「真愛」方程式

「真愛」方程式


一套《談情就案》令 Yahoo!熱門搜尋出現了「苯氨基丙酸」,似乎大家都已經忘記晒之前話呢套劇抄《神探伽利略》、又話林峯唔夠福山雅治靚仔等等嘅負面批評,香港人始終都係善忘嘅。

入返正題,咁究竟「愛情」係咪真係一種化學作用?原來有科學家發表過研究報告指出,「愛情是一種藥物成分。它是血液裡面多巴胺、苯氨基丙酸和催產素等三種化學成份的混合物,會讓人產生所謂『迷戀』的感覺,而『愛情』事實上是一種由化學成分所引起的瘋狂舉動。」唔怪得知到今時今日都仲有人刀仔拮大脾啦。

如果再將感情理論化嘅話,咁我諗以前啲人話「真愛」=「了解」+「包容」+「忍耐」都應該無錯。去愛一個人首先要「了解」佢,呢樣個個都知,唔想講太多。但原來「包容」同「忍耐」都係同以上講嘅「愛情化學作用」有關。
包容:
原來相愛嘅戀人係每次睇到或思念對方時,在腦中的報酬系統會充滿感覺舒服的化學物質,但在大腦的另一個部分,用來作批判思考的區域則會關閉,這會使我們把所愛的人看成是世上最完美的男人或女人,甚至願意為對方做任何事。

忍耐:
聽起來似乎很有趣,但這種大腦裡的化學作用,通常只能維持2至3年。因為時間長了人體便會對這化學作用產生抗體,雙方就不會再有心跳及冒汗的情況。此時神經細胞只有受到新異刺激時才會興奮,新鮮感不再,腦部的神經細胞也就難以再興奮起 來,浪漫、強烈吸引和如置身雲端的愛的感覺便消失了。

照咁睇嚟,愛情唔再係無得解釋,「情人眼裡出西施」亦有根有據。所以唔好再話人花心啦,佢地只係對化學作用產生抗體。歸根究底, 愛情都只係一個化學作用而已。
good point
雖然好易感覺到愛情來到,但是又有幾多對戀人雙方都能感覺到愛情化學作用??
雙方感覺到了,又會否能夠接受這種令人心跳的愛情??
我想問下,點解我同拒5年,都有心跳加快呼吸唔正常的情況?

特別系分開一段時間,即使系一日
總括一句,愛情不可信,亦不長久!肯負責任既人所餘無幾,人還是愛自已比較多!
cc