澳門對香港人的感覺

澳門對香港人的感覺

近來不少港人被拒入境,先不管是甚麼政治原因,
我自己倒是在想,香港與澳門人的差異。
兩岸四地我都生活過,不過我只有香港身份證。
在一年中,我在澳門會待三四十天的時間,

不少香港人都會以為澳門是香港的後花園,
跟澳門朋友聊天的時候,會發現,其實澳門人很恨香港人。
為甚麼啦,就是一個大香港主義,往往以為自己是大爺。
其實很時候可以說,香港人以為自己甚麼都懂,
其實甚麼都不懂,這正是港人的問題所在。

唐英年都說這是兩兄弟的問題,但誰是兄誰是弟呢?
我相信不少香港人都會以為自己的兄,澳門是弟。

就先說一下出入境

澳門電台早上有一個 phone in 節目,澳門講場,香港人不一定認識,
但這個節目收聽率應該不錯,雖然沒有實際的監察力,的很多澳門人打電話去投訴,
首當其衝的當然是澳門政府,有時候也會逼使一些澳門官員、機構出來回應。
雖然責罵聲音不太激烈,但是澳門政府會養一個電台去罵自己,
反觀香港,竟然容不下...

節目中我其實自己也經常聽到,罵香港入境處的聲音。

1. 為甚麼澳門居民來港要領表格
(不是手填的,是在澳門港澳碼頭列印出來的,沒有此表格,不能入境)
2. 為甚麼澳門居民經常被香港入境處刁難

第一個可能是政府部門的原因,而且將會修改,
而第二個,就是很多澳門人不滿的地方。

因為其實很多澳門人來港,萬一那些表格有甚麼問題,
很多時都會被香港入境處刁難。這個我的朋友也試過,
他們只是來香港轉機。入境處會很隨意地要盤問他們,
而往往一問就是數小時。剛才說的節目上也有人投訴的是,
他們忘了拿申報表,就被香港入境處抓了去盤問,
一問就是數小時,澳門人對此其實很不滿,
只是沒有太大的反應,罵完就算,這是澳門人的性格。

我認識在澳門當出入境的警察,
他們有一個稱乎香港人的名稱,叫「貴資仔」
我不知這詞的意思,大概就是大牌,
總是投訴香港人的麻煩,自以為是之類。

我自己常常出入澳門,雖然有部份可能是他們
的偏見,但是他們的投訴不無道理。
譬如在拱北,不少香港人會去排澳門居民的隊,就是為了不和國內同胞一起排隊,
以自己是香港人,可以任意排那一條隊。

在港澳碼頭香港人打尖打到離譜,素質比國內同胞還要差。

我不是讚同澳門拒絕香港人入境,我只是想說,
其實香港入境處也有很多問題,
而且單就在入境上,澳門人對香港人的感覺。
我當然知道拒絕香港人入境是政治問題,
也許澳門政府是怕香港人會激起澳門人的反政府情緒。

澳門人討厭香港人,但另一方面,我也可以感覺到澳門的媚港情懷。
因為很多東西,澳門都要靠香港輸入,音樂、電影、報章雜誌,
很多日用商品,都需要從香港進口,他們很多時都覺得,香港才是一個城市,
澳門只一個小鎮,甚麼都沒有。就好像電台每天播放的大部份都是香港的音樂。
看新聞報道,也只看香港新聞,甚麼天氣報告,所以很多時,澳門人不知道,
澳門已經掛了八號風球,因為香港還掛三號風球。

在幾個月前,譚博士在風火台談過澳門人自我意識的上升,
我覺得很有意思。澳門人對香港人反感的另一個原因,就是
澳門人越來越有錢,而且不是香港的一部份人富起來,
澳門是連低下階級,在這幾年,薪水也升了不少。
雖然澳門沒有一個像香港有一個龐大中產階級,
但總體來說,我發覺到,澳門人比香港人富有。
以前香港怕澳門人會來香港當黑工,
但現在,反而是香港人到澳門當黑工,
澳門人來香港的十個有十個都是消費的。

但香港仍以對待陳年對待澳門黑工的手法,
去對待澳門人。

這點我覺得很重要的,就是他們已經開始覺得,
澳門不是一個比香港差的地方,所以不是所有東西都要跟隨香港走。
就用澳門天文台作例子,現在澳門天文台的反應,
卻實是比香港快很多,因為以前他們都是活在香港天文台的陰影裡。
以前不少人都說。也可說是事實,就是香港天文台掛甚麼風球,
澳門就會接著掛,可能為了打破這個陰影,
澳門政府做事比香港決斷很多。
香港出過不少風球的風波,澳門卻沒有。
所以泰國包機又是一個例子了。
也許也是這樣,防於未燃,治安警察局也不給部份香港入境吧。

在澳門走在街頭,會發現,今天的澳門,除了受惜日澳葡文化所影響外,
其實兩岸三地,都有很大的影響力,我可以找到台灣特色、香港特色、
大陸特色、澳門特色的東西,可是在香港,我覺得越來越局限。
像譚博以前播放的一些 jazz,bossa nova,一些世界級的歌手會在澳門辦演唱會,
但在香港,只能聽到一班像牛叫的所謂本地流行歌手。
今朝有酒滿叔以前都有說到澳門看「另類」展覽,
那些另類其實只是比較非主流而已,
其實不單是經濟,人家的文化修養已經開始提升,
反觀香港,不進則退。

我自己開始覺得,香港人這十年是不斷在退步,反而,
其他的兩岸三地,這十年卻在飛躍的進步。
他們眼界開了,看東西已經開始長遠。
香港回歸後的差勁比現,政府當然佔很大的責任,
但港人的狹偽,也是很重要的原因。

我跟台灣朋友聊天,他們來到香港後,完全感覺到失望,
他們會以為香港是一個開明的社會,
來到後是另一回事。
談到獨統問題,他們對香港人都很反感,
你們香港人有甚麼資格去對台灣人指指點點。

香港人以自我為中心,以為自己是兩岸四地的核心,
最優秀的居民,但恰恰相反,我覺得香港人現在已經是太過自負了,
反而顯出了自己的只是無知的港燦。
如果不是國內有十數憶的人口,我覺得隨時在十年後
香港會是兩岸四地中,人文質素最差的一群。

[ 本帖最後由 woodman 於 20-2-2009 13:40 編輯 ]
4

評分次數

  • samsam2010

  • paulz001

原帖由 volumechan 於 20-2-2009 16:01 發表
我們香港人入境澳門都一樣要填表格。沒有不公平呀!!
香港人填個張藍色表格,我好清楚,因為我銀包有十張八張填好既。
澳門人來香港,係去賣飛個兩部機印張表出黎,有晒相有晒所有資料。
張表係澳門政府發的,香港人個張表,你幾時,係邊到填都得,
澳門個張表,如果唔記得印,或者坐船個時唔見左,會係「不能入境」,
香港係冇得補印既,需要節返澳門,兩者相差好遠。
原帖由 素問靈樞 於 20-2-2009 19:28 發表


澳門人來香港,係去賣飛個兩部機印張表出黎果張,其實係當旅行証件咁用,如果佢冇,其實就係冇旅行証件,等如你冇帶回 鄉 咭去大陸, or 冇帶passport去美國,冇得入係正常 ...
澳門人覺得唔公平既地方係,點解香港人拿將身份證,填個表,就可以係澳門逗留一年,
而澳門人則要拿身份證,再加係澳門印到的表格,好似先可以有14日在逗留(無記錯的話)。

不過呢個唔係重點,因為早前已經講左會改,而且佢地主要係怪澳門政府,點解爭取唔到平等對待,唔係怪香港。
而且如果拿葡國護照,香港是免簽證的,表都唔洗印
我同d澳仔傾,佢地話葡國護照大本麻煩。

所以好多澳門人不滿既,唔係張表,而係被香港入境署刁難,
唔係冇表會刁難,係有表都刁難你。

香港人以往享受了太多不平等對待的好處,但有時候,卻以為逢旨
只可以咁講,香港人睇唔到黎d野。

記得譚博有一集講23條,吳藹儀話,為甚麼反對香港23條,
支持澳門23條,我記得佢係話吳用大香港主義來看世界,
所有野都要人地跟香港模式黎行,這正是現在香港人一個好大的問題。

[ 本帖最後由 woodman 於 20-2-2009 23:50 編輯 ]
原帖由 ilan 於 21-2-2009 03:51 發表
其实LZ的所言又何妨不是大澳门人的心态呢? 对区域的感情自己当然理解, 但当感情变为一种固执而去将自己同意的东西, 强加到不同意的人身上, 这又何苦呢?

各个地区都有自己的法例, 你能遵守自然什么事情都不会发生,  ...
無錯,其實大澳門人的心態已經開浮現,就在近來賭場減薪裁員的事件上面,可以看出來。
不過還未到達大香港主義那麼誇張。

我只可以表述一種現像,就是澳門人對香港人的既愛又恨。
不少澳門人,都將現在澳們所發生的問題,歸咎於香港人。
現在澳門人最關心的樓價問題,很多澳門人都認為,澳門房價之高,
是香港地產商一手做成了。雖然我不認同,但澳門人心裡就是這樣想。

或者我可以這樣說,大香港主義本身不是甚麼問題,而是很奇怪的,正如網友所說的,
香港人的國際視野,在這十年內嚴重萎縮,思想疆化,但可惜香港人還以為自己站在兩岸四地的頂峰,
這才是問題。所以港燦,「專指一些土氣、愚眛、落後、財大氣粗、囂張的香港人」不是別人,而是自己。
香港唔少議員高官,其實都是港燦一名。

不過澳門實際上不比香港好很多,但起碼,我在政府的表現上,看到比香港好。

論人材,論知識,澳門政府的水準跟香港政府應是天跟地比,
我很記得澳門世遺申報成功,香港才仿然大悟,
「原來可以申報世遺」,我好記得當時那些港官說要申報維港做世遺,
當然現在知道差不多沒可能。

接著澳門又來東亞運、葡語運動會,
雖然收益不大,但總叫成功。
澳門出廣告推廣東亞運,
香港又如夢中驚醒,也要跟著辦。
今年,且看香港會不會比澳門辦得更好?

小至近來的包機事件,都可以發現,
人家為甚麼會做得比香港好?
香港政府的質素應認比澳門好很多呢...

很奇怪的,澳門推行很多新政策,澳門人都拍手叫好的,
不用說派錢,新的勞工法、首置計劃,包機等等都算贏得澳門人的掌聲,
只是在批地(官商勾結、歐文龍...)、輕軌方面,有反對的聲音。

我不是支持23條,不過澳門人的確是歡迎23條的,反對聲音真的不多。
現在人家已經跟大陸差不多傾妥橫琴開發計劃,
已經放眼得更遠處,但反觀香港,我真的沒見到幾件事贏得港人掌聲。
香港的未來,吹來吹去都XX港,XX中心,摸不著邊際。

跟澳門人接觸,感覺他們的國際視野是闊了,但並不比香港人高。
人文質素,也是提高了,但還有一段距離。但政府為甚麼這樣?

在思想及視野上,反而我覺得台灣跟大陸人,已經超越香港人。
我沒有甚麼大陸朋友,但近來總算跟幾位台灣朋友聊過天,
有時間寫一下他們怎樣看香港人

[ 本帖最後由 woodman 於 21-2-2009 05:36 編輯 ]
原帖由 獨尋醉228 於 22-2-2009 18:12 發表


樹大難免有枯枝格嘞......如果唔係國內同胞喺香港勁消費.....香港人咪又係睇唔起大陸人.......小弟因搵食關係......香港澳門大陸為家....以小弟愚見......無論居住或人情味.......我鐘意澳門多過香港好多.

舊年小 ...
其實,我想講既,唔係香港人,澳門人既比較,
那裡質素高低,
兩方的公平與不公平,
而係澳門人眼中的香港人,
當然唔係澳門人話既說法完全正確,但係,
點解人點解香港人會俾佢地一個咁樣既印像,
似乎幾值得思考一下。

有興趣可以上去澳門人的 forum 睇下,經常都有這些話題。
http://forum.cyberctm.com/forum/viewthread.php?tid=249889
http://bbs.qoos.com/viewthread.php?tid=1584873&extra=&page=1

我只係希望,可以係人地既眼中,得知香港人呢十年到底發生咩問題。
明光社的道德塔尼班,
包機,
甚至近排的
「港府要主力幫忙窮人,沒餘錢搞典禮」
這不就是一些大香港主義的港燦?
原帖由 bandbros 於 25-2-2009 00:04 發表 [url=redirect.php?goto=findpost&pid=3688567&ptid=733974][/url]
近年有好多香港人去澳門打工, 係澳門無人材, 無本事做某o的工種, 香港人工咁貴, 你估的僱主錢多呀?! 澳門人咁憎香港人, 放哂大陸人去澳門打工o羅.
師兄,我真係唔知取笑你好,定係同情你唔熟悉澳門。
今日澳門的外勞,以大陸人為最多,
澳門人的技術水平係差,無人材,不過人材唔係得香港先有。
上年好景個時,除左大陸,連東南亞,甚歐美金髮既,去澳門當外勞都不少。
不過香港人既外勞係集中係建築,至於需求最大既賭場,香港冇咁既人材。
我有朋友做地盤,佢講過,澳門開兩倍人工,中東就開3-4倍,不過中東太辛苦,先去澳門,
不過近來澳門裁員,香港既勞工,應該大部份都已經返晒黎。
原帖由 bigpotato 於 25-2-2009 09:37 發表
講多無謂,既然亙相攻擊,大可斷絕往來,問題自然解决,一沉百踩,回龜所賜。
睇左幾位師兄既言論,其實我真係唔係好明,點解香港人連小小的反對聲音都容不下?

真的以為世界環繞住香港走?
不過,我一早估到會出現如此言論,不然我去那裡找大香港主義的證據。
哈哈,連講人地唔鐘意你都唔得。

去同個女仔示愛,人地話唔鐘意你,
竟然唔係想下自己有甚麼不足,反而是,你咁醒去找過好過我架啦,
我唔會再同你一齊架啦,你最多都只係可以返大陸搵到架咋。

自欺欺人

點解香港人的思維封閉成咁?難怪香港會越來越差,有甚麼問題都是賴外來的因素。


三人行,必有我師。

[ 本帖最後由 woodman 於 25-2-2009 12:44 編輯 ]
原帖由 肥蟛蜞 於 27-2-2009 14:39 發表

我唔介意澳門人鬧香港人。 我自己身為香港人都成日係外國人面前鬧香港人啦。 香港人做得唔0岩難道唔鬧得﹖

我而家想講三點﹕

1) 套用台南亞嬸成日講既話。 您自己講既說話就係一面鏡子。例如﹐一個人成日鬧人自私﹐佢自己 ...
先生請張大眼看清楚,我沒有比較港澳人兩者的水平,
亦沒有說澳門人的水準比較高,
而且我再三的重申過,我寫的是澳門人的看法,
不是比較,有甚麼好比的?

再者我不是澳門人,我沒有澳門的工作證、身份證。我在香港出生,在香港長大,
我只是站在別人的立場,去看自己而已,先生,你放錯用神啦。
所以先生說得對,我是港燦呀。
我在文章中頭幾句就已經寫得很清楚啦?

其實我想寫的東西很簡單,就是人家在進步,我們卻在退步,
(人家在進步不代表比我們優勝,知道嘛?)
我接觸到的大陸人、台灣人甚至澳門人,這十年都在進步,
但只有我們香港人在退步,
為甚麼呢?
深刻的問題不去思考,去想誰高誰低,哈哈哈哈

包容?連先生你都包容唔到同是香港人的我啦,
是不是想證明香港人的包容力如何的差?

[ 本帖最後由 woodman 於 27-2-2009 23:56 編輯 ]
原帖由 肥蟛蜞 於 28-2-2009 17:54 發表




咩叫包容﹖ 全盤接受您講既野就叫包容﹖ 我睇晒您D野又無向版主投訴。 淨係寫我既異議

0甘就叫包容唔到您﹖



如果您包容唔到別人對您既批鬥既話﹐唔該下次出POST之寫明只准附和不准異議。成日話人地唔包容您﹖ 唔好話您 ...
我沒有說全盤接受我的意見是包容,
只是告訴你,我不是澳門人而已。

你講我唔包容,我講返你都唔包容,
台南照鏡個故仔又係你講,
拿版主大我既又係你,
大不了ban  我也沒所謂,
而且 ban 我就最好。

「 唔該下次出POST之寫明只准附和不准異議」
個個係先生你呀,你有理據既無問題呀,
我又唔係唔歡迎討論。


台長講既個句說話,我唔多批評,因為佢對澳門唔理解,
譚博都有講,澳門政府禁止港人入境,澳門人係支持既。

我唔係支持澳門政府禁止港人入境,
只係有冇發覺,你地只會從香港方面去稔,唔會係澳門方面去稔?

我沒有對港人澳門人在「水準」上的比較,
但我有比較香港政府同澳門政府。
你硬要說我比較,沒關係,我只係講,今時唔同往日啦。

你要舉返澳門理工社會系個位小姐,都陳年啦,
聽返個幾個主持講d咩?
我講澳門講場,個d主持無點批評香港政府,

個個小姐都有講過呢個節目,
我記得佢係講,個節目d野講完就算,完全冇人跟進。
我寫係港澳碼頭,關閘係比較?
澳門人洗咩打尖?條澳門 line 最多得個十個八個人?

豬生你住係澳門,我覺得冇咩野,
我寫既係澳門係呢十年,我見到既分別,
人地呢十年,改變好大,
同樣我睇台灣、大陸,
呢十年同樣有大既改變,為甚麼唯獨香港是這樣?
十年前我笑d台仔叫土仔,
今日我唔敢笑,唔係人地民主自由既關係,
係人地稔野真係唔同左。

人網呢度好多人都會認為,香港既失敗全因回歸,
我唔多讚同,澳門又係回歸,甚至大陸,直接在共產黨統治之下,
人地真係有進步,又如何解譯?

同樣,我可以寫翻香港人點睇澳門人,
澳門既問題,要寫真是多的是。

不過我近來睇到既係,
人地有改善,睇下香港?似乎越來越差。

睇下社民連支持既最高工時最低工資,
人地都已經立法有最高工時,咁香港呢?

十幾二十年前,台灣掀的香港風,
台灣人以為香港如何先進,如何開明,如何領導潮流,
看一下現在,香港對台灣還剩下甚麼影響力?
台灣已經離港而去,下一個可能是澳門,
今日大陸人仍然覺得香港人是領先的,
只是還能持續多久?睇下個d大陸人話香港是靠中央既言論,
係咪連大陸人都已經開始睇唔起香港人?

大香港主義,其實沒問題,
就像港珠澳大橋事件一樣,
香港如果有自己的優勢,能夠當年拒絕大陸建橋的要求,
我覺得沒問題,但好可惜今日,香港好多野都已經變成弱勢。
但係如果自己係弱勢,但仍然以為係強勢既時候,
好多時只會引起人地反感。

[ 本帖最後由 woodman 於 2-3-2009 17:27 編輯 ]
本帖最後由 woodman 於 9-3-2009 05:41 編輯

43# zedit

網友們好多都誤解我既意思,
我唔係講澳們人係人文質素上超越香港,
而係講呢幾年澳門人的確有進步。
而且最重要既係,兩岸四地中,中澳台都在進步,
只有香港在退步。

要認清呢個事實,
即如網友所講,香港由100分退步到60分
澳門已由0進步到30分
如果香港唔反省,唔知幾時人地隨時會由30升到60分
那時香港更沒有優勢了,
如果連澳門都同你平起平坐,唔好唔記得還有大陸跟台灣,
那時隨時連廣州都超越香港了。

就用返音樂做例子,唔好講請咩外國歌星,就以本地創作而言。
(其實我好少聽歌,如果香港都有播,好對唔住,我唔聽香港既電台,我只聽網台)
澳門電台有時會播下d澳門本地創作,
老實講,是及不上香港歌,
不過我覺得,相比之下,其實呢幾年個d歌手都有進步,
總算呢幾年,由0開始,
由以前聽唔入耳,到依家算做聽得入耳。

放幾首平時係電台聽到既,
http://www.youtube.com/watch?v=8rl3Vq1xL38
http://www.youtube.com/watch?v=4lEIehm3XPo
http://www.youtube.com/watch?v=f9_jSpPR1WM

08年 澳廣視至愛新聽力
http://macao838.com/viewthread.php?tid=290064&extra=page=1&page=1
除左第8首可以唔聽,其他都總算可以接受
呢d 都係業餘歌手,算係咁上下啦,
係網上查到,第7首個個係教書既。

還有
http://www.happymacao.com/info/index.php/live/cddvd/75-cd/1390-mv

我有聽民間電台既星期四既音樂節目,其實香港音樂的確唔係差,只係,點解我地日日只聽到d牛叫?
點解d香港人咁排斥呢d非主流 band?
點解點解?

在經濟同政治上,不是也有類似的情況?
澳門細,問題易解解決,
有時呢個係香港既藉口,
大陸台灣都比香港大,人口多,人地都有推出措施,
想去解決,點解只有香港唔去解決?
(就像金融海潚派錢、派消費卷的問題)

我唔係好想談政治,因為呢度太多政治話題,
我只係覺得,如果全將問題推去共產黨到,
唔係太岩。

講起陳水扁,台灣人對陳水扁既睇法反而唔係咁差呢。
至少,我都同意佢地所講既,有機會再寫。

十幾年前去台灣,周街都播劉德華張學友,
重要聽真下,好多都係口水歌,聽真d原來係假劉華(記得呀譚都有講過)
今時今日,台灣還有幾可播香港歌?有時聽下台北之音,最多都係聽到d哥哥唱既舊廣東歌。

話事話,澳門人睇牛佬(葡國佬),同香港人睇英國佬唔同,
澳門有d野,唔完全係葡國人留底,而且回歸之後,好多葡國人都冇走到,
因為佢地已經變左澳門人。

因為d葡國人係澳門已經有好幾代,
有d已經係「中國化」完全係中國人樣。
你可以話個d係假葡國人,有d隧時唔識講葡文,
就好似李嘉欣(Michele Monique Reis)一樣,
老豆係葡國人,但已經成個中國人樣,
呢一類人其實澳門有好多。

有次同個台灣人去澳門,佢問我點解唔係好見到老外,
我唔識答佢,之後問返澳門人,
佢答我,當然啦,你係街見到個d澳門人,隨時個個都係老外,
不過已經變晒中國人樣之嘛。

我係見過一次一個金髮「外籍」既女士,操流利、標準既廣東話,
去澳門d茶餐廳買外賣,我呢d港燦真係第一次見。