香港廣東話俚語、俗語:典故由來知多少?

收風
= 收消息




例:"收吓風", "收唔收到風?"

面向陽光  陰影就在背後  -周兆祥

咬佢食 = 能拿他怎樣

例:"你咬佢食呀!" = 你能拿他怎樣 !  
面向陽光  陰影就在背後  -周兆祥
焗死狗 = 沒有辦法(冇符)
面向陽光  陰影就在背後  -周兆祥
捉黃腳雞 = 桃色敲詐

這個俗語是出自廣東的農村,當地農民專養母雞而少養公雞,因為母雞可以生雞蛋,農民可以拿去賣。但祭祀時卻需要公雞,而捕捉公雞的方法,就是農民先把穀子撒在門外,群雞就會跑來啄食(粵語把雞走動的動作稱為「雞咁腳」),當母雞在啄食時,公雞就「色心起」,懶得去吃穀子,撲上母雞身上交配,這是正是捕捉公雞最好的時候,公雞交配時疏於防範,農民抓住雞腳就行。因為公雞的雙腳呈深蛋黃色,而母雞的腳淺黃色,很容易辨認。後來就把以女性勾搭男性進行性行為然後勒索稱為「捉黃腳雞」。

[轉錄維基百科:桃色敲詐]

想當年,只得當年想;望明天,方有明天望。
[澳門朋友]  Macau Friend , 麻鳩煩也.

[晒冷]  '冷' 潮州話叫人做 '冷'. 晒冷, 即解作叫齊人馬, 顯示實力.

[Delay no more] 諧音自明, 創作人: 揮手卿.

[少理老懵] 諧音自明, 創作人: 毓民.

共產主義是人類歷史最失敗的實驗
搞屎棍 = 搗亂,搞衰嘢

以前農民種菜用天然肥,即係人畜糞便。施肥前先將糞便加水,用棍搞勻。條搞屎棍又髒又臭,除咗用嚟搞屎唔可以用嚟搞其他嘢。搞屎棍即係只搞衰嘢唔搞好嘢啲人喇。

跟紅頂白 = 跟大隊

天九牌大多數用黑膠做,牌上頭尾刻有骰仔點數,一點、四點係紅色,其他點數係白色。天九牌有“斜釘”玩法,亦即是跟龍。上家出紅點四,你就要跟一隻有紅四嘅牌;你隻牌另外一頭有隻白三,下家就要跟隻白三,餘此類推。跟紅頂白就係跟隨人家,有邊樣做邊樣。

坐定粒六 = 穩操勝卷

賭錢有爻骰仔,擲出三粒骰,最大係圍骰即三粒相同,其次係456,最細123。兩粒相同只計單獨嗰粒。如果擲出六點,幾乎贏梗。所以坐定粒六就係勝算甚高咁講。

箍煲 = 修補男女關係

五六十年前有一門手藝,專上門幫人家修補家居廚房器皿。以前的飯煲、湯煲一般用瓦造,好容易破裂。買番新煲十分昻貴,所以搵人修補。啲技工用粘土將碎片粘起,然後用鐵皮箍緊。修補後啲煲十分耐用。有啲人索性新煲都先箍後用。後來,箍煲套用到修補男女關係,使到破鏡重圓咁解。

補鑊 = 彌補工作疏忽

呢句同上面嗰句好有關連。當時又有班專門修理鐵器嘅工人,磨較剪、鏟刀、補鑊。當時啲鑊用生鐵造,容易跌爛。如果只係一個細窿而塊碎片仍然完整,佢就有辦法焊回,隻鑊可以繼續用。日久,呢句話就用嚟解作彌補工作上小錯處咁解。

想當年,只得當年想;望明天,方有明天望。
飲糖水 = 幽會、偷情

八十年代起,九龍塘有好多時鐘酒店供有情男女相聚。好多男女一係揸車,一係約埋喺第八站(地鐵觀塘線,九龍塘站兩邊數嚟都係第八站)見面然後雙雙到附近嘅時鐘酒店闢室尋歡。九龍塘,塘糖同音,食完晚飯咪去飲糖水囖。

解畫 = 解釋

戰前好多電影都係默片,戰後仍然有三兩間播默片嘅戲院,油麻地榕樹頭廣智戲院係其中一間,六十年代先至全面播七日鮮粵語長片。默片西片又冇對話,又冇人識睇字幕,戲院要招徠顧客,只有請個伙計一邊放電影,一邊講述劇情。呢個伙計啲人叫解畫佬。於是,解畫即是解釋咁解喇。

照肺 = 接受斥責訓話

警隊裡面啲低級警員做錯嘢俾長官斥責,要立正,忍氣吞聲,呢個動作就好似去照X光時,X光師擺好底片叫你企定唔好唞氣一樣。受斥責就等於照肺啦。

想當年,只得當年想;望明天,方有明天望。
出貓 = 作弊

考試作弊最普通係瞄隔離同學張卷,或索性瞄膝頭上嗰本書。“瞄”貓聲也。出貓,瞄卷、瞄書也。

講耶穌 = 長篇大論、滿口道理,喋喋不休

呢句都唔使嚸解。傳教士傳教講道理,耶穌乜、耶穌物。唔該唔好講耶穌喇。

塘邊鶴 = 等機會嘅旁觀者

鶴食青蛙、食魚。鶴腳長,行埋水塘邊,習慣耐心咁等啲魚游埋嚟然後一口啄食。喺賭場有啲賭徒企啲賭枱邊又唔坐低,久不久認為有機會就賭一口。呢個表現就好似啲鶴一樣。依家塘邊鶴都解作旁觀者,不一定係等機會嘅。

點紅點錄 = 胡說八道、亂講

六十年代香港開始喺十字路口安裝交通燈。交通燈一時紅、一時綠,任何時間唔知佢係乜嘢色。啲人欏嚟做口頭禪,點紅點錄即係話胡說八道,亂講。

想當年,只得當年想;望明天,方有明天望。
本帖最後由 deusnonest 於 1-10-2010 13:09 編輯

吹雞 = 吹警笛,檢舉

以前每個警察佩戴一支警笛,銅製鍍鎳(銀色),吹起來發出雙音調; 一般人叫銀雞。街上遇見歹徒差人吹起銀雞,使旁人警覺。吹銀雞簡化為吹雞。依家吹雞更有檢舉嘅意思。

唔聽你支笛 = 不與理會,話知你

上面講過銀雞,即係警笛。警笛響起個犯人要停步。賊人睬你都儍,一於唔聽你支笛咯。

入閘 = 有份參加

幾隻馬參加比賽,未賽跑必要先進入起步閘門內。入咗閘就有得跑,唔入閘就冇行。依家入閘就解作選中,入圍咁解。

想當年,只得當年想;望明天,方有明天望。
何倫炒粉=源自當年灣仔一間餐廳,鄰近嘅修頓球場球員經常幫襯,後來引伸作打籃球不入籃的動作,指冇嗰樣整嗰樣之意思。
哈里波特旗幟鮮明地踢爆香港不平事