呢度講下辦公室政治得唔得?

本帖最後由 SCNG71 於 12-6-2011 15:58 編輯

我之前都遇到過辦公室政治, 事情發生在好耐以前, 現在已經事過境遷人面全非唔怕講...

咁話說我地老細同公司文化本來鐘意D伙記只要做好自己工作同埋做好時間管理, 公司文化基層員工閂埋門做少少私人野或hea一hea 係唔會有人會深究, 例如有人會睇下電腦, 有人會種吓花, 有人會砌吓模型, 有人會睇下書食吓零食, 鬆一鬆, 原本冇人會多事, 反而同事間對扮做野同埋遲收工o既文化深惡痛絕

點知黎左個管家婆型的同事, 鐘意做門面野, 開頭都覺得佢OKo既, 點知後黎發現佢鐘意理人閒事同講是講非, 自己扮做野仲要手下d 伙記賠佢一齊扮做野, 唔受呢套就講人是非, 不時會傳出某某返工冇精神呀, 某某做野揹鍋衰左要管家婆出手補飛呀之類的事非, 其實都係一d 好小o既事, 搞搞吓居然越黎越多呢類是非, 仲要傳到連公司d 客戶都知, 有時黎譜到連secu都知, 高層發覺唔妥喎, 點解公司內部咁撚多事o既呢...

一查, 發現屌佢原來咁樣黎響外人面前作賤自己d伙記, 佢自己就扮好員工, 成個團隊專業形象就比呢條是非精敗壞曬, 高層覺得管家婆有d 走火入魔了, 佢一黎左公司d 伙記就個個變得越黎越唔好, 個招牌都唔洗要啦, 一了解原來佢除左講是非, 仲鐘意搵d小事黎做大龍鳳, 好鐘意搞人, 搞到個個做野都唔開心, 好彩老細心水清, 當發覺管家婆連d 老伙記都搞, 於是公司唯有將呢位全公司最做得野o既員工搵其他小理由請走, 佢走左反而大家又變回像以前一樣馬照跑, 舞照跳, 氣氛融洽左反而團隊做野的積效卻回來了, 可見辦公室政治有時唔係唔搞, 但係搞得過火就會成為麻煩的最大根源....

勸喻大家做事唔好你整我我整你, 講人是非或慣性地將是非當人情而忘記了本業, 無咩用, 偏偏職場永遠充斥著管家婆呢一類人, 若credit 唔足以移動對方, 就要自己執生諗定後路了, 但即使現實黑暗, 我還是主張人應該要保持純真, 堅持相信"人人為我, 我為人人", "與人方便, 自己方便" 等做人的信念的