我的10年炒樓經驗, 從8萬炒到500萬(我出書啦,最新段在156,164

我的10年炒樓經驗, 從8萬炒到500萬(我出書啦,最新段在156,164

     今日我終於擁有1層價值200萬的村屋. 但各位唔好誤會, 我尼間屋係1次過full pay, 並唔係仲要供幾十年. 亦唔好以為我係似住老豆剩落大把果d, 我都想我係富2代, 但我無咁好運. 我買尼間屋實際上只係用左8萬, 但唔係宜家的8萬, 而係02年的8萬; 因為02年我就住8萬開始炒樓, 炒左幾十轉先可以1次過full pay買尼間屋. 而且我炒尼幾十轉都無做過按揭, 唔係我唔想按, 而係根本無銀行受我玩.       睇到尼度你係唔係度諗:小喇叭02年8雞野買大陸爛尾樓都唔得啦, 仲吹到無做按揭本港炒樓. 但我真係做到, 而且我緊係覺得有d 趣味先寫出來同大家分享下, 因為每次買樓賣樓都有d古怪野, 順便踢爆d 經己的古惑招.
       我記得02年我銀行戶口得12萬, 我就系度諗12萬可以做d乜. 出來做野成10年先蓄到12萬, 我都唔知自已係大使定係香港係咁撚悲哀. 有一日我無無聊聊度睇中方日報. 當時我凈係睇娛樂新聞, 果d甚麼時事, 政治, 財經關我尼d窮西春事咩? 睇睇下我就立到個分類廣告, 寫住深水唐樓200尺售10萬. 跟住我就諗試下打電話去問下都好, 自已當時成3張野仲黐住屋企人住, 好似唔係咁好, 如果係堅, 買左搬出去, 第日同條女攪野都方便d. 以後衰極都叫做有個竇, 唔使訓街.
      打完電話就約左個地產婆下午去佢深水間鋪度, 再帶我去睇樓. 我從屯門出發搭左成個鐘巴士先出到去. 跟住個地產婆就帶我行去睇樓, 沿途我起勢問佢個單位邊同唐幾樓? 佢就話好近姐, 轉個灣就到, 唔係好高咋. 結果我地行左20分鐘先到樓下, 最命係到左樓下佢先話我知係唐九樓. 當時我真係好想問候佢娘親. 唉! 都俾佢點撚左來, 吳在上埋去啦. 跟住我就撐左九層樓梯上到9/f, 系度扯哈, 點知佢行到上來話未到, 仲有1層先到. 佢老母邊條曲街玩d咁硬膠的文字遊戲, 中文九樓即係10/f.  死死地地上多層, 差d暈咁滯. 心諗仲話第日帶條女上來攪野, 就算條女肯同你撐上來咁傻, 上到來自已都腳軟兼無力啦.
       終於到左單位外面啦. 個地產婆打開單位的鐵閘, 我1睇入面只係得1條2尺x3尺的走廊, 走廊上就有3度房門. 我就問個地產婆: [嘩! 尼d咩屋來駕? 咁樣?] 跟住佢就解釋我知, 原來尼d叫分契樓. 原本閘入面係1個600尺的單位, 以前的業主把單位分成A, B, C 3個1房1廳200尺的細單位, 再搵律師分契每個細單位擁有原單位的1/3業權. 跟住佢就開左A 房俾我睇. 入面所謂的1房1廳其實係1個6尺X20尺的長方形. 廳約長9尺近門口放左個2尺X4尺的灶柜, 中間3尺撊左兩幅板做所, 最入就係約8尺長的房. 成間野得房有1個窗, 即係話要經過所先入到房, 吳開燈個廳直頭睇吳到野, 個房放完張床就企都無位. 咁Q樣, 點買呀?  
      睇完尼個騎呢的單位, 我真係想郁手個地產婆. 下午3點都唔知去邊. 於是就深水其它地產鋪度睇下有無其它單位, 就算租都好過成黐住屋企咁裙腳仔. 睇左4,5個類似的單位, 個個都大同小異無乜分別, 但就知道左尼類單位租金約$1000-$1500月租.
      夜晚我返到屋企. 無聊得滯就打電話俾我廣州的妹妹傾計, 講開尼單野, 我妹1聽完就叫我買左個單位; 佢話吳買來住, 就算買來收租都好好回報, 有成12厘. 認真諗我妹都講得, 我的錢放系銀行十幾年好似1元利息都未收過, 如果買左收租個個月多千靚銀都幾過引.
      於是我就打電話俾地產婆覆價6萬, 點知地產婆毫不客氣咁話我痴; 跟住我就話無理由講下價都唔得, 我真係有心買. 地產婆就話佢要同業主傾下, 一陣再覆我. 過左1個鐘, 地產婆打來話幫我講到8萬. 我當時就心入面15,16咁諗緊無出聲, 點知地產婆見我唔出聲就彈左句, 如果想再平D, 明日就約埋業主一齊去佢鋪頭, 幫我一齊慢慢磨低業主個價. 我1聽, 就緊係OK啦.
      第二晚, 我依約落到地產婆間鋪. 見到佢同業主兩夫婦. 業主夫婦年紀大約65左右, 一眼就睇出係辛辛苦苦挨左成世兼死慳死抵先夠兩餐果種人.(宜家諗返轉頭, 其實我當時同佢地都差吳多) 地產婆介紹完之後就開始左呀之呀麼落哥的講價過程. 講左成半個鐘, 地產婆講到我好似孤兒咁慘, 業主都吳肯減. 無計可施之下, 地下地產婆叫我即刻1萬CASH放佢地面前, 尼招果然使得. 業主老婆即時兩眼發光, 幫手勸佢老公減到7萬. 情形有D似電影國產凌凌漆周星馳住1舊水賄賂公安咁. 就咁攪掂, 7萬成交. 即時落1萬CASH訂金, 簽臨時買賣合約, 1個月後上律師樓交吉.

     根據合約我要俾1萬佣金過地產婆, 業主又要俾1萬佣金. 佢老豆成單野8萬, 有2萬落左地產婆個袋. 計埋1個月後交吉的律師費$5000我總共用左老懞董個數$85000, 但業主夫婦俾埋$5000律師費之後實際得$55000.
     無計, 窮就注定俾人剝削駕啦, 唔想俾人剝削就只有剝削窮過你的人, 你話悲吳悲哀.
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p2      一個月後我同我妹上律師樓攪手續, 俾完尾數, 隔左幾日先再上去收鎖匙.我買尼個單位係用我妹妹名義. 第1: 我妹係大陸人, 尼舊樓咁殘有乜野跌落街, 親人都好難追究到我妹. 第2: 我妹唔香港, 有起事來, 對我有利的我可以即時決定; 對我不利的, 我可話佢唔香港, 拖得就拖. 第3: 我妹又可以用尼個單位做藉口申請來香港辦事. 收左鎖匙, 我就拿拿臨復制左十幾條, 跟住落深水每間地產派1條, 放租又放賣. 放租就$1500, 放賣就16萬.
      過左幾日有個AGENT打來話有租客想租, 叫我落去傾租約. 其實我知道無咩好傾, 只不過個租客想平D, 不過我都要睇下個租客係咩人先決定租吳租. 我就話收工落去. 於是果日我特登早D收工.
      去到AGENT間鋪, 個租客已經度, 個AGENT巡例介紹我地認識. 租客係1個約35的偏肥師奶, 1睇就知佢係大陸嫁來香港, 但又運氣唔好, 嫁正個衰佬果隻. 果然, 佢真係嫁過來的; 但佢比我估計仲慘, 佢老公唔係衰, 而係去左賣蛋, 仲留個6囝囝, 宜家靠綜援生活.

      我見佢咁慘, 就減左1舊水咁大把俾佢, 即係$1400成交. 就來簽租約果陣, 佢突然問我租約同以後的租單可唔可以寫租金係$1600, 並且仲想向我人解釋原因. 我即刻叫佢唔好講原因, 但我應承佢.
      我唔聽佢講原因, 係我已經估到, 我唔想第日要負刑事責任. 佢就好似好感激我咁, 但我就有乞衣兜拿飯食感覺. 香港做窮人真係不如做狗, 狗起碼唔知自已有幾慘, 亦無咁多責任. 1個月$200就有人冒監險, 尼個咩世界.
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p3

      又過左幾個月, 個肥師奶個個月准時交租. 我就個個月打簿多千靚銀不知幾過引. 有日以前個地產婆打來問我個單位賣吳賣, 我就話宜家收$1400月, 無諗過賣, 跟住佢就收左. 但轉頭我一諗, 如果真係賣到16萬, 我起碼賺6萬, 收租要5年先有咁多. 至於肥師奶我一早同佢講左可能會賣, 加上佢咁貪錢, 賠小小錢佢實搬. 於是我就打番俾地產婆話16萬無價講先會賣. 地產婆話OK, 我就叫佢直接搵肥師奶安排睇樓.
       過左兩日, 我突然收到地產婆1個內容好怪的電話. 地產婆系電話內講: [韓生, 個客話18萬貴左D, 問你17萬5得唔得.] 咁情況, 話唔得果個都傻. 好明顯係地產婆見我話無價講就開高個價到18萬, 點知個客就即時係咁二減5千扑鎚. 我話左OK都吳夠1個鐘, 地產婆再打來話收左3萬訂金, 仲幫我攪掂埋肥師奶. 我賠$3000俾肥師奶, 佢就負責免費幫肥師奶搵屋搬, 叫我盡快去簽收.
      聽完電話, 嘩! 我好似拍左10粒偉哥咁興奮, 差D想飛的出去收錢簽約(當時差吳多夜晚9點), 但都係決定第二日先去, 結果當晚成晚訓唔到. 當晚我仲諗到好多野, 包括繼唔繼續炒, 繼續又點炒法. 終於決定第二日請假早D出深水, 但就唔係去簽收, 而係去其他地產公司睇樓. 睇下有無平盤先, 傍晚再去決定去唔去簽約收錢.
        第二日, 出到深水用左5,6個鐘, 去左3間地產鋪睇左5,6間分契樓. d單位同我個單位分別吳大, 全部都開價14至15萬, 計落條數無乜數. 去到第4間地產, 佢竟然帶我睇番之前D地產帶我睇過的其中1個盤, 但開價就係13萬咁奇怪. 好彩之前我去睇樓無簽睇樓紙, 所以唔使幫親番之前的地產, 而且個AGENT仲好好, 教識我好多野. 例如分契樓係上唔到會, 銀行唔會借貸, 而且唔係間間律師行肯做, 就算肯做, 收費都特別貴. 仲有就係地產買賣的經紀法定最低佣金係$8000, 而唔係1萬. 法定最低佣金係成交價0.8%,100萬或以下的成交作100萬計.(成10年之後, 因為我寫左本故事post系網上, 得網上c hing指點, 原來係無法定最低佣金尼回事. 只有地產商會建議佣金, 但並無法律效力, 俾條杏加橙點足10年, 真失敗.)
       嘩! 尼D野, 地產婆根本無同我講過, 好彩佢咁快就搵到人同我買我個單位, 如果唔係我仲有排懞盛盛. 為左報答個AGENT, 同分析過十靚萬, 銀行唔借都無乜影響. 至於律師搵番地產婆介紹果個, 應該唔成問題. 同埋尼個單位係唐七樓, 應該值錢D, 於是我就覆價9萬.
      個AGENT的反應同地產婆一模一樣, 但我就話如果OK可以即刻落訂. 跟住佢就打電話俾業主 , 講左10分鐘左右, 內容又係吹到我孤兒咁慘. 之後就同我講業主肯減到12萬, 但我吳肯. 然後佢話又打俾業主, 來來回回兩三次之後, 佢話業主肯減到10萬, 但我依然唔制. 跟住佢就變晒面口好燥咁同我講左句: [阿生你吳好玩我啦.] 我見咁環境, 知道無得再平D, 於是就應承佢落1萬訂簽約. 經過地產婆的買賣經驗, 我都吳知個AGENT係唔係我面前扮野. 可能個佢根本無同業主傾過, 只不過我醒過買我個單位條**.
       下午5點我落完訂簽完臨時買賣合約, 就拿拿林走去地產婆度收訂兼簽埋另一份合約. 我簽賣方臨時約時, 我心內好想小九地產婆. 條8婆蝦我第一次買樓, 乜都唔識, 點我買尼D樓, 最離譜係佢尼次幫我賣樓要收$25000佣. 理由係16萬多出來的應該歸佢, 當時我嬲到起身走人, 唔簽. 行到巴士站, 個人冷靜D先記得自已在另一間地產簽左份買入的合約, 到期無錢俾就唔見成皮野訂金. 今次真係自作聰明兼兜. 我等緊巴士又小緊自已衰衝動的時候, 地產婆打來叫我返轉頭, 有事慢慢傾.
      嘩! 果種感覺就好似從天堂跌落地獄, 再由地獄升返上天堂咁. 返到佢間鋪, 經我死不屈服的討價還價後佣金跟番以前1樣1萬. 其實我好想減到佢$8000, 但又驚佢唔肯我就賴到應一應. 當我簽完臨約, 佢俾張3萬的CASH票俾我時, 我又即刻覺得佢和謁可親, 簡直係天使魔鬼混合體(吳係講佢個樣). 人就係咁, 幫到你搵銀就上帝, 令你蝕錢就契弟.(明天再續)
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p4

     好快就過左1個月, 到左我上律師樓果日. 我買樓同賣樓係同一日, 兼同一間律師樓度攪手續. 因為律師一早通知我, 賣樓果邊已經收齊14萬5尾數; 而我買樓方面, 只得9萬未付. 扣除買樓同賣樓的律師費共1萬, 再減小小例如厘印費之類的什費. 我仲有4萬幾剩, 所以唔使帶錢上去. 只係上去收票同攪手續.
        我同妹妹上午11點上到去, 見到一對約60的夫婦. 律師樓D職員一見我地, 就話俾我地知, 佢地就係賣樓俾我地的業主. 跟住就同我地四個講, 律師有CASE做緊, 叫我地等一陣. 於是我地就懶有禮貌咁同佢地夫婦扼手, 然後就開始吹水.
       吹吹下我就多口問佢地點解賣樓. 佢地俾我的答案簡直經典, 佢地話想申請公屋; 但因為有尼個分契樓單位唔合資格, 所以賣出去再申請. 咁都得! 自己有屋唔住, 專登賣左個單位走去黐政府. 哈! 尼個世界真係乜人都有.
       於是我就扮到好贊同又講笑咁潤左佢地一句: [賣完樓多左成10萬, 可能都唔合資格, 不如洗埋D錢, 連綜援都申請埋, 咁未仲好.] 佢地聽完笑一笑無出聲. 當時我度諗你地兩個行得走得又無仔女(吹水時佢地講過無仔女). 走去申請公屋, 就算批左, 唔通政府會俾間豪宅你地咩? 又未係百靚尺的細單位.
       上完律師樓. 我兩兄妹開心到不得了. 即刻走去西環海味鋪買左3千幾銀干鮑送俾我媽, 係我尼世人第一次送咁貴野俾我媽. 轉頭又係佩十幾條新單位鎖匙, 跟住落深水派俾D地產放盤. 尼次我就狼過梁振英啦. 放租就$1800, 放賣就20萬. 因為新單位係唐七樓同之前唐九樓比低左兩層, 加上係頂層有入契天臺, 點計都值錢D. 當時連我妹都話我係唔係開心到傻左, 10萬買番來, 一日吳夠就叫價20萬. 其實當時我都覺得自已開個咁高的價癲癲地. 不過我又覺得就算賣唔出我無損失格, 過一輪賣唔出未減價囉, 有乜問題.
        過左1個星期左右, 有個地產打來話有人想租. 我就叫佢夜晚收工果陣約埋個租客去佢鋪頭傾. 夜晚落到去, 個租客未到, 我就同個AGENT妹度吹水, 順便收下風睇下有無其他平盤. 吹吹下佢突然指住外面一個女人話個租客到.
       我望過去, 見到個打扮到花枝招展化好濃妝穿著極低胸大約40的阿嬋行緊入來. 我即刻有D想打冷震的感覺. 不過人地來租屋遮, 點打扮唔關我事. 於是我地又開始呀之呀的講價遊戲. 講價過程中尼位阿嬋D舉指極姣, 差D摸我大脾咁滯, 嚇到我縮埋一邊.
       講左15分鐘左右, 決定$1600租俾佢, 但就唔可以帶其他買樓的人上去睇樓. 我心諗算啦, 尼D係租客權利. 就來簽租約的時候, 我突然靈光一閃, 於是問佢做咩職業. 佢話暫時無做野, 但佢叫我唔使驚, 佢有三十萬左右積蓄, 一定有租交. 跟住問番我點解要知佢做咩職業.
      我都唔知點開口同佢講, 局住好婉轉咁講: [我驚你我個單位來做生意.] 個AGENT妹一聽就明我講乜, 忍唔住GA GA聲笑左出來. 但阿嬋就唔明我講乜, 攪到場面好Q監介. 到佢明果陣連佢自已都笑埋一份. 跟住同我講, 佢唔係做鳳姐, 叫我放心.
      其實認真諗都覺得自已擔心都多餘, 邊有鳳姐租唐七樓做生意. 最後我都係簽左約, 收左兩按一租, 俾埋半個月佣金就走.
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p5

     租左俾阿嬋無耐我就后悔. 因為佢3日吳埋兩日就call 我上去. 唔係話水喉漏水, 就話電燈唔夠光, 最離譜就係座崩左1cm都要我換個新的. 換唔緊要, 最慘佢唔係有乜野唔滿意一為次過講晒出來. 而佢係一睇到乜野唔好, 就即刻call我要我攪掂. 其實我初初都無乜所謂, 因為我本身係半個裝修佬. 裝修的工作我識左9成, 而且我成日都去深水睇樓, 順便攪埋都吳緊要; 兼且個單位係我的物業, 所以吳覺得咩一回事.
       最大問題係佢攪到我條女覺得佢想界我, 甚至我都有尼d懷疑. 因為咁我地鬧左1次交, 你話煩吳煩. 最後我直頭吳聽佢電話, 但又吳可以趕佢走, 因為佢交左租, 按租約就算賠錢都無權趕佢走.
      有日落大雨, 我系屯門屋企, 有個無來電顯示的電話打來, 我一接又係阿嬋. 但尼次就真係有大鑊野, 佢話我聽間屋漏水. 曲街啦, 因為係裝修都知, 尼D頂層屋一漏水肯定要大執. 我買間屋果陣都知尼樣野, 所以睇得好仔細. 咁都賴野你話死吳死. 無計, 我只有同佢講明日上去睇下咩情況.
      第日上到去, 嘩! 比我預期的差10倍, 幅幅墻都有水漬. 你阿媽, 點會咁駕, 我來睇樓果陣係吳係盲左呀? 無可奈何之下我就同佢講: [間屋要大執 , 起碼攪成個月我退番D租同按金俾你搬啦.] 點知佢話吳緊要, 佢有個朋友可以收留佢一個月, 叫我照攪 , 攪掂佢先搬番來. 我一聽就緊係1000% ok 啦 , 當然裝修期同佢搬來尼個月無理由收佢租. 果陣我都好慶幸佢咁通情達理, 後來先知中招.
       過左廿幾日, 我使左成萬幾自己拖埋個老死晚晚系度開夜(日間要返工)先用最快速度攪掂. 嘩! 成間新屋咁. 於事就約佢返來睇.  佢睇完就問我明日(果日我尼世都記得係星期日)幫手搬野番來得唔得. 緊係得啦, 因為間屋攪到人地咁麻煩, 自己都好吳好意思.
      第二日, 我一早出到去幫手, 好奇怪佢搬出去時我當然有幫手, 但感覺上無咁多野. 尼次搬番來吳知係吳係唐樓上落樓梯的關系, 感覺上多左好多野而且超辛苦.
      下午5點搬完, 好自然系單位內飲野吹水, 佢猛咁讚我手工好整得靚. 突然佢問我當初個單位係唔係想賣20萬. 我話係. 跟住佢問我19萬賣俾佢得唔得. 我俾佢讚到飄過飄然衛生巾, 諗都吳諗就話:[係就好呀.] 其實我當時唔信佢會買. 點知佢即刻份買賣合約出來話即時簽約, 仲即時俾$25200cash當俾3萬做訂金(因為我之前收左兩按1租共$4800). 我當堂呆左, 跟住就好開心, 但又覺得有D唔妥, 乜野唔妥我又諗唔到. 咁就只有小心D睇合約.
      兩份合約, 一份佢KEEP一份我KEEP, 都OK無問題. 我甚至好認真咁睇過D錢 , 應該唔係假銀紙. 最後我認為點計我都有錢賺, 怕乜姐, 於是就簽約收錢. 兩個鐘頭後我終於諗到我中左咩招, 但我最後的諗法我點計都有錢賺, 尼個諗法亦都係, 而且係勁賺.
       收完訂, 落樓開心到震, 拿拿聲去食餐好, 跟住返屋介. 我有一個習慣, 就係無聊時會諗番D重要事, 睇下有無新發現. 搭巴士返屯門途中, 我將阿嬋尼單野從頭到尾諗左4次先知佢條橋係點.
      其實佢第一日來唔係想租屋, 而係一早決定左買屋. 佢去地產度睇屋, 專揀D又租又賣的單位, 睇岩就話租. 同業主傾租約的過程中扮8掛探埋業主賣屋的底價, 覺得底價OK就簽租約. 租得成好自然就知點樣直接聯絡業主. 咁佢就只需要俾$800租屋的佣金, 就算過一兩日搵業主傾買屋由於價錢佢一早接受, 佢只減少少十個業主十個都成交. 咁佢就唔使俾$8000買屋地產佣金, 最少慳左$7200. 至於俾左的租屋按金同租金100%會系成交價度扣番. 由租客變買家亦都順理成章, 地產莫講話吳知道就算知道都無得追番D佣.
      佢唔單只咁, 佢仲要我執靚間屋先賣俾佢. 首先佢成搵D問題煩住我, 令我產生一次過執靚間屋以後唔使煩的諗法. 跟住等落雨天D污水潑濕D墻, 其實間屋根本無漏水. 但我以為漏水一定大攪, 由于自已係業主一定會攪靚間屋. 最毒就係仲要厄我幫埋佢搬屋. 之後讚到我飄飄然, 就即刻同我傾買屋. 博我唔記得使左的裝修費. 就算我好醒記得加番裝修費先賣, 佢都慳番跟裝修的時間同精神. 諗到尼度我真係佩服到佢五體投地. 我平時覺得佢癲癲得得, 估唔到佢的智慧高我咁多班.
      雖然尼D只係我猜測, 但之後我用過好多次尼條橋都超掂. 當然我無佢咁毒要人整靚間屋同屈人幫手搬屋, 但用來慳番D地產佣金簡直絕到無朋友, 咁多年起碼幫我慳20萬以上佣金. 學到野, 俾人搵笨都覺得超抵.
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p6

      返到屯門屋企, 我即刻部計數機出來計下, 睇下有無蝕或賺少左幾多. 個單位10萬買番來, 買屋的地產佣$8000, 買屋的律師費$5000, 裝修條數就犀利囉; 材料已經約$15000, 因為唐七樓關系運輸搬工又約$3000, 我老死肥仔人工$13000; 雖然佢話唔收人工, 但我覺得老友都要食飯, 無理由吳俾佢. 我自己人工$16000, 仲未計平時阿嬋叫我左執執右執執的人工, 俾左地產租出佣金$800, 成條大數已經$160800. 再加上1個月後賣出的律師費又$5000, 我成個單野的成本係$165800. 宜家賣得19萬, 利潤只得$24200咁大把, 同我預期的目標相差好遠.
       我計完數嬲到拍一聲掟爛左部計數機. 唉! 又多左百幾元計數機的成本要計埋落去. 我除左唔滿意賺得少外, 最慶就係知道左俾阿嬋當傻仔咁玩左兩個月. 當時我老豆老母俾我嚇到系房即刻彈出來問我咩事. 我就成件事講番俾佢地聽. 佢地就勸我話: 算啦人地食鹽多過你食米, 行橋多過你行路, 何況你都唔算俾佢搵笨, 起碼你都慳左$7200地產賣屋的佣又學到野, 仲有錢賺姐, 咁嬲做乜. 人就係咁, 當你認為可以賺到6萬時, 你只賺得2萬幾, 你反而會覺得蝕左3,4萬.
       第二日阿嬋打電話來問我用開邊間律師樓, 同律師收我幾多錢. 我第一時間心諗關你春事咩. 於是就話無帶律師咭片, 遲D覆佢. 其我根本就唔想覆. 我心諗最好你搵唔到律師幫你攪, 到時我就借D意殺訂, 等你捉蟲入屎忽, 到時我就哈哈哈出番啖氣.
      過左一陣我度諗, 以佢咁醒同咁有經驗, 無可能搵唔到律師, 佢咁問我一定有原因. 於事我就覆番電話俾佢, 問佢點解要知我搵邊個律師. 佢就話咁樣律師費會平D. 我就懶醒咁同佢講, 尼D樓搵到律師肯做都算好, 律師費邊有得平. 跟住佢就慢慢解釋我知. 原來律師幫人買屋時要做的主要工作係對下有無欠差餉地租, 同個單位有無欠管理費及業主立案法團的費用. 再CHEEK下政府有無D乜令物(例如僭建清拆令), 睇下屋契有無問題.
      頭兩樣打下電話下電腦已經查到; 但睇屋契呢就最小要睇幾日, 因為一份屋契最少都有成百頁, 每1頁都有可能有以往的每手業主留低的古怪條文. 以前曾經有座大就因為以前有位業主留低左限制高度, 令尼座樓重建時吳可以起高過20層. 但因為我買屋時個律師已經睇過, 而我有無加入限制條文佢亦清楚; 基本上我下一手買家搵佢幫手, 佢根本乜都吳使做就有律師費收, 所以會平D. 但要留意一樣野, 如樓價達到或超過200萬, 買賣雙方就唔可以用同一間律師樓.
     後來佢仲話我知, 賣屋的律師費應該會平過買屋最少1/3. 因為除非買家的律師CHEEK到有問題, 如果唔係賣屋時律師根本乜都唔使做, 凈係對下數同幫我收齊尾數就攪掂. 嘩! 我聽完先知我老豆果句[人地食鹽多過你食米, 行橋多過你行路]係點解. 我真係佩服到想認尼位阿嬋做契媽咁滯.
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p7

   快又好到左上律師樓果日. 我同妹妹約埋阿嬋一齊上去, 大家有傾有講都幾開心. 緊係啦, 因為我已經開始用佢條橋, 並且成功搵到個11萬的單位簽埋約. 阿嬋就仲系我面前扮到癲癲得得, 我同我妹就緊係扮唐唐(); 因為我想學周星星咁同D叻人做朋友. 如果我玩踢爆又硬膠又無意義.
      我記得我老成豆日掛系口邊的說話: [搵笨搵笨, 你吳笨阿水都吳搵你.] 亦即是話俾人搵笨吳係咩一回事, 做人大方D, 自已都開心D(我係吳係好阿Q尼? 又或者我真係好Q ). 跟住落去幾個月, 都係賣出又買入咁炒左兩三個分契單位, 大約賺左十靚萬. 因為過程無乜特別, D單位又係無乜大分別, 所以詳細已經唔記得. 凈係記得我炒完最後一個分契單位, 銀行戶口大約有35萬.
      我當時好大感觸, 辛辛苦苦做左十幾年, 蓄得12萬. 炒炒賣賣1年唔夠就賺廿幾萬, 真係覺得果十幾年好似白過咁. 好啦! 寫到尼度分契樓編就完了. 跟住落來就係我地好多香港人都有的共同記憶, 亦都係港人最慘痛的記憶, 03沙示唐樓編. 我就果一年賺到第一個100萬.(仲有洋樓編同轉戰大西北村屋編)
      我記得02年尾我最後賣出的分契樓係23萬. 但同時其它分契樓唔知係唔係因我的關系亦上到20萬左右. 當時好難搵到平盤, 就算搵到都要成16至17萬. 我自己分析過尼D分契樓, 20萬以下好多人會買, 而且仲買得起. 20萬以上就吳同, 因為會一次過俾20萬以上的人, 根本吳會買尼類單位. 佢地寧願20萬交首期, 買層企企理理的洋樓. 分契樓銀行又吳會借貸, 無得供,  所以我一早定左超過15萬就轉移目標, 炒有原整業權的唐樓.(後來証實我錯左, 因為尼D分契樓宜家竟然升到70至80萬, 連我都吳知有咩人會咁醒, 成80萬cash買D咁高質素的單位. 希望吳係同胞啦, 吳係又話我地D港燦厄佢地吳係阿燦.)
      又係本文大奸角地產婆佢帶我睇第1層唐樓開價50萬, 我記得果層係唐7樓, 單位入面就四四方方, 三房兩廳足600尺. 但D墻同門框都霉晒, 打一 拳都驚佢. 不過地產婆話層樓係舊D但就可以按. 我只需要廿靚萬做首期, 再將個單位開4個1房1廳百靚尺的細單位, 基本上同分契樓無分別, 每個單位可以租到$1700以上.
     嘩! 我1計數就以為和味過和味龍, 即刻又展開呀支呀左乒乓波的講價遊戲. (層樓凈放賣, 唔放租, 無得用阿嬋橋.) 結果成功打左個9折, 即係45萬. 我就又落1萬訂.
     系簽約時我發覺張約唔同左, 要上兩次律師樓, 於是問地產婆. 佢果陣時先解釋我知, 正常的買賣的程序係簽臨約時落訂, 訂金幾多唔緊要業主肯收就OK; 跟住約15日內就上律師樓, 律師CHEEK過契無問題就落夠成交價的1成訂金, 俗稱落大訂簽正式買賣合約. 有問題就問你接唔接受, 唔接受就幫你追番D臨時訂金. 落完大訂律師CHEEK過無問題, 就依臨約交吉日期成交俾尾數. 但過左大訂之後, 直到成交日期間, 所有風險都由買方負責; 包括層樓火燭, 甚至層樓左都要買.
     由於我之前買分契樓樓價低, 一兩萬已經過左大訂個數, 所以先係上1次律師樓. 佢老味, 香港仲有無地產法? 之前幾單D經紀可以收左大訂, 但咁重要野都唔講, 好彩無事遮. 如果真係火燭, 我真係一眼淚. 不過講到底都係自已實碌, 不過好彩夠付碌, 傻人有傻福.
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p8

    第二日我走左去屋企附近1間銀行. 我行埋客戶服務柜位, 同個女職員講想做樓宇按揭. 於是佢就請我入左一間房度, 等樓按部的職員來. 過左5分鐘左右, 就有一肥一瘦兩條粉腸入來. 大家巡例互相介紹下, 我就我D稅單同臨時買賣合約出來話想做按揭. 肥粉腸接過睇左一陣就放低, 話有D事行左出去, 叫瘦粉腸攪掂佢.
      瘦粉腸睇左一陣, 就話要10分鐘左右CHEEK下D資料. 咁我就話吳緊要橫掂我都想去去洗手間. 我去完洗手間, 開完大洗完手. 我行出洗手間就見到肥粉腸同個女職員系果間房過D細聲講大聲笑. 我聽到個女職員講: [唔係馬, 就咁臨約同稅單上來, 仲要簽約之前無來估價, 層樓仲係三十幾年唐樓, 邊個咁無常識同白痴真係要見下.] 肥粉腸就話: [呢未頭先你請佢入房果個囉.] 跟住佢就擰轉頭一指. 咁果時我推門返入房, 佢就指到我正一正. 當時我真係到想搵窿捐, 果條女仲笑到標眼淚.
     我即刻入去番D野, 臨走果陣佢地仲一字平排咁, 用忍住笑個樣同我講SORRY, 我就焗住面紅紅咁話吳緊要. 我當時真係武林第一高手(小李阿媽), 笑完我仲要整個咁SORRY形式我嘆.
      去完銀行, 嬲到爆炸, 即刻去深水搵地產婆發佢爛渣. 去到地產婆度, 我將頭先件事講左佢聽. 點知個8婆仲笑到GA GA聲, 我就系度慶過火爐. 佢笑完先講我知, 通常D樓過左30年銀行都唔受按. 如果要按, 只可以按財仔(財務公司). 面且所有樓宇按揭都可以系簽約前D資料去估價, 減少按揭公司吳批而道至買家損失的風險. 曲街, 你唔好拜山先講, 攪到我整單咁野.
       當日下午我走左去地產婆介紹的財務公司. 入去傾左兩個鐘, 得到的答案係可以按, 但只可以按5成, 要供5年, 年息成38厘, 每月要供$8422. 借佢22萬5千, 5年利息總共成28萬. 佢老母, 咁同借貴利有咩分別. 當年我月入都係得1萬鬆D, 月供8千幾, 唔食飯都供唔起. 咁情況寧願撻訂都唔借啦. 又俾地產婆點多鑊. 佢老母, 個8婆成誤導我, 尼次真係俾佢玩殘.
facebook fans http://www.facebook.com/anders.hon.3?ref=tn_tnmn#!/anders919
我的10年炒樓經驗, 從8萬炒到500萬p9

    第三日我捉左兩個老友出來. 想睇下佢地幫唔幫到我, 或者幫我度下計. 其中1個就係宜家寫系我簽名度個網站的站長hksummit. 尼個人一定要花D筆墨講下佢的經歷. 簡直勵志過電視劇.(順便幫佢賣下免費廣告). 佢讀書吳多, 中3未讀完就出左來做野搵食. 系92年至98年, 6年打工都總共搵過1000萬. 當年佢仲係20鬆D, 我系佢身邊黐飲黐食都黐唔少.
      98年年尾, 佢俾4大高手圍毆. 首先係亞洲第一高手聯同當時香港第一高手老懞董, 使出一招亞洲金融風暴X85000打到佢殘. 跟住澳門第一高手何老大使出一招葡京吸血, 打到佢變植物人, 最後銀行佬就下達銀河追殺令, 就咁收左佢皮. 跟住佢就嘗盡人間冷暖, 世態炎涼. 好在佢身邊仲有我尼個老友雪中送碳, 亦都好在佢無D碳去燒 (幾大都寫到我自己偉大D).
      龍潛13年, 系2011年捉緊1個機會番身, 宜家再次向千萬高峰挑戰. 各位如果可以到佢寫自己的經歷出來, 肯定仲爆過我. 各位年輕人真係要學下佢, 吳好成日話香港無機會. 佢吳入我POST 我都吳記得當年搵過佢籌錢. 佢當年真係話香港邊有600尺賣幾十萬樓, 仲叫我小心遇老千. 其實我當年搵佢都知佢當時咩環境, 但佢頭腦好醒, 我主要都係睇下佢有無計, 點知佢當我吹水.
      另外一個老友就係兜偉. 尼條友都係個經典人物. 我同佢由細一齊打交打到大. 佢D性格真係惡過老虎, 曾經有次(當時我地已經成年)我地兩丁友同人地5條麻甩佬打, 我打兩個佢打3個. 我俾人扑穿左個頭, 佢就追住人地來打, 仲要打贏果下先誇張. 個老友爆缸都吳理, 仲掛住追人兩條街來打, 如果佢生系三國演義年代, 我諗呂布加埋張飛都俾佢掃低.
      佢雖然好抽, 但人如其名, 過就有父蔭. 當年佢老豆醒左成300萬俾佢. 佢住300萬有正經生意唔做, 走去搵個古惑仔合作開鳳樓, 結果俾人洞左成40萬. 之後我就叫佢將D錢交晒俾佢老婆, 佢自己唔好理, 佢聽左我講, 攪到我捉晒虫.
      我記得當日我約左佢系佢屋企附近的餐廳見面. 我1開口問佢借30萬, 佢諗都唔諗就應承我, 跟住即刻返去問老婆錢. 我系餐廳度等左成個幾鐘都唔見佢返落來. 當時我系度諗由細玩到大, 唔借未講句囉, 唔使閃左去呀? 正想走時, 我見佢氣噓氣吋咁跑番來, 仲同我講佢打到佢老婆頭咁, 佢老婆都唔肯錢出來. 嘩, 咁野都做得出? 我即刻買左個果籃, 捉埋條曲街上去同阿嫂道歉認錯跪痰罐. 你話我係唔係捉虫捉到蝕埋個果籃.
      幾年後我發現自同兜偉借錢過程中犯左3大錯誤:第1.我唔應該凈係同佢講, 應該約佢兩公婆一齊講, 因為我明知D錢系佢老婆度. 第2.我吳應該約系餐廳講, 應該約佢地去我想買單位度講, 咁佢老婆先有信心. 第3.我根本吳應該搵佢地借, 應該搵佢地夾份買, 賺到就兩分, 益下D兄弟都好. 好似我咁, 乜都無俾人睇到就開口借幾十萬, 阿水借俾你咩? 就算好似兜偉咁雷, 結果都係過到佢果關都過吳到佢D女人果關.
facebook fans http://www.facebook.com/anders.hon.3?ref=tn_tnmn#!/anders919
各位如對我的故事還有興趣 , 請到我 facebook fans專頁繼續追看 , 或到大眾書局幫趁買本書 .

仲有就係回應下 , 幫下手推貼 , 多謝 !

http://www.facebook.com/anders.hon.3?ref=tn_tnmn#!/anders919
facebook fans http://www.facebook.com/anders.hon.3?ref=tn_tnmn#!/anders919