[戴子珽 (命理)] MSN地產 - 戴子珽:玄來行衰運 (中)

[戴子珽 (命理)] MSN地產 - 戴子珽:玄來行衰運 (中)

戴子珽小檔案
  • Whoms.Net x MSN家居風水專欄作家
  • 1997──參選港姐,同年巧遇高人傳授秘傳之風水命理獨本『敦煌龍門』
  • 1999至2003──曾出任化妝品牌公關,並開始以業餘形式會客
  • 2003──於印度喜馬拉雅山閉關修行達一年
  • 2004起──以全職形式從事風水命理事業


話說神婆一聽到「霉生」的”奇異”經歷,唔使一柱香時間就去到佢屋企睇下乜嘢環境啦﹗

神婆:「嘩!阿霉生,呢度就係你屋企呀?」

霉生:「係呀!師傅,呢度好筍架。同區同尺數要成300幾萬,而我呢度就只是二百幾咋!平咗成大截呀!」

神婆:「霉生,你賣呢度之前有冇搵人幫你睇過風水先?」

霉生:「冇呀!諗住層樓咁鬼平,我唔要大把人搶住要啦!所以pat pat都未坐暖就落訂啦!」

神婆:「霉生,你真係”霉”人買”霉”屋呀,呢度啲風水認真唔掂!你知唔知上手業主係點架?」

霉生:「唔係咁大獲呀麻?話時話,上手業主都係住唔夠1年就賣啦!師傅呀﹗妳真係要救一救我呀!」

神婆:「好啦!見你霉成咁,我盡力而為啦!首先,我要話返俾你知你間屋有乜唔妥先。」

霉生:「好呀師傅!妳真係我再生父母呀!」

神婆:「首先你間屋的外圍環境認真麻麻,出面唔係掘緊地,起緊樓,就係俾對面啲樓擋住晒!對面樓啲尖角重成枝頂心”參”咁。」

霉生:「你唔講我又唔覺,講咗好似又係喎!唔怪得知搬咗入嚟之後成日都見唔舒服,個人重黑上加黑添啦!」

神婆:「你間屋黑黑沉沉,仲用咗啲咁”騎呢”的顏色油牆,空氣又唔流通。」

霉生:「我諗住開窗大塵吖麻,咪關咗佢囉!牆身的顏色是老婆好鍾意嘅,咪就下佢囉!」

神婆:「你知唔知顏色唔係你like就得架啦!好似你間屋,油晒深紫色,紫色屬火。你知唔知你自己屬性係乜架?」

霉生:「之前都搵過下啲師傅批命,佢話我五行屬金囉!」

神婆:「霉生,火剋金喎!你邊有運行呢?出面又有動土煞,唔係好嘢嚟個喎!關晒啲窗,正正係叫做有好嘅氣都唔入你屋啦!而且其中一個仲係財氣所入的地方添!個廚房爐頭又放咗係病位,想唔病就有鬼囉!」

霉生:「下!點算呀師傅,我係唔係要即刻搬呀?而家我又冇嘢撈!冇辦法喎!師傅,妳真係要救救我呀!我嘅幸福真係靠妳啦!」

神婆:「霉生,你又唔使太悲觀嘅!唔使即刻搬住!等我幫妳度一度,趨吉避凶,減一減啲衰嘢先啦!搬屋嘅嘢!好景啲再諗。」

霉生:「師傅,我真係好感動呀!麻煩妳啦!」

神婆:「好好,咁我依家嚟囉喎……………………」

究竟神婆會用乜野方法幫霉生起死回生呢?且看下回分解!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!