩難以磨合的路線分裂,有咩事坐底商量,多d溝通,唔係就仆街喇

講完,相信以後亦唔會再出現,劉嘉鴻主席,作為一個聽左你咁耐的空氣中"朋友"
我覺得你以前同馬草泥做節目時,個人好cool好串,講真你果時真係有陣中產味,
果種味係有d高不可攀o既感覺.即是囂囂地
現在都係有架,不過唔知係咪同簫生玩得多,個人開朗左,比較冇咁cool
點都好啦,見你今次回應有哂大將之風,希望你頂住,亦好好思考以後點做
如何獨當一面,保重
簫生執左人網係正確決定