檳城榴槤之旅 - 2012 late June

出門旅遊,一定帶兩樣葯,panadol醫頭痛發燒,喇叭牌正露丸醫肚痾,或者北美呢度有隻imodium都幾好用,唔知香港葯房有冇得賣,水土不服食錯野,隨時都要用。香港人初到馬來西亞,街邊食野會有啲唔習慣,十個八個人搭枱,枱面污漬斑斑,筷子黑色洗到發白,地面有貓狗巡邏,隨時捐過你枱底搵食。不過馬來西亞街頭小食係有其特色,好有鄉村風味,樸實無華,覓食要夠膽,捨命陪君子。
舊時就帶panadol+喇叭牌正露丸,而家係tylenol+imodium,行李箱內必備。
馬來沙爹

以前在吉隆坡一間經常幫趁的飯店,每日黃昏有一個馬來人騎著一輛單車來到門口擺檔,張開一個鐵架,放上一個長型炭爐,單車兩旁掛著幾袋串好的牛羊雞肉,即叫即燒,烤肉香味街頭巷尾聞到,伴碟的還有青瓜、生洋蔥和白色的米糕,最出色當然是沙爹醬,我的一個朋友食到用埋條脷去舔碟,食到唔停得口。一般當作飯前小食,點菜後等上菜時,最宜吃幾串沙爹,喝喝啤酒,吹吹水,人生樂事。

肉骨茶

馬來西亞的朋友叫肉骨茶做〝伯姑爹〞,可能是肉骨茶福建潮州話發音,初到馬來西亞時很不習慣早餐吃油膩的東西,吃豬肉、飲藥材湯、食飯,在香港時從未試過,在馬來西亞早午晚三餐都可以吃到肉骨茶,更多人喜歡早餐就吃一頓〝重口味〞。
據朋友介紹,肉骨茶源自距離吉隆坡約一小時車程的巴生港,以前的碼頭工人喜歡吃一餐豐富的肉骨茶,然後開工,一天的勞力就靠肉骨茶。我的朋友曾經帶我到巴生港吃一次正宗的肉骨茶,還送上一壺濃濃的鐵觀音,試過之後便覺得吉隆坡市中心專做旅行團的肉骨茶不是味兒。
有一次到新加坡,試過當地的肉骨茶,湯汁比較淺色,放了更多蒜頭,好像少了些藥材,味道清一點,有更多的豬內臟,例如:豬肝豬膶豬尾豬腳,各有特色。
椰漿飯(Nasi Lemak)

馬來西亞最普遍的早餐,馬來人華人都啱食,馬來人婦女大清早擺檔,一塊舊報紙墊底,上面放一塊芭蕉葉,一小碗白飯,幾粒炸花生,幾條銀魚乾,一塊咖喱雞或牛羊,半隻烚蛋,兩片青瓜,承惠唔駛兩蚊馬幣,時為九十年代吉隆坡的價錢,味道唔錯架。跟住行過隔離檔買杯奶茶,六毫子,用個塑膠袋裝住,加一條尼龍繩綁實俾你,咁嘅奶茶你飲過未?

茶室

可以叫做迷你food court,一般面積不大,約兩個鋪位,擺放十零張大圓枱,老闆負責賣茶水,分租給其他人賣各種不同食物,炒貴刁、檳城蝦麵、肉骨茶、海南雞飯等等。飲品五花八門,奶茶叫做〝爹斯〞,用錬奶的叫〝爹斯牙甩〞,24安士啤酒杯,飲到你肚漲,只賣一蚊;涼茶叫做北紫草,鮮榨果汁,啤酒汽水,印象最深刻的一次,在新加坡吃咖哩魚頭,該店賣一種酸柑水,咸柑桔加糖,冰凍清涼,解渴順喉,一餐飯飲三杯。
椰漿飯(Nasi Lemak)我係最中意食架,
華人做的無咁好食,搭大大塊肉或雞翼,唔多夾。因為主角係椰漿同種馬拉特色香甜辣醬。所以,主菜只要脆花生、江魚乾仔、烚雞蛋,已經好足夠~~

肉骨茶當然中意,而且仲易整。閃光成日都煮畀我食~~係檳城風格。不過,檳城人都會承認係巴生(Klang)的肉骨茶最正宗最好食。反而,新加坡的肉骨茶就唔好食,馬來西亞人覺得只係楜椒豬肚湯,唔係肉骨茶。
kameyou兄,你有冇感覺到馬來西亞人好唔妥新加坡人呀,兩方都鍾意互踩,可能係馬來西亞華人認為佢地分裂出去,唔理馬來啲華人。而新加坡樣樣都先進啲,睇唔起啲馬來同鄉。
椰花酒

馬來西亞是回教國家,回教徒不能飲酒,但華裔、印度裔人是可以飲酒,不過要付很重酒稅,客家人釀糯米酒,印度裔人自己釀製椰花酒,據稱要爬上椰子樹頂,割開椰子花蕊,用小鐵罐收集汁液,釀製成椰花酒,呈奶白色,估計酒精度較葡萄酒稍高。
有一次在朋友帶領下,到吉隆坡郊外吃野味,依稀記得有咖哩山羊、水魚等食物,平日在市區找不到的,這裡都可以吃到,美味精彩。朋友推薦我們試飲椰花酒溝Guinness Stout,冰凍椰花酒混合波打酒,椰花酒偏甜沖淡波打酒苦味,很容易入口,加上熱辣辣的野味,火紅的太陽,很容易就飲多了,椰花酒利尿,兩小時午餐忘記共去了幾多次廁所,飯後返回公司,懶洋洋下午半天就此報銷。
記憶中蔡欄有介紹過椰花酒。由於是私人釀製的酒,要注意安全,最好有熟人帶路,否則飲著甲醇就大鑊。
kameyou兄,你有冇感覺到馬來西亞人好唔妥新加坡人呀,兩方都鍾意互踩,可能係馬來西亞華人認為佢地分裂出去,唔理馬來啲華人。而新加坡樣樣都先進啲,睇唔起啲馬來同鄉。 ...
chelseabun 發表於 26-5-2013 13:00
我問閃光,佢話對星洲人,大馬人一般唔多中意,覺得佢地好自負又高傲,睇唔起人。因為星洲人自覺教育程度高,而且繼承英語教育傳統,係高等華人或高等馬拉人,唔似馬來西亞已經掉失了殖民地時代的好野,仲要差過殖民地時代。越到大馬南部的,比如 Johor,因為近所以更多大馬人到星洲打工,受氣,就越憎星洲人。

真係有尐似從前,香港人睇唔起大陸人,大陸人唔中意香港人咁。

但對於政府、政治,一般大馬人只要係親近反對黨的,都會不滿意大馬政府貪污腐敗又無能,國土廣大資源豐富卻時常缺錢。深感星洲他們獨立了,發展得比大馬更好,係一件好事。

如果你預到大馬人不是這樣想,而是滿口「怎麼外國人只識新加坡這個鼻屎一樣小的國家,我們馬來西亞這樣大卻沒人認識」,那麼「愛國」,係定係政治保守,親近執政黨巫統國陣的土佬、香巴佬,傳統華人奴性DNA太深,未開化。
好好味, 原來馬來西亞貓山王先係頂呱呱