香港廣東話俚語、俗語:典故由來知多少?

廣東俗話 -- 球場篇:

[醫院波]  來自Yield, 指交波唔到隊友腳邊, 追又唔係, 唔追又唔係.

[做山大王]  五六十年代, 球迷唔想使錢入場波, 就爬上大球場上邊山坡免費睇波.

[一腳射去天后廟]  天后廟在大球場東面, 而两邊龍門在南北面, 比喻射波冇準.

[撞牆波]  接到隊友交波, 不作盤扭, 第一時間將波撞回去走位的隊友.
共產主義是人類歷史最失敗的實驗
廣東俗話 -- 馬場篇:

[遊馬河]  來自[遊車河], 喻騎者無心爭勝, 求其騎完了事.

[叮噹馬頭]  两隻馬終點衝線時極為接近, 勝負往往決定於有如掛鐘擺動, 叮一下, 噹一下, 看那隻馬的馬頭上落之間先觸到終點線為勝.

[食全餐]  投注策略, 一膽或多膽, 串射齊所有出場馬匹.

[鐵三角]  投注策略, 三隻馬互串買齊三注連贏位.
共產主義是人類歷史最失敗的實驗
「賓虛咁嘅塲面」
呢句香港俚語,相信有成三十年,應該全球翻譯都唔会曲解卦,
廣東俗話 -- 歡場篇:

[金魚]  可以睇, 唔可以食.  齋坐枱, 唔會跟客去馬的女.

[木魚]  好似唸經的木魚, 可以俾客卜得的女.

[即食麵]  只要加水就可以食得的女.

[放飛機]  客人買咗出街鐘後, 小姐借頭借路鬆人, 唔肯跟客去馬.
共產主義是人類歷史最失敗的實驗
樓主有心思,彙集了這些有趣的香港俚語.  多謝分享
請問有冇CHING知道 ”麻甩佬” 點嚟?
廣東俗話 -- 校園篇:

[出貓]  考試時, 好似貓咁四圍眼碌碌偷睇其他同學的答案.

[貓紙]  帶入試場偷睇的答案提示.

[開夜車]  為了趕功課或應付考試, 要深宵好似夜晚開車咁捱眼瞓溫書.

[水過鴨背]  喻將以前學過的忘記得一乾二淨.
共產主義是人類歷史最失敗的實驗
波蘿雞.........靠黐
年晚煎堆......人有我有
壽星公吊頸....嫌命長
新界有些圍村,結婚被稱為“開廚門”,不知與“開鑊”有無關係?
何倫炒粉=源自當年灣仔一間餐廳,鄰近嘅修頓球場球員經常幫襯,後來引伸作打籃球不入籃的動作,指冇嗰樣整嗰樣之意思。
哈里波特 發表於 1-10-2010 12:04
初看"何倫炒粉"以為未聽過..............我所聽過的版本是"疴撚炒粉"。
然而幾個人既然起來,你不能說絕沒有破壞這鐵屋的希望。