馬丁大讚甘威葉太

馬丁大讚甘威葉太

【明報專訊】無再做[url=]立法會
[/url]議員嘅[url=]民主黨
[/url][url=]李柱銘
[/url],噚日接受[url=]商台
[/url]節目《左右大局》訪問時,大讚黨友甘乃威同獨立嘅[url=]葉劉淑儀
[/url]喺立法會內嘅表現。政圈早前有傳聞指馬丁唔多歡喜甘威,但佢就話,甘威已經替代咗佢,並即時補飛話﹕「仲有[url=]楊森
[/url]。」果然唔想畀甘威威到盡。

馬丁又話,甘威喺雷曼迷債一事中,表現的確幾好,葉太則表現出有思考、有立場,反而認為立法會現時勢力太多,頭痛嘅應該係政府,要數票都好難。馬丁寄語一眾議員,千祈唔好畀政府覺得唔理你都得,要畀政府覺得好似追女仔咁,要「hard to get」(難以得手)。

講到社民連同[url=]公民黨
[/url]嘅恩怨,馬丁話,選舉時個個都想贏,所以爭拗好難避免,加上兩黨都係競逐[url=]民主派
[/url]嘅票,社民連[url=]黃毓民
[/url]喺選戰中,不斷揸住公民黨[url=]湯家驊
[/url]叫馬丁返去法律界功能組別出選一事攻擊公民黨,馬丁認為係「煲大咗」﹕「佢(湯家驊)都係受人所託啫,問吓(我)有咩所謂呢?因為[url=]吳靄儀
[/url]唔選法律界,真係好大件事。」

佢又指,公民黨太君子,應該「砌番」社民連,例如社民連入到議會,都係要同班功能組別嘅議員合作,係五十步笑百步。對於毓民喺立法會內掟蕉,馬丁話不可過分苛責毓民,因為係政府逼人太甚,議員「自然反抗」,而且掟完蕉後,生果金又真係增加到1000蚊。民主黨與政府關係2008年算係唔錯,佢就認為政府想統戰,叮囑民主黨議員政府想「拉一派,打一派」,打散[url=]泛民主派
[/url]。