譚博士至愛《銀河英雄傳說》

原帖由 仁仁係人 於 12-12-2008 18:18 發表
因為要推介這本小說, 要寫好多嘢, 今天沒有時間, 改天再寫. 但想先提出楊威利所講過的其中一句說話, 給大家討論吓, 大意是:

''一個極權但清廉而且有能力的政權, 是否比一個民主但腐敗又冇效率的政權更好呢?''

註:  ...
我估個答案是短期可能會, 但長期來說, 我諗會是後者佔優。
因為權力會使人腐敗, 極端的權力使人極端腐敗, 雖然極權政府第一任的人可能還能以廉潔自處, 但後來者呢? 誰能約制後來的人?
亞扁便是一個民主但腐敗又冇效率的政權的好例子, 但他所能做的最壞事情是貪污數億, 而毛澤東卻可以送幾千萬人下地獄。

回復 9# 的帖子

我覺得銀英傳唔可以話唔好睇,要睇返係咩階段/年紀,其實我係中學時,無意中睇到亞視播動畫,睇咗其中一集....頂,搞咩卡通片咁複雜嘅?但係當時都無即時追,而係過咗一段時間,喺商務印見到有20集版本,咁咪買吓睇吓.....

但係銀英傳正如喪波講:樣板化。而且講真,當年我睇的時候,對西方歷史真係咩都唔知,我係理科的,西史只係讀過中三一年,仲要50幾分,已經全班排20名之前,可見我地對西史的「熱愛」。年紀大啲,就覺得銀英傳的價值慢慢下降。點講哩?其中一樣,關於人物描寫方面,比較重覆。印象中,好似講親萊因哈特,十次有九次用獅子/金髮,講楊威利,就一定係飲緊紅茶加酒/用手撥亂髮.....萊因哈特要成就霸權的「理由」亦好鬼漫畫,為咗家姐。

可能都係受中國/三國演義影響,當時一路睇就已經唔多順超。喂,你要成大事你總要有個「弔民伐罪」「為萬世開太平」「撥亂反正」之類堂而皇之,並且自己亦真心相信嘅理由先得個喎.....為條女? 為家姐你挾咗佢走咪得囉...搞咩要死咁多人先得ka....吓吓死成百萬人喎.....

不過有一樣係睇咗銀英傳先開始唸:專制係咪真係有其優點?

但係心入面,我始終覺得萊因哈特係奸嘅,我打親機都唔會用佢.....
''一個極權但清廉而且有能力的政權, 是否比一個民主但腐敗又冇效率的政權更好呢?''

"一個極權但清廉而且有能力的政權",暫時有咩政權做例子哩?新加坡?

"一個民主但腐敗又冇效率的政權",菲律賓?

如果要二擇其一,咁作為無世襲/特權背景的我,會選新加坡,起碼生活水平高啲先。

但係如果要我揀大陸同菲律賓,咁我可能會揀菲律賓。

回復 9# 的帖子

係 楊威利 的眼中 是否定了這個問題的

因為侵害人民的權利只在人民 身 。 換句話說 , 當人民把政權交付給 魯 道 夫(一個腐敗又冇效率的總統)  時 , 或者更微不足道的 特 留 尼 希 特 這類人時 , 責人確實是在人民本身 。

他 們 責 無 旁 貸 。 而 最 重 要 的 就 在 這 一 點 。 所 謂 專 制 政 治 之 惡 就 是 人 民 把 政 治 的 害 處 歸 結 餘 他 人 的 身 上 。 和 這 種 罪 惡 比 起 來 。 1 0 0 個 名 君 的 善 政 之 功 就 顯 得 渺 小 多 了 。 更 何 況 ,一個 聰 明 的 君 主係 很 少 見 的 。 所 以 功 過 就 很 明 顯 了 。
我覺得 銀英傳的 魅力 在於作者 敢於 殺死主角
由 吉爾菲艾斯 到 楊威利 再到  羅嚴塔爾, 奧貝斯坦 及最後的主角 萊因哈特
田中大神將 一個個 主要的人物, 用唔同的方法一一殺死.
我覺得銀英傳對啟發年青人對政治的興趣的能力只是一般,因為那些政制的討論太籠統了,只是一個包裝。銀英比較能啟發青少年對歷史和軍事的興趣,看田中如何把二次大戰的結局反轉,玩得很高興。在莫斯科大戰中,德軍亡將變成英雄,擺平阻手阻腳的中立國,本來暗殺希特拉失敗的宗教人物成功地跑去殺了盟軍的要將,最後德軍一統天下把對方的政府和盟軍的死淨種安置在「一個小國」內。如果是政治的話,尤其是日本政治,創龍傳比較好玩,不過那部萬年爛尾小說也就只有罵日本政治罵得爽那個好處了。

[ 本帖最後由 kenen 於 13-12-2008 16:38 編輯 ]
燈 謎 : 「 循 序 漸 進 」 , 猜 一 字 。
得 個 「 講 」 字
C看來你只看了第一輯!
萊因哈特本身是一個有野心的獨裁者。
第一輯中發動內戰是因為皇帝繼承問題,帝國宰相及宇宙艦隊司令(萊因哈特)結合與貴族間的權力鬥爭。(最後更變成萊因哈特的獨裁政權)
第二輯中向同盟發動侵略是因為費沙導演了一幕「幼帝劫持」,給予帝國一個開戰籍口,建基於帝國人民對舊高登巴姆王朝的仇恨。(更何況在亞姆立札會戰中(第一輯),由於焦土戰的關係,帝國人民對同盟早已從中性變成敵視)
目標其實就是统一全宇宙
原帖由 burgundybabies 於 12-12-2008 22:10 發表
我覺得銀英傳唔可以話唔好睇,要睇返係咩階段/年紀,其實我係中學時,無意中睇到亞視播動畫,睇咗其中一集....頂,搞咩卡通片咁複雜嘅?但係當時都無即時追,而係過咗一段時間,喺商務印見到有20集版本,咁咪買吓睇吓.....

但係銀英傳 ...
施P約翰
重記得學校老師要我地做閱讀報告,
最後揀左個睇左銀河英雄傳說既貼堂。
我一開頭睇到個書名已經好「毒」,日本文學我一向不太喜歡。
但有一日無無聊聊睇到呢份書評,
有一句好記得:「人花掉一生所建立的豐功偉績,只不過是歷史翻開一頁而已。」
但丁: 走自己的路,讓人家去說吧!
這是一部十多年前看過的小說

最初並不是因為其政治 、政見而生趣

反而是比華麗的戰爭場面所吸引

在小弟眼中看來 作者 欣賞 立憲 > 帝制 > 議會
我只睇過 tv 版,當佢係娛樂卡通咁睇、歷史政治戰略元素當做點綴下咁會好過 d。 太認真睇的話,會覺得楊威利犀利得過份,帝國成班名將猛將智將對住佢變成智障,依謝爾隆要塞兩度落入楊手中,過程更加兒戲到無倫。

但係套野的確係有吸引o既元素係度:帝國同盟費沙三角關系、依謝爾隆要塞個概念—液體金屬外層、自給自足、雷神之鎚等等真係好正;仲有以戰略排陣為主o既戰鬥場面、皇牌機司波普蘭、擅長肉搏戰o既先寇佈同佢班薔薇騎士手下等更加係過癮添!

[ 本帖最後由 飛燕斬 於 18-12-2008 01:58 編輯 ]