檳城榴槤之旅 - 2012 late June

檳城榴槤之旅 - 2012 late June

本帖最後由 kameyou 於 10-4-2013 22:20 編輯

上年六月尾,我同閃光同小癲Gee 返左檳城,第一次認真品嘗大馬的榴槤。
上年應承了靚女要寫這個榴槤遊記。
不過呀,返到香港就忙人力選戰做義工,之後忙工作,件事一直擱在一旁。
上個月更加殺得勝起。

近日心情恢復,慶祝人網討論區死唔去,係時候寫這個遊記。

+++

大馬通常六月開始係榴槤成熟之時,去到八月就完。過農曆年時仲有一轉榴槤成熟,但就無咁多。
榴槤多係種在山上,山腰之上。都係遍遠之地。
那個時候,駕車經過山區的高速公路,就會看到路旁有好簡陋的木棚,放著大量榴槤,
都係馬拉人從就近榴槤園拾下的新鮮成熟、剛從樹上丟下落的榴梳,最好食。
識食的人都會去這些地方買。

華人比較識做生意,最勁的會在大商場旁租地方做特賣,貪人流多嘛。
檳城市中心「波地」KOMTAR 的新商場 Time Square 為了宣傳、吸引人流,舉辦了一個超大型榴蓮攤。

馬來西亞人流傳,
松鼠最適食榴槤,畀松鼠咬過的榴槤代表係最好食的。
係咪同印尼講麝香貓食咖啡豆的貓屎咖啡一樣咁神奇?
所以,
有時你會見到榴槤檔會印埋一隻松鼠公仔,吹自吹擂話自己的係靚野。






榴蓮係有十幾、廿種架!
最貴係貓山王 (每 1 kg 要 $70),其次係紅蝦 ($50)。
其他的如 D15、小紅 ($30) 等等,價錢差唔多啦。價錢我已經轉返做港幣喇。

原來專開榴蓮的刀好細把,只略略大過生果刀,刀頭有倒勾刃。
唔似香港咁,用大大把砍劈椰子的刀。





呢隻係貓山王,食略除了榴蓮味,還略帶一種苦苦甘味。當地人話最好食,所以亦最貴。
肉質係好似cream一樣,一入口即溶,意想不到!

泰國榴蓮真係死開一邊,唔怪得大馬人睇唔起泰國榴蓮。
我細舅母又係大馬人,佢話:「泰國的有乜好食?食薯仔咁!我寧願無得食都唔要泰國榴槤!」



檳城市中心「波地」KOMTAR 的新商場 Time Square,寫明唔准帶榴蓮內進!氣味太勁喇~~





其實呢,只要留神,四圍都有榴槤的廣告。
這個廣告,是「波地」KOMTAR 的 Gamma 商場門前。

+++

這裏是「中路」Burmah Road,距檳城市中心 KOMTAR 約 5分鐘左右。
呢個係大型現代化冬菇亭食肆前,榴槤直銷
可以即開即放盒帶走,亦可以即時坐在枱食~









閃光細妹請我地食「小紅」。肉質一樣係忌廉 cream 一般,而味略帶酒味。
呢隻平D架其實,但我覺得比最貴的貓山王更適合我。





左邊三粒大的種籽,係小紅。右邊兩粒又扁又薄的核,係最貴的貓山王,唔怪得貴喇。
呢幾粒種籽,洗乾淨,偷運左返香港~ XD
種在後院,可惜唔生 ...
今年我會再接再勵!
3

評分次數

  • hkt008

  • rommel

thanks!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
樓主真有口福,馬拉D榴槤係極品,睇見都流哂口水,多謝發帖分享
Andrew
                                       
囡囡呀!誰都喜歡妳,小貓也自豪!  >^.^<  喵~~~
頂.............真係睇倒都驚,平生最怕就係榴槤

話時話,馬拉都要70蚊一kg,香港賣4-500蚊一個貓山王,其實唔貴喎
作為一個保持聯絡既地方,亦可以用手機在街上直接出簡短既食帖
有興趣請大家一齊玩

https://www.facebook.com/groups/192733524184216/
榴槤我就麻麻地,不過有遊記睇一定支持﹗
小弟食食玩玩yahoo日誌:http://blog.yahoo.com/smallsmallsmalllin(歡迎大家愛吃朋友交流交流﹗)
氣候唔啱, 好難種....
我都打算今年同老婆去檳城食榴槤...不過自己唔識路又未去過大馬...見旅行社有榴槤團4-5千蚊一個人應該未包榴槤錢
1# kameyou
呢幾粒種籽,洗乾淨,偷運左返香港~ XD
種在後院,可惜唔生 ...
今年我會再接再勵!
種成功結果時,記得請我的子孫吃! XD!
囡囡呀!誰都喜歡妳,小貓也自豪!  >^.^<  喵~~~
本帖最後由 chelseabun 於 15-4-2013 01:43 編輯

九十年代曾經在吉隆坡工作了幾年,榴槤也是我所喜愛,記得那時的價錢很便宜,晚上行Bazza Malum (馬來語發音,可能串錯字,夜市之意),一定買些榴槤吃,榴槤有些是人工種植的,像樓主介紹的都屬於人工種植,肉質飽滿,金黃色,較甜;野生榴槤比較細小,肉色偏白,味帶輕微甘苦,價錢便宜到難以置信,每個榴槤只賣馬幣5毫(當時約港幣$1.50),不是按重量,是整個榴槤才賣馬幣5毫,就在地攤即時吃,吃了兩塊發現有些不好,退回給檔主,換一個不收費,馬來人就是那麼老實。吃完榴槤,走到旁邊賣甘蔗汁的,喝一杯鮮榨蔗汁才是馬幣6毫。如果你喜歡辛辣的食物,馬來西亞是不錯的選擇。
1

評分次數

  • kameyou