澳門對香港人的感覺

我寫係港澳碼頭,關閘係比較?
澳門人洗咩打尖?條澳門 line 最多得個十個八個人?

豬生你住係澳門,我覺得冇咩野,
我寫既係澳門係呢十年,我見到既分別,
人地呢十年,改變好大,
同樣我睇台灣、大陸,
呢十年同樣有大既改變,為甚麼唯獨香港是這樣?
十年前我笑d台仔叫土仔,
今日我唔敢笑,唔係人地民主自由既關係,
係人地稔野真係唔同左。

人網呢度好多人都會認為,香港既失敗全因回歸,
我唔多讚同,澳門又係回歸,甚至大陸,直接在共產黨統治之下,
人地真係有進步,又如何解譯?

同樣,我可以寫翻香港人點睇澳門人,
澳門既問題,要寫真是多的是。

不過我近來睇到既係,
人地有改善,睇下香港?似乎越來越差。

睇下社民連支持既最高工時最低工資,
人地都已經立法有最高工時,咁香港呢?

十幾二十年前,台灣掀的香港風,
台灣人以為香港如何先進,如何開明,如何領導潮流,
看一下現在,香港對台灣還剩下甚麼影響力?
台灣已經離港而去,下一個可能是澳門,
今日大陸人仍然覺得香港人是領先的,
只是還能持續多久?睇下個d大陸人話香港是靠中央既言論,
係咪連大陸人都已經開始睇唔起香港人?

大香港主義,其實沒問題,
就像港珠澳大橋事件一樣,
香港如果有自己的優勢,能夠當年拒絕大陸建橋的要求,
我覺得沒問題,但好可惜今日,香港好多野都已經變成弱勢。
但係如果自己係弱勢,但仍然以為係強勢既時候,
好多時只會引起人地反感。

[ 本帖最後由 woodman 於 2-3-2009 17:27 編輯 ]
精彩!!!

p.s:應該係”桂枝仔”--”桂枝”係代表”香枝”,”香竹”
我係香港人,但響澳門都有班親戚朋友
前幾年經常去ctm, qoos留言討論,
所以亦經常睇到澳門人數臭香港人的言論,
我想講其實澳門人覺得比香港人敵視,比香港人睇唔起
有部分岩,有部分唔岩.
但其實覺得唔妥,澳門人並無對住人出聲,所以香港人繼續會覺得無問題

就好似今次澳門唔比部分香港人士入境
香港政府都有出聲,官員有去了解事件.
反觀澳門居民進出香港手續煩覆,以前葡國佬唔幫市民係正常
但現在內地人來港都有自由行,澳門特區有無提出入境簡化手續呢?

而一齊回歸後,點解澳門有進步,而香港退步?
因為99年前澳門槍林彈雨,衰無可衰,所以回歸後阿爺放幾滴水,社會未有進步.
反觀香港引以繁榮嘅自由,法治,回歸後全部打柴,唔死就難,大陸泵錢黎亦只能吊命.

樓主話香港人民素質越來越差,文化素質亦比唔上澳門
前者可以講普遍係,而後者唔可以咁片面
我都識澳門人黎香港聽飛輪海,又可唔可以以偏概全話澳門人文化素質底呢?
澳門前幾年開始搞澳門樂團開始,文化當局先開始識使錢搵國際音樂經紀請人演出
之前幾場巨星音樂會只因有賭場贊助,推廣.
澳門本地市場需求唔大,好多聽眾都係外來旅客,包括香港人.

而香港廿幾年前已有市政局,依家有康文署贊助,私人亦有搞手舉辦音樂會,
呢方面香港都算係落後,但聽眾市場相對成熟.

其實香港,澳門所謂特色,所謂本土文化未又係前朝留底的產物
好似BEYOND首歌 "爸爸媽媽"咁講"總之老豆食乜我就食乜"!
講bossa nova,唔係葡國佬聽,澳門人鬼識咩
就正如講莎士比亞咁,唔係英國佬文學有教,香港人又點會熟識!

而講立法,講最底工資
澳門政黨睇阿爺風聲黎行,上面立勞動法,
澳門未政治正確行最底工資,根本係舉手機器.
澳門有乜工業?同埋有幾多利益團體?
而香港又有幾多工種,幾多利益山頭要處理呢?
唔可以咁比較.

回歸後香港從一個世界金融城市變成內地一個乞兒仔城市
剩係識問阿爺囉錢,如果香港繼續係咁衰落去,唔該快手.
唔係台灣民進黨咁腐敗,國民黨又咁無用
再比d時間共產黨統戰,唔使幾耐台灣又比共產黨佢吞食埋!
本帖最後由 woodman 於 9-3-2009 05:41 編輯

43# zedit

網友們好多都誤解我既意思,
我唔係講澳們人係人文質素上超越香港,
而係講呢幾年澳門人的確有進步。
而且最重要既係,兩岸四地中,中澳台都在進步,
只有香港在退步。

要認清呢個事實,
即如網友所講,香港由100分退步到60分
澳門已由0進步到30分
如果香港唔反省,唔知幾時人地隨時會由30升到60分
那時香港更沒有優勢了,
如果連澳門都同你平起平坐,唔好唔記得還有大陸跟台灣,
那時隨時連廣州都超越香港了。

就用返音樂做例子,唔好講請咩外國歌星,就以本地創作而言。
(其實我好少聽歌,如果香港都有播,好對唔住,我唔聽香港既電台,我只聽網台)
澳門電台有時會播下d澳門本地創作,
老實講,是及不上香港歌,
不過我覺得,相比之下,其實呢幾年個d歌手都有進步,
總算呢幾年,由0開始,
由以前聽唔入耳,到依家算做聽得入耳。

放幾首平時係電台聽到既,
http://www.youtube.com/watch?v=8rl3Vq1xL38
http://www.youtube.com/watch?v=4lEIehm3XPo
http://www.youtube.com/watch?v=f9_jSpPR1WM

08年 澳廣視至愛新聽力
http://macao838.com/viewthread.php?tid=290064&extra=page=1&page=1
除左第8首可以唔聽,其他都總算可以接受
呢d 都係業餘歌手,算係咁上下啦,
係網上查到,第7首個個係教書既。

還有
http://www.happymacao.com/info/index.php/live/cddvd/75-cd/1390-mv

我有聽民間電台既星期四既音樂節目,其實香港音樂的確唔係差,只係,點解我地日日只聽到d牛叫?
點解d香港人咁排斥呢d非主流 band?
點解點解?

在經濟同政治上,不是也有類似的情況?
澳門細,問題易解解決,
有時呢個係香港既藉口,
大陸台灣都比香港大,人口多,人地都有推出措施,
想去解決,點解只有香港唔去解決?
(就像金融海潚派錢、派消費卷的問題)

我唔係好想談政治,因為呢度太多政治話題,
我只係覺得,如果全將問題推去共產黨到,
唔係太岩。

講起陳水扁,台灣人對陳水扁既睇法反而唔係咁差呢。
至少,我都同意佢地所講既,有機會再寫。

十幾年前去台灣,周街都播劉德華張學友,
重要聽真下,好多都係口水歌,聽真d原來係假劉華(記得呀譚都有講過)
今時今日,台灣還有幾可播香港歌?有時聽下台北之音,最多都係聽到d哥哥唱既舊廣東歌。

話事話,澳門人睇牛佬(葡國佬),同香港人睇英國佬唔同,
澳門有d野,唔完全係葡國人留底,而且回歸之後,好多葡國人都冇走到,
因為佢地已經變左澳門人。

因為d葡國人係澳門已經有好幾代,
有d已經係「中國化」完全係中國人樣。
你可以話個d係假葡國人,有d隧時唔識講葡文,
就好似李嘉欣(Michele Monique Reis)一樣,
老豆係葡國人,但已經成個中國人樣,
呢一類人其實澳門有好多。

有次同個台灣人去澳門,佢問我點解唔係好見到老外,
我唔識答佢,之後問返澳門人,
佢答我,當然啦,你係街見到個d澳門人,隨時個個都係老外,
不過已經變晒中國人樣之嘛。

我係見過一次一個金髮「外籍」既女士,操流利、標準既廣東話,
去澳門d茶餐廳買外賣,我呢d港燦真係第一次見。
本帖最後由 woodman 於 9-3-2009 17:02 編輯
就好似今次澳門唔比部分香港人士入境
香港政府都有出聲,官員有去了解事件.
反觀澳門居民進出香港手續煩覆,以前葡國佬唔幫市民係正常
但現在內地人來港都有自由行,澳門特區有無提出入境簡化手續呢?

而一齊回歸後,點解澳門有進步,而香港退步?
因為99年前澳門槍林彈雨,衰無可衰,所以回歸後阿爺放幾滴水,社會未有進步.
反觀香港引以繁榮嘅自由,法治,回歸後全部打柴,唔死就難,大陸泵錢黎亦只能吊命.
zedit 發表於 7-3-2009 04:10
再回一回呢兩個問題,
首先你講我有d野係片面,我讚成,或者我拿出來的論據不夠充份。
不過呢,人唔好以為拿「理性」出黎討論就得。
因為我寫既係感覺。

用哲學用語,感覺呢樣野係來自「直觀」,而非理性。
喜歡一個人,討厭一個人,有時候無需甚麼特別原因,
例如,即使錯的是我,討厭你這是事實,是沒法改變的。

澳門的高官,心底裡有冇這種「敵港」情緒,
我唔清楚,不過用科學一點的方法去說,
澳門細,隨時那些高官的家人、朋友,
或多或少會受過香港入境處的刁難也不一定。
澳門的人際關係沒有香港那麼疏離,
那些達官貴人,隨時以前是他們的鄰居。

呢篇係幾個月之前既野,
「澳居民忘帶入境紙往港受辱」
http://forum.cyberctm.com/forum/viewthread.php?tid=276102&extra=page%3D4

你話佢抵死又好,咩都好,總之「受辱」呢樣野,佢地對香港入境處既感覺。

回歸後兩地發展的差異,
你所說的,我覺得只是其中一個原因。

就正開多幾個賭牌,難導是中央的決定?
人家申遺成功,又是中央的關係?
人家辦運動會,又是中央的關係?
派錢,又是中央的決定?
連泰國包機,都係中央做既 ?
橫琴,又係中央要澳門食左佢?

呀譚都講過,澳門肯認底威,所以吸到唔少著數,
香港,就係唔肯認低威,
香港唔認低威唔係問題,最大問題係你有咩優勢先?
就好似港珠澳大橋,好明顯睇到,
初期傾唔成,係人地珠海點服?
珠海d貨櫃,一定要去香港出既咩,去深圳唔得?
著數大部份都係你,但要我出錢?

我自己的工作經驗,又係正中當日呀譚所講既,
可以話係個別事件啦,至於係咪其他人都係咁,我就唔知。

大陸研發,生產,香港就做個 product,
我承認,呢一方面,香港係比大陸優勝。
以前我做既公司就係同大陸某科技公司有這樣的合作。
本來好似係互保不足,但係可惜,老細獅子開大口,
又要唔出錢,又想食左人地,大陸研發既知識產權屬佢,
大陸個間公司只係接單生產,但老細一蚊都冇拿過出來,
喂,大陸個間公司點肯?我投資,我做研發,你只係幫我做好個 product,
推去外國,但係差唔多所有成果歸你?賺係你既,蝕係我既,大陸人真係蠢成咁?

所以台長有講大陸人認為自己做得黎,內裡隨時有這樣的故仔呢,
呢種事件我遇過幾次,對大陸人係咁,對台灣人係咁。
都有蠢蛋認承,最後咪蝕死。
香港人睇死大陸,以為你無我唔得呢。

回返去優勢,點解依家既香港人,唔去發展香港優勢?
真係高峰已過、窮技?
財爺提到既杜邦係香港科技園研發太陽能面板,
見到真係好好笑,你以為呢種係優勢?
深圳有多少太陽能方面的公司?
或許人地技術無你咁好,最大問題係人地唔係差得過你好多,
除非你香港有大突破,不過可惜,香港既研發能力,真係唔多好。
1

評分次數

本帖最後由 zedit 於 10-3-2009 04:56 編輯
再回一回呢兩個問題,
首先你講我有d野係片面,我讚成,或者我拿出來的論據不夠充份。
不過呢,人唔好以為拿「理性」出黎討論就得。
因為我寫既係感覺。

用哲學用語,感覺呢樣野係來自「直觀」,而非理性。
喜歡 ...
woodman 發表於 9-3-2009 16:50
唔好話個個網友誤解你
請你先去了解自己文章所表達意思!

講真上得討論區,我唔理你講野理唔理性,歡迎你爆粗 "發爛喳"
但你好多說話無理據,又可笑地講什麼哲學包裝自己,
論點建立在自己假設上,又講到理所當然
咁你何不對住牆自言自語,使乜響道實在地同人討論呢?

你用音樂做例子,但你又唔了解各地音樂又如何比較
你上次去高山劇場,上次去聽本地音樂創作比賽係幾時?!
請留意唔係"香港人排斥呢d非主流 band"
而係香港主流傳媒排斥呢堆幫唔到佢搵錢的東西
本地音樂唔係好,但響香港仍然有存在,而唔係市民容不下
你可以講香港市場太功利,搵唔到錢就唔播
但實情係聽眾為音樂付出太少了.
耳來伸手飯來張口,正係大部分香港新生代寫照!

講做生意,各地都有精明商人,亦有好多失敗例子
但點解大陸研發生產乜都掂,香港做乜都唔掂,高地價政策也.
點解香港剩係識做中間人接單搵錢,只因內地人太多做假,普遍做生意不太老實
外商比少少錢香港人做qc ,分別真假. 如果內地人老實d, 香港就蕉都無得食啦!

我明白師兄你對某件事有某睇法,不妨直講
你講香港有某做法唔好,係岩嘅
但有時對一地一事都未了解,就拿兩地來比較就比較輕率
講真唔去了解,明白事件,又如何去比較呢?

而別人回覆,你又有無去細心了解別人觀點,呢個又係另一個問題.
澳門回歸,葡國佬梗係搬得就搬,無野留底
但講澳門本地文化,係未應去睇呢一百幾十年來,
如何引入外來文化影響,去形成今日澳門的文化特色.
睇下係未因"上手"喜好,而引入並在本地發展咁方向
何需又李嘉欣,又金髮女士,一百幾十字的"個人感覺"呢
你去"打令"都有外籍金髮女士同你講流利廣東話,
去荷蘭園又有泰藉女士同你講流利廣東話,咁又代表乜野呢?!

師兄,多口問多句,你係唔係讀暨南或廣州大學架?
本帖最後由 zedit 於 10-3-2009 04:59 編輯
"呀譚都講過,澳門肯認底威,所以吸到唔少著數,
香港,就係唔肯認低威,
香港唔認低威唔係問題,最大問題係你有咩優勢先?
你拉到好遠,只能簡單回應

我唔記得譚博有咁講,
你講法只係岩用於香港對廣東省或內地省市交手的情況
而澳門不留唔會認叻,阿爺係未都會派粒糖話佢聽話

阿爺比著數亦係唔會睇香港係未沙塵,
你睇廣東省咁多人睇唔起香港就知
而係藉派糖用作打擊反對聲音,增加自我聲望的武器
而香港優勢係法治,自由經商
點解今日要去靠阿爺著數生存,又係另一話題了.
就好似港珠澳大橋,好明顯睇到,
初期傾唔成,係人地珠海點服?
珠海d貨櫃,一定要去香港出既咩,去深圳唔得?
著數大部份都係你,但要我出錢?
今日兩兄弟爭玩具唔夠人爭,又搬個阿媽出黎
邊個會服,我係香港人都唔服.咁無競爭力點可生存
今日之事發生,只怪當初岩時機陳老太又一口反對,
為的只係既得利益者的私利.
但現在先起橋香港又有乜野好處,雞肋也!
本帖最後由 woodman 於 10-3-2009 21:40 編輯

46# zedit

先回你,我唔係係大陸讀書,
甚至未係大陸返過一日學,
而且我都未係澳門讀過書。

或者可以咁講,因為在忙亂之下寫,行文不太流暢,詞不達意。

我想講既係,係呢個話題裡面,我想強調的,不是港澳人質素的比較。
因為一講呢個話題,就會引伸去個d 香港人又係咁,澳門人又係咁。

哲學包裝?「直觀」是一個很深的概念,這概念不易弄懂,
但這其實亦都很簡單,我都話係感覺。
我這個「澳門人」的感覺怎樣來?
是跟澳門人聊天聊出來的。

「論點建立在自己假設上」?我係假設左澳門人唔鐘意香港人,定係點?

不停用港澳人質素的比較去挑戰,根本不合主題,

而且我見過好多次,d香港人一見到數臭香港人既題目,就會群起攻擊。
除左我呢個,係人網,我都好幾次見到有咁既情況。
我只可以咁講,你去仔細留意下?
睇下另一篇我去插澳門人既,有冇人有相似既回應?
插我話澳門人係唔係咁差?

係唔係香港人自己,根本就睇唔起澳門人?

我自己以前係睇唔起大陸人、台灣人、澳門人,
呀叉、賓賓,正如以前旅遊學會,經常就講到「人」
我好記得有一集,講菲律賓,講d賓生活得好開心,
聽完之後,我走望下d賓,佢地真係好開心,
邊有香港人咁愁?
人地有人地既優點,我心稔,我地有咩資格睇唔起佢地?

正如你所講,係個幾個 forum,都見過澳門係數臭香港人,
佢地點解數臭,唔好理對錯,但係澳門人唔係咁鐘意香港人,這明顯是一事實。

即好似維園呀伯,既使民建聯禍港禍國,
佢地都會投民建聯一樣,因為佢地覺得,
民建聯係愛港愛國。

或者我用音樂既例子,你講得好
「請留意唔係"香港人排斥呢d非主流 band"
而係香港主流傳媒排斥呢堆幫唔到佢搵錢的東西」
但我自己睇香港人,好奇怪的,這兩句好多時會變成等號,

就用返「掃檯」事件,你可不可以不承認,無論政府、傳媒,
總之所謂的「主流」聲音,全部都話係「錯」?
而且香港人好多都認同這種說法。
(不要討論「掃檯」的對與錯,「掃檯」事件只是其中一個現像)

香港人好容易會變成排斥「非主流」的東西,
去留意下我有冇講錯?

其實可唔可以稔深一下,個d 泛道德主義,同我所講既,
有冇關係?

西瓜靠大邊,是我們的殖民地思想嗎?

至於那些地價,我讚同你的說法,
但只是我是從大香港主義來看,
或者其實這個題目,應該改做,
從「從澳門人對香港人的大香港主義,看香港的衰落」

講港珠澳大橋,唔係拉得遠,
如果你將陳太代入「大香港主義」當中,你就會明白佢點解有咁既決定,絕對解得通。
再將「大香港主義」代人現在香港政府,好難會唔明白,
點解香港政府要迫珠海出錢起橋?

不過唔同既係,當時香港的確有優勢。
我想講既係,其實香港人好多都還用當年的思維去稔野,

係近排政府好多事情上,都可以睇到d咁既跡像,
但係今日,優勢已經開始減弱了,甚至已經被人地超越了。

再講文化,澳門集合左好多唔同既文化,
澳門有大量的土生葡人,大批曾在台工作,
在台灣留學的學生,帶回來的台灣文化,
(90年代有大量澳門人係台灣做建築,讀書既阿譚就係其中一個,
而且澳門人留台的數目係非常多。
老實講,澳門人認識台灣,比香港還要深很多)
大陸文化,香港文化就當然啦,
甚至新來的美國文化。
好多野都唔係由澳葡留低,
唔係上手喜好,不然,
香港就不會佔那麼大的影響力。
或者直接d咁講,澳門人無好似香港咁,咁尊崇殖民地政府。
一方面澳葡冇咩善政,另方面有唔少澳門人,都有葡萄牙血統,
沒有太大既階級分別。

點解回歸前澳門出世通通可以拿到葡萄牙護照,
因為根本分唔清,邊d係葡國人,邊d係中國人。
本帖最後由 zedit 於 10-3-2009 23:25 編輯
46# zedit

先回你,我唔係係大陸讀書,
甚至未係大陸返過一日學,
而且我都未係澳門讀過書。

或者可以咁講,因為在忙亂之下寫,行文不太流暢,詞不達意。

我想講既係,係呢個話題裡面,我想強調的,不是港澳人 ...
woodman 發表於 10-3-2009 18:40
其實問你係未大陸讀書,我只係多口一問,希望唔好在意.無任何意思.
而我有幾點想講清楚,因我打字比我諗慢,所以亦有詞不達意,可能令你誤解更嚴重.

1)我明白你文章中想講香港某方面停滯不前,同時其他地方又進步,香港優勢好快比人趕上之意.
其實問題在於香港不進,而唔係其他地方點樣,而一地之事都未能說清楚之時,又何以將佢地去比較
所以我就講去 直接講下香港某方面的不足,有足夠理據再去比較都唔遲.
而音樂例子係你自己提出,點解又講返轉頭話人講不停呢???
我只係想講港澳文化好多係前朝引入,而非自己突破創新,五十步笑百步.
而我想問你香港除左牛叫歌手外,仲有乜野音樂,又有無人玩jazz呢???
回我幾百字,一句都唔識講.
正係你一地之事都未清楚,又去講兩地,
真係一個很深的概念!

2)你自己都識講係表達自己的感覺,而非什麼大支野概念,
又點解話係乜哲學理論,而不需去理性討論,唔使理據呢?
我針對 你好多問題建立自己假設上,
例如什麼高官子女過關被玩,所以依家敵視香港,玩返香港人咁
又有什麼理據,係未哲學教你思想咁鬆散,齋up了事?!

我想講以我多年睇討論區馬交人數香港人多係講自己經歷或社會發生某事
事件岩或錯都好,我都支持討論,但首要思考清晰,講野有根據,而唔係以偏概全
希望你明白我 只係針對你那些不實,又無理據支持的言論,而唔係反對數臭香港呢個題目

而數澳門人壞處題目上,點解你又不滿反對聲太多?
自己發起討論但又無一個包容其他聲音的開明態度
係未個個人思維都要走入你那個片面而狹窄的框架內才是正確呢?!

澳門人不滿香港人部分行為係事實,
但你講到"澳門人唔係咁鐘意香港人" 又係以偏概全,只係你個人無理據的想法
看三幾個討論就斷定係事實,又會否兒戲左呢?
澳門人普遍不滿香港人炒貴樓, 乜鬼都排隊怕吃虧, 假期過去又嘈又盛,
澳門人放假都上左拱北,中山玩避開香港人........
呢d大路觀點你又有乜講過
請不要將你個人觀點,強加在澳門人身上
你咁做正正犯左你自己所講的"大香港主義"


你講左還有好多野,唔去再答了, 每樣野都可以打幾千字討論分析,
所以我講你拉得遠,係你自己每樣事都無再仔細去思考,無了解當中問題,
三幾句又走去講另一事,講幾句文化,又講到離題萬丈.
又好似講音樂,自己諗都無諗,仲拎我兩句黎講,而無去引申當中意義
亦唔明白香港音樂市場,又用包容,排斥呢d空泛字眼.
你對現有香港何謂主流,非主流音樂都未知,乜都唔識講,還有什麼討論空間???

就正如我所講呢一代香港人 "衣來申手,飯來張口"
叫佢付出,去花時間用下腦去研究,不懂
只懂不斷誇誇其談,不斷重覆用什麼 "直觀" 呢種個人絕技.

"坐這山望那山,一事無成"
<敬業與樂業>所講呢一句,你應該明白吧!



本帖最後由 woodman 於 11-3-2009 04:08 編輯
其實問你係未大陸讀書,我只係多口一問,希望唔好在意.無任何意思.
而我有幾點想講清楚,因我打字比我諗慢,所以亦有詞不達意,可能令你誤解更嚴重.
其實點解我要答得咁徹底,就好似我聲明我不是澳門人一樣,
我只可以咁講,我覺得網友們會猜
1.我係澳門人捧澳門人
2.我係大陸教育出黎

而且呢個題目,我本係唔係想寫,因為好多野,我都未想很出答案。
不過見網友一群「反澳熱」,我寫下d另類看法。
1)我明白你文章中想講香港某方面停滯不前,同時其他地方又進步,香港優勢好快比人趕上之意.
其實問題在於香港不進,而唔係其他地方點樣,而一地之事都未能說清楚之時,又何以將佢地去比較
所以我就講去 直接講下香港某方面的不足,有足夠理據再去比較都唔遲.
而音樂例子係你自己提出,點解又講返轉頭話人講不停呢???
我只係想講港澳文化好多係前朝引入,而非自己突破創新,五十步笑百步.
而我想問你香港除左牛叫歌手外,仲有乜野音樂,又有無人玩jazz呢???
回我幾百字,一句都唔識講.
正係你一地之事都未清楚,又去講兩地,
真係一個很深的概念!
首先我可以承認,某些野我係講得片面既,你上面講
「而音樂例子係你自己提出,點解又講返轉頭話人講不停呢???」
呢一點我唔明?
或者咁樣講咁,我冇回你個d,因為我認同你既說法。
2)你自己都識講係表達自己的感覺,而非什麼大支野概念,
又點解話係乜哲學理論,而不需去理性討論,唔使理據呢?
我針對 你好多問題建立自己假設上,
例如什麼高官子女過關被玩,所以依家敵視香港,玩返香港人咁
又有什麼理據,係未哲學教你思想咁鬆散,齋up了事?!
高官子女過關被玩,呢個我冇講過,我只係用過假設去解釋。
點解我要講哲學二字?你睇下很多回文,都是執著於「公平」「質素」之上。
我想講以我多年睇討論區馬交人數香港人多係講自己經歷或社會發生某事
事件岩或錯都好,我都支持討論,但首要思考清晰,講野有根據,而唔係以偏概全
希望你明白我 只係針對你那些不實,又無理據支持的言論,而唔係反對數臭香港呢個題目
理據方面,先前我有引過一篇 ctm。
一篇 qoos的留言,
佢地舉左各式各樣既例子。
那些是他們的例子,而另外一些,是我舉的例子。
另外一篇後來回你的過關問題,那是補返先前有網友講既「公平」。

不過說真的,先生之言我很多都認同,我唔認同既
1. 香港現在所有問題都係來自回歸(大陸)。
2. 所有野都係前朝留低。
而數澳門人壞處題目上,點解你又不滿反對聲太多?
自己發起討論但又無一個包容其他聲音的開明態度
係未個個人思維都要走入你那個片面而狹窄的框架內才是正確呢?!
你這回點答好像跟問題無關。
不過如果先前對某些網友的言論,我火氣大了點,
那敬請原諒。
我倒是歡迎討論的。
澳門人不滿香港人部分行為係事實,
但你講到"澳門人唔係咁鐘意香港人" 又係以偏概全,只係你個人無理據的想法
看三幾個討論就斷定係事實,又會否兒戲左呢?
澳門人普遍不滿香港人炒貴樓, 乜鬼都排隊怕吃虧, 假期過去又嘈又盛,
澳門人放假都上左拱北,中山玩避開香港人........
呢d大路觀點你又有乜講過
請不要將你個人觀點,強加在澳門人身上
你咁做正正犯左你自己所講的"大香港主義"
這部份怪我用字不準確,而且我在這段,都已經講了,我沒有說澳門人一面倒的
唔鐘意香港。

「澳門人討厭香港人,但另一方面,我也可以感覺到澳門的媚港情懷。
因為很多東西,澳門都要靠香港輸入,音樂、電影、報章雜誌,
很多日用商品,都需要從香港進口,他們很多時都覺得,香港才是一個城市,
澳門只一個小鎮,甚麼都沒有。就好像電台每天播放的大部份都是香港的音樂。
看新聞報道,也只看香港新聞,甚麼天氣報告,所以很多時,澳門人不知道,
澳門已經掛了八號風球,因為香港還掛三號風球。」

你講既重要問題,炒樓,後花園我有提過,但我唔認同澳門人的說法。
澳門整個樓市,真係完全是香港人炒起?
但點解澳門人又覺得係香港人炒起?
留意一下,澳門人將唔少衰野,
都講到係因為香港人呢?

澳門人同我講大香港主義,佢地講得通,我接受他們所講的。
你講左還有好多野,唔去再答了, 每樣野都可以打幾千字討論分析,
所以我講你拉得遠,係你自己每樣事都無再仔細去思考,無了解當中問題,
三幾句又走去講另一事,講幾句文化,又講到離題萬丈.
又好似講音樂,自己諗都無諗,仲拎我兩句黎講,而無去引申當中意義
亦唔明白香港音樂市場,又用包容,排斥呢d空泛字眼.
你對現有香港何謂主流,非主流音樂都未知,乜都唔識講,還有什麼討論空間???

就正如我所講呢一代香港人 "衣來申手,飯來張口"
叫佢付出,去花時間用下腦去研究,不懂
只懂不斷誇誇其談,不斷重覆用什麼 "直觀" 呢種個人絕技.

"坐這山望那山,一事無成"
<敬業與樂業>所講呢一句,你應該明白吧!
或者我再講下咩係「直觀」,呢個唔係咩絕招,
天生既野,三歲都識,只係可能人越大,就越唔記得。
簡單一句,就係唔鐘意。鐘唔鐘意,唔洗理由。

頭先講左,好多網友用「澳門人質素唔係好」去反駁我所講既,
講,冇印表
唔到境,就好似冇帶 passport 一樣,
呢兩樣野,我認同,所以咪寫多篇掃澳門衰野,同埋我都有講,如果用葡國護照入境,咪表都唔洗印囉。

只係,佢地都係覺得你唔岩、唔鐘意你。無論你用甚麼證據去辯駁都冇用,但係網友們總係挑戰呢一樣野?
澳門人講到香港人點衰點賤 都唔等於澳門人好好。 澳門人真係有所進步。 但進步得夠唔夠﹖ 您去祐漢望下。 您去澳大望下D大學生咩料您就知。澳門真係0甘出息就唔好比爛。 就同歐美日﹑韓呢D有錢國家比。」
就算列出一萬個澳門人質素差的例子,一萬個例子去證明出入境的公平,咁又點?
無人講過澳門人點好點好,連講澳門人進步都唔得?

我有提過 jazz, bossa nova,呢個唔係咩嚴緊既論證,
先生有提過飛輪海,我沒有反對,我只係講,
人地唔係完全跟住你個一套黎行。