陶傑唔俾譚博士講嘢??

但系譚博士受啊,甘你樓主又真系吹巨唔漲。譚博士系節目講過好佩服陶傑,而且我一直都系譚博士同陶傑嘅FANS,聽開巨地節目都好耐時間。我可以講,譚博士會BUY陶傑MORE THAN毓民。因為有時候聽譚博士嘅節目,我覺得譚博士同陶傑有一樣觀點好一致,大家都覺得“中國人好丑陋”。

我都系因為覺得中國人好丑陋,所以我BUY陶傑&巨D觀點。
最喜愛的主持人:陶傑、譚志強、蕭若元、梁錦祥、長毛、傑斯仔
陶傑小氣才子
原帖由 仁仁係人 於 1-8-2008 18:40 發表
有朋友報料話, 譚博士上親商台 '光明頂' 節目, 陶傑都成日插咀, 唔俾譚博士講嘢.

我就好耐冇聽 '光明頂' 喇, 先前聽開, 我知道那些與陶傑同一思維, 唔會駁陶傑咀的主持人 (例如鮑偉聰), 陶傑就會俾佢講嘢; 好似譚博 ...
1. 《光明頂》情況就如《風波裏的茶杯》鄭大
班搭林旭華,主次快慢皆有序。陶傑也曾於節
目中回應,如果講禮讓,不插咀,就會變了
《講東講西》那種氣氛,變得不好聽。

2. 鮑偉聰有時提出的意見跟陶傑截然相反,而
陶傑會即場轉陣妥協。「與陶傑同一思維」的
歸類似乎不盡不實。

3. 《光明頂》芸芸主持中,陶傑以外,譚博士
的SOLO能力最強,AIR TIME也最多。陶傑就
像梁台長一樣,負責控制節目流程,像去廣告、
去新聞、報天氣等,插咀、打斷、小總結有時
是必須的。
陶才子唔插嘴, 便會俾譚博士比下去......譚博士把聲咁搶.

愚見

個人覺得,人網真係越嚟有一言堂既味道.

唔想再扯去毓民同佢一班前擁躉同合作伙伴(早期包括黃X澤,王岸然,同埋一班長期死忠過佢既聽眾同擁躉,後期有勞永樂)既無謂既爭端入便.但係大家都知以前人民台點解會解體,好大程度都係因為當時以台長王岸然為首既一班人擔心人民台慢慢會變為後來成立既社民連既喉舌.雖然我個人好多時都唔太明白王先生幾奇怪既見解,但佢呢個擔心,我就好明白,但就覺得無可厚非,只要人網能夠保持住過往既言論空間,呢啲擔心都係多餘.

但係我發覺自從社民連成立,毓民喺呢度開咪之後,我就發覺唔單止部份社民連主持會以社民連立場講嘢,連好多網友同聽眾都唔理三七二十一就當咗佢地講既嘢都係第一手資料,係事實同埋真理.我當然唔懷疑主持人講既嘢有誤導成份,但係各人處境唔同,睇同諗既嘢有偏差好正常.冇理由諗都唔諗就照單全收.

我同好多早期人民台聽眾一樣,都係見到光明頂討論區post咗人民台網址先識走上嚟,跟住冇耐就除咗晚晚聽陶傑光明頂之外,仲定時聽蕭生風蕭蕭,到後來更加對譚博士節目上埋引! 其實大家根本冇衝突,就算偶然聽到部份主持批評陶傑,都覺得好正常,因為除咗有酸葡萄心理之外,主要仲係各人都會有唔同既見解.但我每次聽完人民台鬧完陶傑之後,都會連續幾晚留意住陶傑會唔會有咩反應.不過我個人都幾佩服陶傑既能耐同修養,就算抵唔住頸偶然回應,都恰如其份,同人民台鬧佢既激烈言詞相距何止十倍百倍.所以我到而家都好心痛,大家同係廣播兼文化界,又係泛民一份子,點解唔同心協力為民主出力?

至於講到光明頂呢個電台節目,正如上面網友都講過,主持都有角色輕重之份,陶傑好拜服驃叔當年講馬既風格,而佢參考過大班同毓民既主持風格都唔出奇,主持人點夾只有當事人先知,我地作為聽眾唔知頭唔知路,根本好難估到佢地點去分工.呢度好多時都批評陶傑為人,連帶話埋佢對譚博士唔好,但係聽開人網既聽眾個個都聽得出,譚博士根本上都係衷心欣賞陶傑.點解陶傑咁窒譚博士,譚博士都咁欣賞陶傑呢?當然實有啲嘢係我地唔知.

早幾日毓民喺佢節目讀倪震讚佢既一篇捧場文場,又講倪震以前點幫佢喺癲狗起標題,再扯到佢同倪匡係多年老友;另外都提到佢喺書展捱義氣幫次文化既彭志銘賣書.毓民係一個仗義既硬骨頭,大家當然唔會懷疑佢講既嘢,但係喺幾年前,倪震都喺佢節目絶情谷度大讚過陶傑,而老豆倪匡同黃霑除咗拜服老一輩既金庸之外,新一輩既就只係陶傑一個,所以霑叔一死,倪震都將陶傑既悼念文字收入霑叔既紀念特刋,成為唯一既悼文.至於彭志銘,光明頂既聽眾都知,彭志銘一向都好尊重陶傑,而陶傑亦都對彭志銘不薄,而記憶之中,我都見過陶傑幫彭志銘賣書,只係陶傑好似冇喺佢節目度講過.

我之所以講咁多,都係想大家喺睇嘢時唔寬裕一啲,唔好咁偏聽.喺我嚟講,得閒能夠聽吓陶傑既見解,同埋蕭生既博識,就覺得係一生樂事,好滿足.
更正:

上文末段有錯漏,應為

我之所以講咁多,都係想大家喺睇嘢時寬容一啲,唔好咁偏聽.喺我嚟講,得閒能夠聽吓陶傑既見解,同埋蕭生既博識,就覺得係人生樂事,好滿足.
楼上,辛苦晒写甘多字!态度又好。至于有几多人见到,有几多人听入心,AT LEAST,有我!
最喜愛的主持人:陶傑、譚志強、蕭若元、梁錦祥、長毛、傑斯仔
原帖由 aswda 於 2-8-2008 12:17 發表
相信就算係,譚博士很佩服他,譚博士在MyRadio節目大讚陶傑的學識,真想問譚博士,如果蕭生同陶傑兩位才子比,,誰勝一籌?


我老豆今年81歲, 中國歷史同文學都好勁, 佢聽過蕭生同陶傑講中國歷史同中國文學好多次, 佢同我講 " 蕭若元既功力極之深厚,陶傑同佢比中國歷史同中國文學差幾班" 。
我有一次聽陶傑電視, 佢講慈禧80幾歲命, 其實慈禧得73歲命.....

不過,陶傑係蕃書仔出身, 可能佢D西洋文學勁過蕭生都唔奇, 不過我相信佢既中史同中国古文一定冇蕭生勁。
文無第一,武無第二。武有得比,上檑台十個回合後,邊個仲企起身就第一。文就好難,咁多瓣,點先算第一?莫非好似唐柏虎點秋香入面咁,鬥”對對”?
原帖由 MM622 於 6-8-2008 00:14 發表


我老豆今年81歲, 中國歷史同文學都好勁, 佢聽過蕭生同陶傑講中國歷史同中國文學好多次, 佢同我講 " 蕭若元既功力極之深厚,陶傑同佢比中國歷史同中國文學差幾班" 。
我有一次聽陶傑電視, 佢講慈禧80幾歲命, 其實慈 ...
我上面都講過,我同樣鍾意聽陶傑同蕭生主持節目,而佢地基本係用兩種唔同既風格主持節目,各擅勝場.
我上文主要論點係叫大家胸襟要寬大一啲,唔好咁偏聽.

至於話" 蕭若元既功力極之深厚,陶傑同佢比中國歷史同中國文學差幾班" 呢個講法,雖然唔係我要討論既話題,但我個人覺得幾有趣,都想順便講一下:

其實比較兩個人邊個叻,可以有各種唔同方法,但主要都係比較記憶同理解兩種能力高與低.比較在學既學生,可以以學校學科比,比較專業人士,可以以所屬專業去比,再細分一啲,眼科醫生比眼科,山水畫家比山水畫,牛頭絶不能同馬咀比.

另外,歷史上亦都記載過好多記憶力超勁既人,佢地可以記哂主要既歷史典籍同詩詞歌賦,但到最後只係留低一個記憶奇人名號,而喺歷史功績上面完全交白卷,亦都冇喺任何文學創作上有咩成就.好明顯,呢個情況就係記憶力超凡,理解力欠奉引致既結果.

無可否認,喺正常情況下,大部份聽眾都唔會反對,蕭生對中國歷史同中國文學既認識應該比陶傑深.但單憑咁而認定蕭生喺呢兩方面都比陶傑超班,甚至進一歩咁推斷蕭生整體學識比陶傑高,應該取陶傑才子身份而代之,就未免失諸偏頗.一來我地根本冇出過題目去考佢地,只係靠睇佢地平時喺媒介既發揮,二來只集中睇佢地既記憶力而忽略佢地既理解力,呢種填鴨考試考大專生還可以,但考香港兩大才子,就真係略嫌侮辱咗佢地兩位.亦只有香港呢個畸形社會先會出現呢種咁畸形既價值觀,正如陶傑所講,呢啲係小農社會DNA喺香港既延伸.

其實我做咗陶傑擁躉將快三十年,由1979年佢喺文藝界嶄露頭角開始,直到今日.
我記得係當日同時間睇咗佢既一篇散文同一首新詩,結果都同樣咁震撼,散文名己經忘記,但新詩既名就記得叫揮春之二,係描寫一個靠寫揮春既為生既阿伯喺晚年景象,出手固然不凡,仲賺咗我既熱淚.由當年開始,佢己經係香港文藝界既小才子.
陶傑之所以突然成為香港第一才子,大概係喺佢93 年左近由英國返嚟香港三幾年之間,佢當時喺明報寫專欄.佢寫既黃金冒險號,篇都落足心機,幾乎都可以列入寫作範文咁滯,廣受當時大專院校講師學者推崇,而佢既黃金冒險號散文系列就打破文學唔賣錢既慣例,不斷係咁出,熱賣到而家.我仲記得佢喺老董落台之前幾年寫過一篇叫董建華落台既文章,嚇到港府要即刻派林煥光去安撫佢,可見當時陶才子既影響力.雖然佢後來過檔苹果,開始寫行貨,又做咗節目主持賣聲,廉價好多,但佢寫既專欄基本上仲係全港最多中產以知識份子睇既專欄,所以講到中國文學,係咪真係可以單靠熟讀古典詩詞而撇開文學創作不論呢?

好似又越講越長篇,唔好意思!